Контакт

Европа

Коронавирусот повторно ја затвора Европа

Објавено пред

Повеќето европски земји повторно се одлучија за затворање и построги мерки за справување со новиот бран на коронавирус, откако новите видови земаа замав.

Јужноафриканскиот сој пристигна и во регионот, каде што беа регистрирани првите случаи во Словенија и Хрватска, кои, пак, одлучија да ги релаксираат мерките. Србија, каде бројот на новозаразени лица е над 3.000 на ден, воведе построги мерки викендов во обид да се спречи ширењето на вирусот.

Грција, Холандија, Данска и Италија се определија за делумно олеснување на мерките, главно по региони.

Од друга страна, Франција, Чешка, Шпанија и Португалија воведуваат нови построги мерки и нови затворања.

Карантинот во Белгија е продолжен, а строгите мерки остануваат на сила во Германија и Ирска. Шведска истотака воведе построги мерки пред неколку дена.

Франција – делови од земјата се затвораат

Делумното затворање е на сила од овој викенд во делови на Франција кои се особено тешко погодени од пандемијата на коронавирус, имено областа Ница и крајбрежјето на југ и север околу Данкирк.

Затворањето важи само за време на викендите, кога луѓето можат да излегуваат само од оправдани причини. Продавниците, освен супермаркетите и аптеките, се затворени.

Дозволено е излегување од домот за спортување, одење на прошетка во радиус од пет километри, пазарење, работни обврски и шетање куче. Граѓаните мора да го документираат излегувањето од дома со пополнет образец.

Германија – строгите мерки остануваат на сила

Германија истотака се соочува со зголемување на бројот на заразени лица. Таму се на сила строги мерки, кои вклучуваат затворање на сите продавници (освен продавници за храна и аптеки), училишта, ресторани, кафулиња и барови, фризерници, трговски центри. Приватните собири се сведени на само едно лице од друго домаќинство, а носењето „рачно изработени“ маски е забрането. Училиштата се отворени во неколку држави, а наскоро се очекува да се отворат и фризерските салони. Мерките треба да бидат на сила до 8 март, но канцеларката Ангела Меркел не ја исклучи можноста за нивно продолжување.

Грција – Постепено попуштање на мерките по строгата блокада, полицискиот час останува на сила

Грција има нешто полесна ситуација благодарение на строгиот карантин, што го намали растот на нови инфекции, што доведе до отворање на продавниците и основните училишта. Во јануари, сепак, се појавија таканаречените „црвени зони“ – области со поголем број заразени и починати, поради што беше воведено заклучување на зоната и затворање на училиштата, фризерските и салоните за убавина и продавниците. Во Атина, Солун и Халкидики на сила е ноќниот полициски час во текот на работната недела, кој е построг за време на викендот, од 18 до 5 часот наутро.

Италија – повеќето од мерките остануваат на сила

Италија го задржа полицискиот час од 22 до 5 часот наутро, а воведена е и забрана за патување меѓу 20 региони. Маските во јавноста се задолжителни, во затворени простории, но исто така и на отворено и тоа се однесува на целата земја. Во некои делови од земјата, баровите и рестораните се повторно отворени – до 18 часот, а средните училишта се отворени, иако со намален капацитет.

Чешка – ситуацијата во болниците е критична

Една од најтешко погодените земји во ЕУ ја заострува блокадата. Чешка се приближува до бројката од 20.000 смртни случаи, а премиерот изјави дека „ситуацијата во болниците е речиси до вистинска катастрофа“. Затоа Владата во петокот донесе одлука за воведување на нова вонредна состојба, која ќе стапи на сила во недела и ќе трае 30 дена.

Шпанија – полициски час до мај

Во Шпанија на сила е полициски час, кој ќе трае најдоцна до мај. На луѓето им е дозволено да излегуваат само поради работа, образование и пазарење, односно во случаи кога треба да обезбедат помош за стари лица и деца. Сите над шест години мора да носат маска во јавниот превоз, како и на јавни места. Маските се задолжителни во повеќето региони и на отворени простори.

Белгија – продолжен карантин

Белгија го продолжи карантинот до 1 април и сите несуштински патувања се забранети. Максимум едно лице е дозволено да посети друго домаќинство, а максималниот број на луѓе собрани на отворено е четири лица. Училиштата и продавниците се отворени, но луѓето мора да одат сами на шопинг и не смеат да останат во продавницата повеќе од половина час. Маските се задолжителни насекаде.

Португалија – воведена нова блокада

Португалија исто така воведе ново затворање на 15 јануари. Работата од дома е задолжителна, Продавниците и услужните дејности се затворени. Кафулињата и рестораните можат да вршат само испораки. За повеќето деца, училиштето е затворено и се очекува овие мерки за ново затворање да бидат на сила најмалку до 1 март.

Холандија – полицискиот час останува, но некои мерки се олабавуваат

Холандската влада донесе одлука за олеснување на некои мерки. Од 1 март средношколците ќе имаат барем еден ден настава во училиштата. Се отвораат фризерски салони и други „контактни“ професии, освен сексуалните работнички. Лицата помлади од 27 години можат да се занимаваат со спорт на отворено. Полицискиот час е сè уште на сила и покрај големите немири што избувнаа поради него.

