25-годишниот Шахин Акдемир загина во пожар што вчера ја зафати областа Мармарис во Турција. Шахин загинал додека им помагал на пожарникарите кои се бореле со огнот.

Несреќниот млад човек, кога дознал дека пожарот неконтролирано се шири, се качил на неговиот мотоцикл и натоварил вода, а потоа им ја доставил на пожарникарите во загрозената област. За жал, кога тргнал да се враќа за повеќе вода, тој доживеал несреќа и бидејќи бил сериозно повреден, не успеал да се спаси од пожарот и трагично загинал. Според турските медиуми, пожарот го зафатил неговиот мотоцикл.

Şahin Akdemir

İtfaiye ekiplerine gönüllü olarak yardım ederken hayatını kaybediyor

Haysiyetsizlerin yaktığı ormanlarımızı korumak adına hayatını feda eden, bu vatanın kahraman bir evladı o

Rabbim mekanını cennet eylesin pic.twitter.com/g00G5JWrLl

— Serkan Kayalar (@SerkanKayalar_) July 29, 2021

Во пресрет на трагедијата, овој храбар млад човек ги повикал пријателите на социјалните мрежи да им помогнат на пожарникарите.

„Ве молим носете вода, ние ќе продолжиме да носиме вода до пожарникарите, Бог да ни е на помош“, напишал тој во објава на социјалните мрежи.

Потоа информирал каде најмногу се шири пожарот и објавил фотографии од загрозената област, со уште еден апел до граѓаните да носат вода.

Трет ден по ред Турција се бори со страшните пожари што избија во близина на Анталија, Бодрум, Мармарис и неколку други локации, а најмалку три лица го загубија животот.

Огнената стихија кај Бодрум е локализирана, додека пожарникарите гасат пожари во други области дење и ноќе. Во гаснењето на пожарот беа вклучени повеќе од 20 летала и над 1.000 пожарникари.

Владата на Чешка објави дека го усвоила предлогот да им се даде дополнителен одмор на сите вработени во јавната администрација кои се вакцинирани против Ковид-19.

Оваа мерка, донесена во договор со синдикатите, се однесува на сите вработени вакцинирани од 1 јануари, кои можат да искористат два дополнителни дена годишен одмор до крајот на годината.

„Не успеав да најдам други начини за да ги мотивирам да се вакцинираат. Некои можеби го критикуваат решението и велат дека е неправедно, но мислам дека е фер”, рече премиерот Андреј Бабиш, повикувајќи ги приватните компании да понудат нешто слично на нивните работници.

„Секој добар работодавач и сопственик на фирма е свесен дека мора да ги заштити своите работници. Во спротивно, заразените работници ќе завршат во карантин, што може да има лоши последици за компанијата”, рече Бабиш.

Од 10,6 милиони жители на Чешка, 4,7 милиони се целосно вакцинирани.

Стравувањата на австриските власти се остварија, бидејќи кластерот на заразени од корона кои во земјата се вратиле по масовна забава на хрватскиот остров Паг, постојано расте.

Во моментов, регистрирани се 215 заразени лица, кои се распространети низ сите девет австриски покраини.

Инаку, на фестивалот со назив „Austria goes Zrce“ на островот Паг, односно на забавата на плажа, каде што очигледно дошло до ширење на вирусот, имало 2.500 посетители.

Австриските власти претпоставуваат дека бројот на заразени лица е далеку поголем од моментално познатите случаи.

Поради овој мега кластер, австриските власти размислуваат за воведување на задолжително тестирање при враќање во земјата.