Свет
Лавров во ОН: Западот со манијакална упорност ја охрабрува Украина да се судри со Русија
![](https://makfax.com.mk/wp-content/uploads/2024/01/677z381_lavrov-u-UN.jpg)
Западот со манијакална упорност ја охрабрува Украина да продолжи со воениот конфликт, предупреди шефот на руската дипломатија Сергеј Лавров на седницата на Советот за безбедност на Обединетите нации во Њујорк, која беше свикана по повод украинскиот напад на Доњецк.
„Реалноста е дека, без оглед на целосниот пораз на вооружените сили на Украина на бојното поле, западните покровители на режимот во Киев продолжуваат да го охрабруваат со манијакална упорност да го продолжи бесмислениот воен конфликт“, изјави рускиот министер.
Зборувајќи за поддршката што Западот и ја дава на Украина, Лавров предупреди дека Киев продава дел од западното оружје на црниот пазар и дека е тешко да се замисли дека западните престолнини не знаат за тоа.
Според него, повеќето експерти разбираат дека мирното решение на ситуацијата во Украина ja попречува поддршката на Западот за режимот во Киев, кој е „во агонија“.
„Денес, за огромното мнозинство независни експерти е сосема очигледно дека клучниот фактор што ја спречува потрагата по мирни решенија за украинската криза е тоа што Западот продолжува да го поддржува режимот во Киев без оглед на неговата очигледна агонија и неспособност да ги постигне задачите што ги диктира“, рече Лавров.
Според него, Русија не започна специјална воена операција против Украина и братскиот украински народ, туку против дрскиот криминален режим во Киев.
„Во февруари 2022 година, Русија започна специјална воена операција не против Украина и не против украинскиот народ, со кој сè уште имаме братски врски. Не случајно по 2014 година, речиси 7 милиони Украинци спасот го најдоа на руска територија. Бевме принудени да започнеме воена операција против криминалниот режим кој претерано реагираше поради чувството на неказнивост, кој не сакаше, и покрај нашите бројни, повеќегодишни напори, да се откаже од војната против сопствените граѓани на југот и југоистокот од Украина и политиката на целосна дискриминација на Украинците кои зборуваат руски, кои сè уште се мнозинство во оваа земја“, објасни Лавров.
Позиционирањето на американската помош за Украина наликува на финансирање на профитабилен деловен проект, а не на борбени операции, рече Лавров.
Тој потсети дека еклатантен пример за претприемничката активност на САД во Украина е тоа што на структурите на бизнисменот Џорџ Сорос им беше дадено земјиште со црна почва за отстранување на хемискиот отпад од западната индустрија.
„Повеќето големи украински фабрики и компании, вклучително и оние кои произведуваат литиум, беа продадени на истите Американци. Плодната почва им ја дадоа под неограничен закуп, како што велат кај нас, за џабе“, додаде Лавров.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.