Свет
Кремљ: Нема да брзаме со заклучоци, за идните чекори ќе одлучи претседателот Путин

Официјален Кремљ денеска соопшти дека има простор за продолжување на дијалогот со САД, но дека очигледно е дека Вашингтон не ги зел предвид главните безбедносни барања на Русија, поради што нема многу простор за оптимизам.
Портпаролот на Кремљ, Дмитриј Песков, изјави дека Москва нема да брза со донесување заклучоци откако САД вчера официјално одговорија на нивните предлози за преобликување на безбедносните аранжмани во Европа, пренесува „Ројтерс“.
„Сите овие документи ги има и претседателот (Путин). Се разбира дека треба време за анализа. Нема да избрзуваме со никакви заклучоци“, рече Песков.
Опишувајќи ги тензиите на континентот како алузии на Студената војна, Песков рече дека на Москва ќе ѝ треба време да го преиспита одговорот на САД и дека во интерес на Москва и Вашингтон е да продолжат со дијалогот, иако, според него, има малку простор за оптимизам по изјавите. САД и НАТО велат дека главните барања на Русија се неприфатливи.
„Врз основа на она што нашите колеги го кажаа вчера за главните категории наведени во тие нацрт-документи, не можеме да кажеме дека се земени предвид нашите размислувања или дека е покажана подготвеност да се земе предвид нашата загриженост“ – рече Песков.
Тој додаде дека Кремљ смета дека има мала причина за оптимизам по американскиот одговор на руските предлози за безбедносни гаранции.
На прес-конференцијата Песков потсети на изјавите на американскиот државен секретар Ентони Блинкен и на генералниот секретар на НАТО Јенс Столтенберг, кои „апсолутно недвосмислено ја отфрлаат главната загриженост изразена од Руската Федерација“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Руски војник призна дека убил цивил, му се заканува доживотен затвор

Рускиот војник на кој му се суди за воени злосторства во Украина се изјасни за виновен за убиство на невооружен цивил.
Вадим Шишимарин е обвинет дека убил невооружен 62-годишен цивил и му се заканува доживотен затвор.
Како што беше претходно објавено, станува збор за 21-годишен војник од тенковската дивизија „Кантемировскаја“ од Московската област.
Според обвинението, војникот во обид да им побегне на украинските војници од украден автомобил застрелал 62-годишен маж на велосипед, кој зборувал на мобилен телефон.
Обвинителите велат дека би можеле да следат повеќе судења откако ќе се идентификуваат илјадници потенцијални злосторства извршени од руските сили.
Москва негираше дека нејзините војници гаѓале цивили.
Европа
Мајмунски сипаници почнаа да се шират низ Европа? Пријавени случаи во Шпанија и Португалија

Случаи на мајмунска сипаница се откриени во Португалија и Шпанија, што би можело да биде првата глобална епидемија на оваа ретка болест, објавија светските медиуми.
Шест лица во Португалија биле позитивно тестирани, а состојбата на десетици од нив се контролира, соопштија денеска тамошните здравствени власти.
Шпанија следи осум лица за кои верува дека би можеле да бидат заразени, а се спроведуваат тестови за да се потврди вирусот, соопштија тамошните власти.
Најновите случаи биле регистрирани кај мажи, од кои повеќето биле млади, но сè уште не е јасно како се заразиле.
Досега случаите на мајмунска сипаница беа ограничени на патници и нивните роднини кои се враќаа од Западна и Централна Африка, каде што вирусот е ендемичен.
Но, експертите сега стравуваат дека таа за прв пат се шири во заедницата, откако на седум Британци им беше дијагностицирана болеста во последните две недели.
Шест од нив се чини дека се заразени во Велика Британија, а повеќето се неповрзани, што сугерира дека повеќе случаи остануваат неоткриени.
Д-р Сајмон Кларк, микробиолог на Универзитетот во Ридинг, изјави за „Дејли меил“ дека се сомнева дека бројот на случаи во ОК веќе е десетици лица.
Кларк инсистирал на тоа дека болеста нема да се шири како ковид, додавајќи дека ќе биде изненаден ако се регистрираат повеќе од 100 случаи.
Регионите низ Шпанија се ставени во состојба на готовност по објавувањето на осумте сомнителни случаи во Мадрид.
Сè уште се чека потврда од Националниот центар за микробиологија.
Шефот на јавниот здравствен сектор во земјата, Фернандо Симон, рече дека мајмунските сипаници веројатно нема да предизвикаат значителен пренос, но тоа не може да се исклучи.
Шпанскиот здравствен систем за предупредување ги повика заедниците „итно“ да ги информираат јавните здравствени служби за пациентите со симптоми.
Регион
„Блиц“: Објавена фотографија од маицата пронајдена на телото во Дунав, иста таква имал и Периш

Тело на засега непознат млад маж е пронајдено утрово во Дунав кај Ада Хуја во Белград, јави српската агенција „Танјуг“, повикувајќи се на српското МВР, а сомнежите се дека станува збор за исчезнатиот Матеј Периш (27) од Сплит.
Телото е забележано утрово околу 9 часот и 20 минути во Дунав кај Ада Хуја, пренесе „Танјуг“, а истрагата е во тек.
Како што пишува српски „Блиц“, младиот човек чие тело е пронајдено носел потполно иста маица како онаа што ја имал Матеј Периш.
На пронајденото тело, како што пишуваат, имало темна маица со слика на бел јагуар и жолт натпис кој се врти во круг, а пишува „Power Super Cleaner“.
Матеј Периш ја имал истата маица, а токму неа ја носи и на фотографијата која кружеше по сите медиуми кога беше пријавено неговото исчезнување во Белград.
Хрватски „Индекс“ пишува, пак, дека телото било пронајдено на осум километри од местото каде за последен пат бил виден Периш.
Српските медиуми резултатите од ДНК анализата ги најавуваат за утре.
Инаку, на телото бил пронајден и сребрен часовник на раката, додека во џебот од фармерките бил пронајден мобилен телефон, ексклузивно објави „Блиц“.
Младиот сплиќанец исчезна ноќта меѓу 30 и 31 декември.
Според сведоштвата, тогаш тој го напуштил клубот „Готик“ и оттогаш му се губи секоја трага.