Контакт

Вести

Лавров не носи мобилен на чувствителни преговори за да ја избегне CIA

Објавено пред

Рускиот министер за надворешни работи Сергеј Лавров откри во четвртокот дека на „чувствителните“ преговори не носи со себе мобилен телефона за да не може да биде прислушуван од американската Централна разузнавачка агенција (CIA).

dobivaj vesti na viber

 

На рускиот министер за надворешни работи Сергеј Лавров, кој е најчест учесник на комплицираните преговори по многу глобални чувствителни прашања како што се војната во Сирија, украинската криза или малку претходни иранската нуклеарна програма, му беше поставено прашањето по објавувањето на WikiLeaks за хакерската програма на CIA кој овозможува паметните телефони или телевизори ги претвораат

„Лично настојувам да не носам со себе телефон кога имам преговори кои се однесуваат на чувствителни прашања. Се чини дека, благодарејќи на тоа, досега не сум се нашол во незгодна ситуација“, изјави шефот на руската дипломатија Лавров на заедничката прес-конференција во Москва со германскиот колега Зигмар Габриел.

„Хакерите на CIA може да упаднат во паметните телефони, телевизорите, но како што слушнав и во ладилниците, за да создадат проблеми во електромрежите“, се пошегувал Лавров.

Како што открива WikiLeaks кој објави засега 8.700 документи за кои експертите тврдат дека се датотеки на Центарот за кибернетичко разузнавање (CCI) на CIA кои кружат меѓу хакери и функционери од поранешната американска администрација, разузнавачката агенција развила повеќе од илјада вирусни програми коишто можат да се инфилтрираат во електронските уреди и да ја преземат контролата над нив и може да бидат користени како прислушни уреди.

Цел на програмите за хакирање, како што се наведува во документите – Assassin и Medusa, биле програмите што ги користат паметните телефони IPhone на Apple, и оние кои користат Android, Google Android и и да се контролираат компјутерите на корпорацијата Microsoft, како и телевизорите на Samsung споени на интернет.

Според документите CIA била заинтересирана и за можноста за преземање на надзорот на автомобили преку електрониката вградена во нив, без тоа да биде забележано од нивните сопственици или компаниите производители.

Од CIA само го обвинија WikiLeaks дека „им помага на американските непријатели“ со откривањето на споменатите методи.

Во вторникот основачот на компанијата за кибернетичка безбедност Rendition Infosec, Џек Вилијамс, а за агенцијата Associated Press изјави дека според неговото мислење, документите коишто ги објавува WikiLeaks се автентични./крај/мф/сн

Вести

Украина апелира до Русија да го дозволи коридорот во Мариупол

Објавено пред

Украина денеска испрати нов апел до Русија да дозволи хуманитарен коридор во Мариупол и да ги пушти цивилите од овој опколен град.

dobivaj vesti na viber

Бараме отворање на хуманитарен коридор за цивили – објави вицепремиерката Ирина Верешчук на украинската телевизија, пренесува „Ројтерс“.

Верешчук нагласи и дека руските вооружени сили спречуваат хуманитарна помош да стигне до жителите на градот Херсон на југот на земјата.

Украина денеска соопшти дека нејзините напори за евакуација на цивилите од опколените градови првенствено биле насочени кон Мариупол, но не објави никаков нов договор со Русија, кој би овозможил безбеден премин за нејзините заробени жители, пренесе Ројтерс.

Прикажи повеќе...

Вести

(Од минута во минута) Бајден се закани со нови санкции, Русија најави употреба на нуклеарно оружје

Објавено пред

Денес е 27. ден од руската инвазија на Украина

dobivaj vesti na viber

Клучни настани

Бајден и ЕУ со нов пакет санкции

Русија се закани дека ќе употреби нуклеарно оружје ако биде загрозено нејзиното постоење

Спречен четврти обид за атентат на Зеленски

Украински сили: Ја вративме контролата над Макаров

Русија се повлече од преговорите за мировен договор со Јапонија

Бајден: Путин размислува за употреба на биолошко и хемиско оружје

Нови податоци од Велика Британија: Украинските градови страдаат од силни руски воздушни и артилериски бомбардирања

(Од минута во минута)

21:55 Макрон: Не е на повидок прекин на огнот

Договор за прекин на огнот во Украина не е на повидок, се вели во соопштението на Елисејската палата, по разговорот на францускиот претседател Емануел Макрон со Владимир Путин.

21:29 Русите користат забранета муниција?

Се појавија и други извештаи дека руските сили наводно користеле забранета муниција со фосфор во областа на украинскиот град Краматорск.

21:22 Руски медиуми: Путин и Макрон разговараа на телефон

Разговорот е инициран од Франција, објави државната новинска агенција „РИА новости“.

20:48 Бајден најави нови санкции: Ова е важен дел од следната фаза

Американскиот советник за национална безбедност Џејк Саливан изјави дека во четврток САД и сојузниците ќе објават нов пакет санкции против Русија.

20:47 Службеник за одбрана на САД: Руските војници патат од смрзнатост

Руските сили продолжуваат да се соочуваат со логистички проблеми, како што е недостатокот на опрема, што доведе до смрзнатини меѓу војниците, изјави висок претставник на американската одбрана.

20:42 Ракетирана железничката станица во регионто на Днепар

Ракетни напади уништија железничка станица во градот Павлоград во централно-источниот украински регион Днепар, при што загина едно лице, изјави денеска гувернерот Валентин Резниченко.

20:26 Ердоган ја повика ЕУ да ги отвори пристапните преговори

„Очекуваме ЕУ бргу да ги отвори поглавјата од пристапните преговори и да ги почне преговорите за царинската унија, без бесрамни калкулации“, рече Ердоган по средбата со холандскиот премиер, Марк Руте, во Анкара.

