Жртвите кои беа пронајдени во контејнер кој од Србија стигнал во Парагвај, планирале да заминат во други земји.

Контејнерот во кои беа најдени седум тела во распаѓање, пред три месеци од Србија заминал за Парагвај преку Аргентина.

Алжирецот Смаил Маучи вчера разговарал со компанијата „ABC Color“ и по тој повод ги открил можните идентитети на жртвите кои беа пронајдени во контејнерот, пишува „Б92“.

Според неговите твдења починати се четворица Мароканци, двајца Алжирци и еден Египќанец.

Тој истотака изјави дека тие биле пријатели, а во Србија престојувале три месеци.

Вели дека планирале да одат во Италија или Белгија, а не планирале да се качат на овој воз, кој неколку часа бил во Србија на станицата, каде што се скриле во контејнер.

Според податоците што вчера во јавноста ги изнесоа локалните власти, несреќните мигранти минале скоро 20.000 километри, а со себе имaле хрaнa и водa сaмо за 72 чaсa.

Парагвајскиот весник „Насион“ вчера напиша дека парагвајската полиција верува оти едно од седумте лица се обидело да преживее јадејќи остатоци од неговите сопатници.

Шпанската влада прогласи вонредна состојба во земјата поради коронавирусот и воведе полициски час од 23 до 6 часот наутро.

Со цел да се запре ширењето на Ковид-19, Советот на министри, предводен од премиерот Педро Санчез, одлучи да воведе втора вонредна состојба во земјата од почетокот на годината.

Првата траеше од март до јуни, а според неофицијални информации, втората може да трае до април 2021 година.

Минатата недела, Шпанија стана првата земја во Европа и шеста во светот што регистрирала еден милион случаи на зараза со коронавирус.

Мандатарката за состав на новата Влада на Србија, Ана Брнабиќ, ги објави имињата на кандидатите за министри.

По седницата на претседателството на Српската напредна партија, Брнабиќ најави дека ќе има десет министерки во новата влада. Александар Вулин, поранешниот министер за одбрана, ќе стане шеф на Министерството за внатрешни работи, додека Небојша Стефановиќ, поранешниот министер за внатрешни работи, ќе го преземе управувањето со Министерството за одбрана.

Министер за надворешни работи ќе биде Никола Селаковиќ, досегашен генерален секретар на претседателството на Србија.

На парламентарните избори одржани во Србија на 21 јуни, кои беа бојкотирани од дел од опозицијата, владејачката Српска напредна партија освои 60,65 проценти од гласовите и 188 мандати.

Собранието на Србија има 250 пратеници, што значи дека се потребни 126 мандати за да се формира мнозинство.

Претседателот на владејачката партија, Александар Вучиќ, по седницата на Претседателството, пред новинарите изјави дека ова ќе биде влада со континуитет и дека приоритети ќе бидат борбата против организираниот криминал и корупцијата, силниот економски раст и европскиот пат.

Мандаторот за состав на Владата на Србија, Ана Брнабиќ, рече дека таа и кандидатите за министри едвај чекаат да ги претстават своите планови пред Собранието на Србија.