Свет
Кушнер: САД уште некое време нема да одобрат израелска анексија
Високиот советник на претседателот Доналд Трамп, Џеред Кушнер, изјави вчера дека Израел нема да продолжи со својата одлука да го примени суверенитетот на делови од Западниот Брег без одобрението на САД, што нема да се случи уште некое време, пренесува „Брејтбарт“.
„Претседателот Трамп е посветен да ги повикува на одговорност и Израел се согласи со нас дека нема да продолжат без наша согласност. Не планираме да дадеме согласност уште некое време бидејќи во моментов фокусот треба да биде на спроведување на овој нов мировен договор“, рече Кушнер осврнувајќи се на неодамна потпишаниот договор за воспоставување формални односи меѓу Обединетите Арапски Емирати и Израел.
И ОАЕ и САД соопштија дека прашањето за анексија е стопирано пред договорот. Меѓутоа, израелскиот премиер Бенјамин Нетанјаху истакна дека нема промени во неговата заложба за примена на суверенитетот и Трамп засега побара само да ги паузира плановите.
Поздравувајќи го односот заснован на силна доверба меѓу Трамп и Нетанјаху, Кушнер рече дека израелскиот лидер го уверил Вашингтон оти нема да продожи со плановите без американска поддршка.
„Тој нè увери дека нема да го стори тоа без наша согласност и тоа е доволно добро за нас. Веруваме дека договорот ќе се одржи“, рече Кушнер.
Осврнувајќи се на Западниот Брег, Кушнер продолжи:
„Тоа е земја што Израел сега ја контролира. Израелците живеат таму. Не треба да има никаква итност да се примени израелскиот закон. Значи, веруваме дека тие ќе се придржуваат кон договорот. Навистина сакаме да оствариме што поголема размена помеѓу Израел и ОАЕ и навистина сакаме Израел да се фокусира на создавање нови односи и нови сојузи“, додаде тој.
Мировниот план на Трамп предвидува Израел да анектира 30 отсто од Западниот Брег и долината на Јордан. Исто така, се разграничува демилитаризирана палестинска држава основана на поголемиот дел од Западниот Брег со делови од источен Ерусалим, кои се наоѓаат надвор од израелската безбедносна ограда, како нејзин главен град.
На брифингот, Кушнер изрази уверување дека планот на Трамп може да го реши израелско-палестинскиот конфликт, но додаде дека треба да го убедат палестинското раководство.
„Ние им пристапивме и рековме дека примената на израелскиот суверенитет е на стендбај. Нивниот кредибилитет навистина е на најниско ниво досега, па дури и луѓето кои сакаат да им помогнат на Палестинците велат дека не можете да им помогнете на луѓе кои не сакаат да си помогнат себеси“, рече тој.
Претседателот на Палестинската самоуправа, Махмуд Абас, свика итен состанок како одговор на, според него, очајната одлука за воспоставување дипломатски врски. Тој, исто така, го отповика својот амбасадор од Абу Даби.
Кушнер одговори, велејќи дека светот почнува да ја блокира „бучавата“ што доаѓа од палестинските власти, нарекувајќи го нивниот одговор на објавата предвидлив и нелогичен. Неколку часа по објавувањето на договорот, Кушнер рече дека има многу голема шанса да се потпишат повеќе договори во следните три месеци.
Во првото интервју за мрежа во Емиратите, Нетанјаху изјави за „Скај њуз Арабија“, со седиште во Абу Даби, дека Израел претпочита мир со арапските земји пред анексијата на Западниот Брег.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Исчезнатото осумгодишно девојче Нарин Гуран е најдено убиено и фрлено во торба (ВИДЕО)
Безживотното тело на осумгодишното девојче Нарин Гуран, кое исчезна во турската провинција Дијарбекир на 21 август, беше пронајдено во поток недалеку од селото во кое живееше, по 19 дена потрага.
Телото на девојчето е однесено на обдукција во Институтот за судска медицина, јавува Anadolu Agency, а според првичните сознанија, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж, пишуваат турските медиуми.
Откако Нарин Гуран беше пријавена за исчезната, започна копнена и воздушна потрага во регионот.
Во рамките на истрагата, површина од 11.000 квадратни метри беше пребарана од 2.000 луѓе, како и два хеликоптери и 48 воздушни дронови. Биле прегледани околу 150 возила за кои било утврдено дека минувале по патот во часовите кога Нарин исчезнала.
Се претресувале куќи во населбата и возила кои влегувале во селото. Исто така, 24 нуркачи пребарале пет потоци, три езера, 18 бунари и 24 километри водени канали. При претресот користени се и подземни уреди за снимање.
Жандармеријата во придружба на истражниот обвинител со подземен апарат за снимање ги пребараа соседните гробишта, особено гробовите на оние кои неодамна беа погребани. Сепак, не беа пронајдени траги. Беа испитувани и членови на семејството, меѓу кои и братот и вујкото на исчезнатото девојче, кој е приведен. Нарин Гуран била пријавена за исчезната од нејзиниот татко на 21 август вечерта, откако девојчето не се вратило од верска настава, а семејството и соседите кои веднаш почнале да ја бараат не успеале да ја најдат.
Министерот за внатрешни работи Али Јерликаја денеска соопшти дека телото на девојчето го пронашле припадници на жандармеријата и упати сочувство до семејството. Турската јавност е во шок поради ова брутално злосторство, а властите најавија дека одговорните ќе бидат најстрого казнети.
Diyarbakır’ın Bağlar ilçesine bağlı Tavşantepe Mahallesi’nde 19 gündür aranan Narin Güran'ın cansız bedeni köye 3 km mesafedeki dere yatağında bir çuval içinde
bulundu..
Bunu yapanların hiçmi vicdanı yoktu.. Allah b*lanızı versin..#narinbulundu#Narin
////// pic.twitter.com/Tv9hk9fbjk— 🇹🇷KUZEYİNOĞLU🇹🇷 (@__KUZEYINOGLU) September 8, 2024
Свет
Од строго чуван затвор во Португалија побегнаа петмина затвореници
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.