Свет

Лавров: Г20 способна за решавање на глобалните економски проблеми наместо Г7

Објавено пред

2 недели

- 14 октомври, 2020

Од

Носењето на состаноците од форматот Г20 на највисоко ниво ѝ даде на групата можност да го замени Г7 во решавањето на глобалните економски проблеми, рече во вторникот рускиот министер за надворешни работи, Сергеј Лавров, пренесува ТАСС.

„Групата 20 е практично отворено признавање на мултипополарноста и на фактот дека Западот во својата поширока смисла, вклучително, се разбира, и Јапонија, не е способен да ги реши глобалните економски и финансиски проблеми“, рече Лавров на олајн-презентацијата на извештајот со наслов „Историјата ќе продолжи. Утопија на разноликиот свет“, чиј автор се експертите на меѓународниот клуб за дискусии „Валдаи“.

„Г20 се издигна од прилично неформални контакти на ниво на министри за финансии до настани од највисоко ниво. Фактот дека оваа група се искачи на врвно ниво на контакти го нагласува фактот дека Г7 веќе не може сама да се справува со глобалните економски проблеми“, рече рускиот шеф на дипломатија.

„Економските и финансиските прашања беа предложени како фокус на новите самити на Г20“, продолжи Лавров додавајќи дека групата ја вклучува Г7 заедно со групата нации на БРИКС (Бразил, Русија, Индија, Кина и Јужна Африка) и земјите што ја делат нејзината визија – Индонезија, Саудиска Арабија, Мексико и Аргентина.

„Г20 е мрежна структура, која сега поминува низ процес на институционализација, но ја задржува својата флексибилност. Нема пишани и институционализирани правила. Тоа го одразува разбирањето дека процесот на создавање мултиполарен свет е објективен процес“, додаде тој.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Најмалку 851 нелегален мигрант на листата набљудувани терористи во Франција

Претходно

Првата британска градоначалничка со хиџаб се повлече од Лабуристичката партија поради исламофобија

Европа

Велика Британија: Секојдневно околу 52.000 новозаболени од Ковид-19

Објавено пред

13 минути

- 30 октомври, 2020

Од

Макфакс

Во Велика Британија околу 52.000 нови случаи се регистрирани речиси секој ден оваа недела.

Тоа е големо зголемување во споредба со претходната недела, кога дневниот пораст на бројот на пациенти беше околу 35.000, според податоците објавени од Националното биро за статистика (ОНС).

Истражувањето на ОНС за епидемијата проценува дека 568.100 луѓе имале Ковид-19 помеѓу 17 и 23 октомври, што е повеќе од 433.300 претходната недела, пренесува „Ројтерс“.

Се проценува дека оваа недела еден од 100 луѓе во Англија добиле Ковид-19, додека минатата недела тој однос бил 1 спрема 130.

Прикажи повеќе...

Регион

Рускиот патријарх Кирил изрази сочувство за смртта на Амфилохие

Објавено пред

16 минути

- 30 октомври, 2020

Од

Макфакс

Рускиот патријарх Кирил денеска изрази сочувство поради смртта на митрополитот црногорско-приморски Амфилохие.

Патријархот Кирил во името на Руската православна црква, како и во негово лично име, упати писмо до српскиот патријарх Иринеј и Српската православна црква.

Mитрополитот Амфилохије (82) почина утрово во Клиничкиот болнички центар на Црна Гора, по приемот на 6 октомври на болничко лекување поради тешкотии предизвикани од коронавирусот.

Вчера, медиумите јавија дека неговата здравствена состојба се влошила, односно дека дишел тешко и чувствувал болка во градите.

Прикажи повеќе...

Свет

Во Индија се намалува бројот на новозаболени

Објавено пред

38 минути

- 30 октомври, 2020

Од

Макфакс

Индија денеска објави дека се потврдени 48.648 нови случаи на коронавирус продолжувајќи го трендот на опаѓање на бројот на заразени лица иако вкупниот број на потврдени случаи во таа земја надмина осум милиони и е втора во светот веднаш зад САД.

Министерството за здравство исто така објави дека се регистрирани 563 смртни случаи во изминатите 24 часа, со што вкупниот број на починати достигна 121.090 лица.

Забавувањето на пандемијата во Индија сега трае повеќе од еден месец и таа земја пријави помалку од 60.000 нови случаи за речиси две недели. Според Министерството за здравство, Индија има 594.386 активни случаи.

Иако бројот на заразени се намалува цо целата земја, главниот град Њу Делхи сепак може да се соочи со трет бран на епидемијата.

Њу Делхи, кој неодамна стана најтешко погодениот град во Индија, е меѓу неколкуте региони во земјата што бележат нагло зголемување на бројот на заболени од минатата недела.

Градот бележи повеќе од 5.000 случаи на ден во текот на изминатите три дена. Наглиот пораст на бројот на заразени доаѓа во време кога нивото на загадување е големо, што ги влошува респираторните заболувања кај жителите.

Прикажи повеќе...