Ковчег во кој имало околу 500.000 евра пронашла жена во подрум на пикторесна париска зграда која во истата го наследила станот на нејзината мајка и имала намера да го продаде.

„Уште не сме завршени со броењето, но има некаде меѓу 500.000 до 600.000 евра во банкноти од 500, 100 и 50 евра“, открил извор за весникот „Ле Паризиен“.

Жената на возраст од педесетина години го наследила станот од нејзината мајка и ги презела потребните активности за продажба на имотот во отмениот седми арондисман во Париз, недалеку од Ајфеловата кула, пишува весникот.

Таа дури и ангажирала агенција за недвижнини за да ја процени вредноста на станот, а како дел од подготовките за продажба, во подрумот било пронајдено богатството скриено во ковчег.

Пронајдокот бил пријавен во полиција, која започнала истрага во врска со случајот. Ангажирана е финансиска полиција специјализирана за истраги за перење пари и фалсификување.

Државниот секретар за односи со Светата столица и надбискуп, Пол Ричард Галагер, ја обвини администрацијата на американскиот лидер Доналд Трамп дека сака да го искористи папата Франциско.

Според Галагер, администрацијата на Трамп тоа го прави со организирање симпозиум за верска слобода за време на посетата на американскиот државен секретар Мајк Помпео на Рим.

Галагер потврдно одговори на прашањето на „Анса“ дали организирањето симпозиум за верски слободи во американската амбасада во Ватикан претставува експлоатација на папата во последната фаза од американската претседателска кампања.

„Да, токму затоа папата нема да се сретне со американскиот државен секретар Мајк Помпео“, рече Галагер.

За време на посетата, Помпео разговара со италијанскиот премиер Џузепе Конте, а ќе се сретне и со министерот за надворешни работи, Луиџи ди Мајо, и со државниот секретар на Ватикан, Пјетро Паролин, но не и со папата Франциско.

Неименувани извори од Ватикан изјавија дека состанокот со толку висок функционер од администрацијата на Трамп ќе биде несоодветен поради наближувањето на изборите.

„Твитер“ ја блокира официјалната сметка на унгарската влада без никакво образложение, објави на „Фејсбук“ портпаролот на унгарската влада, Золтан Ковач.

„Се чини дека дојде овој нов доблестен свет, во кој технолошките гиганти ги замолчуваат оние што имаат поинакво мислење. Ги презедовме потребните чекори и очекуваме официјално објаснување од ‘Твитер’“, рече Ковач, пренесува агенцијата МТИ.

Тој оцени дека тоа е многу интересно со оглед на фактот дека Европската комисија денес ќе го објави првиот извештај за владеењето на правото