Свет
Кремљ за испраќањето ново западно оружје во Украина: Тоа е скапа глупост

Портпаролот на Кремљ, Дмитриј Песков, денеска изјави дека планот за евентуално американско снабдување со тенкови „Абрамс“ за Украина е неуспешен од технолошки причини бидејќи овие тенкови се скапи, а како што рече, цената ќе ја платат европските даночни обврзници.
Можноста САД да ѝ испратат „Абрамс“ на Украина, Кремљ ја оцени како скапа глупост наведувајќи дека овие борбени тенкови ќе изгорат.
Евентуалните американски испораки на борбени тенкови за Украина ќе бидат уште една очигледна провокација против Русија, изјави денеска рускиот амбасадор во САД, Анатолиј Антонов.
„Очигледно е дека Вашингтон намерно се обидува да ни нанесе стратешки пораз“, напиша Антонов на „Телеграм“.
Претходно денеска, Германија официјално потврди дека ќе испрати тенкови „Леопард 2“ во Украина.
Американскиот претседател Џо Бајден денеска ќе објави дека Вашингтон ќе ѝ ги испорача борбените тенкови „Абрамс„ на Украина, пренесува „Ал џезира“ повикувајќи се на неименуван американски функционер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
„Срамота“, францускиот Шарли Ебдо предизвика бес откако се потсмеваше со земјотресот во Турција

Францускиот сатиричен магазин Шарли Ебдо предизвика бес со карикатурата што ја објави за Турција по двата разорни земјотреси во кои загинаа илјадници луѓе, а десетици илјади беа повредени.
Карикатурата објавена на Твитер како „илустрација на денот“ прикажува срушени и оштетени згради, превртен автомобил и планина од урнатини.
Во горниот десен агол на карикатурата е напишано „Земјотрес во Турција“, а на дното „Нема потреба да се испраќаат тенкови“.
✏️Le dessin du jour, par #Juin pic.twitter.com/kPcEqZDocO
— Charlie Hebdo (@Charlie_Hebdo_) February 6, 2023
Корисниците на Интернет реагираа на оваа објава изразувајќи ја својата фрустрација и гнев.
Парискиот институт Босфор, кој работи на зајакнување на пријателството меѓу Франција и Турција, ја осуди карикатурата како „срамна, патетична и жална“.
„ Оваа карикатура не е ништо друго освен срам – изјави Франсоа Бургат, политиколог од францускиот Национален центар за научни истражувања.
Регион
Над 7200 загинати во Турција и Сирија, бројот постојано расте

Бројот на загинати во двата разорни земјотреси што вчера ги погодија јужна Турција и северозападна Сирија се искачи на повеќе од 7.200, а десетици илјади луѓе се повредени. Земјотресите оставија илјадници луѓе без покрив над главата, додека цели станбени блокови беа срамнети со земја.
Огромната спасувачка операција се уште трае. Студеното време ги попречува спасувачите во потрагата по преживеани. Во текот на утрото Турција беше погодена од два нови силни земјотреси – првиот беше со јачина од 5,6 степени според Рихтеровата скала, а вториот, кој се случи околу 08:50 часот, беше со јачина од 5,7 степени според Рихтеровата скала.
Првиот земјотрес со јачина од 7,8 степени според Рихтеровата скала се случи ноќе на студено време во провинцијата Кахраманмарас на југоисток, на околу 60 километри воздушна линија од сириската граница. Следеа десетици послаби земјотреси, а попладнето исто така на југоистокот на Турција се случи уште еден со јачина од 7,5 степени.
Турскиот претседател Реџеп Таип Ердоган прогласи вонредна состојба во 10 погодени провинции. Ќе трае три месеци.
Свет
(Видео) Скандалозна изјава на руската државна телевизија за земјотресот во Турција и Сирија: Не сме ние Црвен крст

Советникот на украинскиот министер за внатрешни работи, Антон Герашченко, на својот Твитер профил објави клип од емисијата на руската државна телевизија „Русија 1“.
На видеото се гледа како неименуван гостин зборува за последиците од двата силни земјотреси кои вчера го погодија јужниот дел на Турција и северозападна Сирија.
"I don’t see any Turks or Syrians fighting on our side, so why should we be sorry about them dying?" – Russian propaganda keeps showing what compassion really is. pic.twitter.com/sbqe1h0Dnm
— Anton Gerashchenko (@Gerashchenko_en) February 7, 2023
„ Многу луѓе загинаа денеска во Турција и Сирија. Русија понуди помош и ќе ја пружи… Дали ми е жал за нив? Да, ги жалам како луѓе“, ја започна својата презентација гостинот и додаде:
„ Но, дали ги сожалувам повеќе од моите сонародници, па дури и Украинците од другата страна, или Русите кои секојдневно гинат во оваа војна? Искрено ќе ви кажам и вам и на луѓето што не гледаат дека пред се мислам на овие мртви тука“, продолжи гостинот.
Тој додаде дека постапките на директорот на ЦИА Вилијам Барнс го загрижуваат многу повеќе од вчерашните земјотреси.
„ Не гледам ниту една сириска или турска единица да се бори на наша страна. Се разбира, мораме да помогнеме, претпоставувам. Но, ние не сме Црвен крст, не можеме да им помогнеме на сите, прво треба да мислиме на нашата земја“, заклучи гостинот.
Директорот на ЦИА Вилијам Барнс претходно изјави дека разузнавачката агенција проценила дека следните шест месеци ќе бидат „критични“ за Украина.