Данска – Дел од мерките се олеснети

Данската влада донесе одлука за олеснување на некои мерки. Секторот за малопродажба се очекува да се отвори во март, а можни се активности на отворено за групи до 25 лица. Децата исто така се очекува да се вратат на училиште, но само во области со мала стапка на новозаразени.

Ирска – На сила најстроги мерки

Ирска се врати на строгата блокада на крајот на декември откако претходно дозволи патувања за време на Божиќните празници. Строгите мерки ќе бидат на сила барем до 5 март. Нема излегување од дома освен за одење на работа, училиште и од други, суштински причини. Вежбањето е дозволено, но само во радиус од пет километри од дома. Забрането е дружење во куќи. Свадбите се ограничени на шест лица, а погребите на 10. Сите продавници кои не се неопходни, спортските сали, базените и просториите за одмор се затворени. За рестораните, пабовите и кафулињата е дозволена само продажба од пункт или достава.

Шведска – Владата ги воведе првите големи ограничувања

Шведска долго време избегнуваше воведување строги мерки, но на 10 јануари беше донесен закон за итни случаи, кој веднаш стапи на сила и и овозможи на владата да воведе некои ограничувања поради короната за првпат. Сега од луѓето се бара да носат маски во јавниот превоз за време на фреквентните периоди кога има поголеми гужви. Пред неколку дена беше воведена забрана за продажба на алкохол по 20 часот и само четири лица имаат право да седат на маса во ресторани. Јавните собири се ограничени на осум лица, а наводно се разгледуваат и други мерки.

Европа

ЕУ договори итна испорака на 50 милиони вакцини на „Фајзер“

Објавено пред

Претседателката на Европската комисија, Урсула фон дер Лаен, во средата објави дека е постигнат договор со „Бионтек/Фајзер“ за испорака на 50 милиони дози вакцина во вториот квартал и најави почеток на преговори за трет договор за купување 1,8 милијарда дози од производителот во текот на следните две години.

„Задоволство ми е да објавам дека постигнавме договор со ‘Бионтек/Фајзер’ за забрзување на испораката на 50 милиони вакцини, кои ќе бидат доставени во вториот квартал наместо во четвртиот“, рече Фон дер Лаен.

Таа додаде дека испораката на тие 50 милиони дози вакцина ќе почне во текот на месецот. Со забрзувањето на испораката „Бионтек/Фајзер“ ќе испорача вкупно 250 милиони дози вакцина во вториот квартал. Овие 50 милиони дози ќе бидат дистрибуирани до земјите членки пропорционално на населението.

Фон дер Лаен потврди дека Комисијата во иднина ќе се потпре на вакцините засновани на информациската РНК, нова технологија, која ја докажа својата вредност.

„Сега влегуваме во преговори со ‘Бионтек/Фајзер’ за трет договор. Тој договор предвидува набавка на 1,8 милијарда дози за периодот 2021-2023 година“, рече претседателката на Комисијата.

Прикажи повеќе...

Европа

Земјите од Е3 сериозно загрижени поради најавите на Иран

Објавено пред

Велика Британија, Франција и Германија, кои ја сочинуваат безбедносната група на европски сили, позната како Е3, денес изразија загриженост поради последните најави на Иран дека ќе продолжи да го збогатува ураниумот до 60 проценти чистота.

„Владите на Франција, Германија и на Велика Британија (Е3) се сериозно загрижени поради најавата на Иран до Меѓународната агенција за атомска енергија (МААЕ) дека ќе почне со збогатување на ураниумот до 60 проценти“, се вели во официјалното соопштение на Е3.

Агенцијата наведува дека групата Е3 смета оти тоа претставува сериозен развој на настаните во безбедносна смисла бидејќи производството на високозбогатен ураниум е важен чекор во производството на нуклеарно оружје и дека Иран нема веродостојна цивилна потреба од збогатување ураниум на тоа ниво.

МААЕ на 13 април потврди дека добило известување од Иран за намерата да почне со збогатување ураниум до 60 проценти во фабриката во Натанц.

Прикажи повеќе...

Европа

Данска трајно ја прекинува вакцинацијата со „aстра зенека“

Објавено пред

Данска целосно ќе престане да ја користи вакцината на „Астра зенека“ против Ковид-19 поради можна причинско-последична поврзаност помеѓу таа вакцина и формирање згрутчување на крвта, пишуваат денес повеќе дански медиуми повикувајќи се на неименувани извори.

Таквиот потег ќе предизвика одложувања во кампањата за вакцинација во таа земја, пренесува „Ројтерс“.

Претходно, Европската комисија објави дека нема да ги обнови договорите за вакцини со компаниите „Астра зенека“ и „Џонсон и Џонсон“ за в година и дека официјален Брисел повеќе би сакал да се фокусира на вакцините што користат технологија mRNA, како што се „Фајзер“ и „Модерна“.

Прикажи повеќе...

Најново

Македонија21 минута

СЗО: Состојбата во земјите од Западен Балкан е сериозна

Претставничката на Европската канцеларија на СЗО, Кетрин Смолвуд, предупреди на состојбата со коронавирусот во земјите од Западен Балкан е сериозна....

Македонија3 часа

Работата на Собранието да се деблокира на секое ниво, порача Џафери на вонредна координативна средба

Вонредна координативна средба поради блокадите во Собранието се одржа попладнево на иницијатива на претседателот на законодавниот дом, Талат Џафери, а...

Македонија5 часа

Регистрирани 949 нови случаи на Ковид-19, починаа 33 лица

Во последните 24 часа се направени 3.610 тестирања, а регистрирани се 949 нови случаи на Ковид-19 во: Скопје – 357,...

Македонија6 часа

Европратеници: Македонија и Бугарија треба да се оддалечат од дебатите за историја

Претседателот на Делегацијата на Европскиот парламент за односи со Северна Македонија, Андреас Шидер, вели дека Северна Македонија и Бугарија треба...

Македонија6 часа

Мицкоски: Оставка треба да си даде целата Влада, а Рашковски треба да е во затвор

Претседателот на ВМРО-ДПМНЕ, Христијан Мицкоски, во изјава за медиумите во врска со случајот за Рашковски рече дека оставка треба да...

Европа7 часа

Данска трајно ја прекинува вакцинацијата со „aстра зенека“

Данска целосно ќе престане да ја користи вакцината на „Астра зенека“ против Ковид-19 поради можна причинско-последична поврзаност помеѓу таа вакцина...

Македонија7 часа

Антикорупциската комисија продолжува со предметите за Рашковски и покрај оставката

Државната комисија за спречување на корупцијата (ДКСК), по поднесената оставка од страна на владиниот секретар за мониторинг и поддршка на...

Македонија9 часа

Филипче: Бројот на новозаразени од Ковид-19 во благ пад, притисокот во болниците и натаму голем

Министерот за здравство, Венко Филипче, изјави дека денеска е забележан тренд на намалување на бројот на новодијагностицирани случаи со Ковид-19....

Македонија10 часа

Македонија со цел до 2030 година да ги намали стакленичките гасови 51 отсто

Владата го усвои ревидираниот национален придонес кон Климатскиот договор од Париз, со што како национална цел ја постави амбицијата во...

Регион10 часа

Борисов: Јас нема да бидам кандидат за премиер во новиот кабинет

Бојко Борисов нема да биде предлог на ГЕРБ за нов премиер. Борисов ова лично им го потврди на новинарите по...

Европа11 час

Европската комисија: Нема продолжување на договорите за вакцини со „Астра зенека“ и „Џонсон и Џонсон“

Европската комисија донесе одлука да не ги обновува договорите за вакцини против Ковид-19 со компаниите „Астра зенака“ и „Џонсон и...

Топ11 час

Скопски фитнес-клуб работел и покрај забраната, следува кривична пријава

Полициски службеници синоќа извршиле контрола во фитнес-клуб лoциран на скопскиот булевар Партизански одреди по добивањето дојава дека тој работи и...

Македонија12 часа

Драги Рашковски поднесе оставка

Драги Рашковски, утрово, на својот „Фејсбук“ објави дека поднесува оставка од функцијата секретар за мониторинг и поддршка на институциите при...

Европа13 часа

Познато е до кога ќе се користат ковид-пасошите

Ковид-пасошите ќе се користат сè додека Светската здравствена организација (СЗО) не објави крај на пандемијата на Ковид-19, а авиокомпаниите ќе...

Македонија24 часа

Со законски измени ќе се регулираат цените во приватните болници за лекување болни од Ковид-19

Владата на денешната седница ги утврди измените и дополнувањата на Законот за здравствена заштита со кои, меѓу другото, Министерството за...

Македонија1 ден

Отворени термини за закажување вакцинација на граѓани од 73 и 74 години

Министерството за здравство соопшти дека во А1 СЦ „Борис Трајковски“во Скопје, има дополнителни слободни термини за вакцинација на возрасни групи...

Македонија1 ден

Државните функционери ќе имаат ограничување на трошоците за угостителски услуги

Владата на денешната седница ја разгледа и усвои oдлуката за начинот на користење и висината на финансиските средства за угостителски...

Македонија1 ден

Нови 1.129 заболени и 27 починати од Ковид-19

Во последните 24 часа се направени 4.045 тестирања, а регистрирани се 1.129 нови случаи на Ковид-19 во: Скопје – 458,...

Македонија1 ден

Мијалков останува во притвор поради опасност од бегство

Кривичниот суд му определи притвор на Сашо Мијалков, кој му е одреден сѐ до почнување со издржување на казната затвор....

Македонија1 ден

(Видео) Пресуди за „Трезор“: Мијалков осуден на 8 години затвор, а бегалецот Грујевски на 15 години

Првообвинетиот и ексдиректор на УБК, Сашо Мијалков, е осуден на осум години казна затвор во случајот „Трезор“. Во отсуство поради...

Досие