20:12 Песков: Ќе користиме нуклеарно оружје, само ако биде загрозено нашето постоење

Песков наведува дека целта на руската инвазија на Украина не е окупација на земјата, пренесе руската државна новинска агенција ТАСС.

18:32 Украинската армија: Русите имаат резерви за само уште три дена

„Поради логистички неуспеси на руските сили, вклучително и неможноста да се доставува гориво за војниците на фронтот, тие се без резерви“, соопшти денеска Генералштабот на вооружените сили на Украина.

17:25 „Билд“: Спречен четврти обид за убиство на Зеленски, уапсена група руски диверзанти

Група руски диверзанти, предводени од агент на тајната служба, е уапсена во градот Ужгород во граничниот триаголник меѓу Украина, Словачка и Унгарија, јави агенцијата „Унијан“, пренесува „Билд“.

14:05 Нови силни експлозии во Киев

Неколку силни експлозии oдекнале во главниот град на Украина, додека Киев е под 35-часовен полициски час.

Една од експлозиите била толку силна што ги активирала алармите на автомобилите во центарот на градот, сведочи тимот на Си-ен-ен.

13.55 Украина апелира до Русија да го дозволи коридорот во Мариупол

Украина денеска испрати нов апел до Русија да дозволи хуманитарен коридор во Мариупол и да ги пушти цивилите од овој опколен град

13.38 Русија загуби 15.300 војници, 99 авиони, 123 хеликоптери, 509 тенкови

Независниот весник Киев објави индикативни проценки за загубите на Русија од 22 март, според Вооружените сили на Украина

13.05 (Видео) Зеленски: Вршам притисок врз Русија да ја прекине оваа сурова војна

Драги Италијанци! Кога се обратив на собир во Фиренца и во десетици други европски градови пред нешто повеќе од една недела, ве замолив, сите Европејци, да се сеќавате на бројот 79. Толку многу деца беа убиени во Украина во тоа време. Сега е 117, рече тој.

12.30 Подољак: Се бориме против инвазијата на варварството, нечовечноста и масакрот на цивили

Украинскиот преговарач и советник на претседателот Володимир Зеленски, Михаил Подољак, се огласи на својот официјален профил на Твитер

12:14 Во близина на Чернобил избија седум шумски пожари, тврдат Украинците

Украинците тврдат дека пожарите најверојатно избувнале поради гранатирање, а можно е и да се подметнати. Пожарот избувнал во област под контрола на руските сили, што според Украинците го оневозможува гаснењето.

12.10 Зеленски: За руските војници Украина е порта кон Европа

Украинскиот претседател Володимир Зеленски денеска пред италијанскиот парламент изјави дека неговата земја е на работ на опстанок поради војната со руските сили и предупреди дека целта на Москва е да се пробие до остатокот од Европа

12:00 Кога користам британско оружје ќе викам „Боже, чувај ја кралицата“, вели украински војник

Украинскиот командант Валериј Курко изјави дека кога ќе употребува противтенковско оружје кое Украина го добила како помош од Велика Британија, ќе вика: „Боже, чувај ја кралицата“ (God save the Queen).

11.45 Повеќе од 3,5 милиони луѓе ја напуштиле Украина поради војната

Агенцијата за бегалци на ОН денеска објави дека повеќе од 3,5 милиони бегалци досега ја напуштиле Украина поради руската инвазија, пренесува АП

11.30 Чад, урнатини и уништување – објавени нови сателитски снимки од руското бомбардирање на Украина

Новите сателитски снимки објавени од приватната американска компанија за вселенска технологија „Maxar Technologies“ уште еднаш покажаа до кој степен руските сили ги оштетиле украинските градови

11.25 Руските сили го бомбардираа пристаништето во Николаев

Руските сили синоќа бомбардираа пристаниште во украинскиот град Николаев, соопшти Украинската управа на пристаништа

11.20 Руски дипломат: Американско-руските односи се на работ на прекин

Заменик-министерот за надворешни работи на Руската Федерација Сергеј Рјабков изјави дека САД мора да се откажат од понатамошната ескалација на односите со Русија и да престанат да испорачуваат оружје на Украина.

11.18 Во гранатирањето на Харков загина 96-годишник кој го преживеал холокаустот

Борис Романченко (96), кој го преживеа холокаустот во Втората светска војна, почина минатата недела кога граната го погоди неговиот стан во воениот украински град Харков

11.15 Русија го гранатираше регионот Житомир: Уништени три куќи, десет оштетени

Русија не престанува со инвазијата на Украина веќе 27 дена, а утрово биле гранатирани згради во близина на Малин, соопшти утринава Украинската државна служба за вонредни состојби

11.13 Уништувањето на Мариупол продолжува

Се појавија нови видеа од уништувањето во Мариупол, а нападите на руската армија врз Украина не престануваат

11.10 Гранатирано село во Украина – уништени голем број куќи

Во украинското село Лутица, северно од Киев, од руското гранатирање уништени се голем број куќи

11.07 Украинска армија: Русите имаат храна, гориво и муниција уште три дена

Генералштабот на вооружените сили на Украина соопшти дека, според достапните информации, руските окупаторски сили во Украина имаат залихи на муниција и храна за не повеќе од три дена

11.05 Зеленски: Подготвен сум да разговарам со Путин за Донбас и Крим, но со безбедносни гаранции

Мислам дека ова е време за моја средба со рускиот претседател. Без тоа, нема целосно да разбереме што се подготвени да направат за да ја запрат војната. Тоа се многу сериозни работи

11.02 Украински парламент: 117 деца се убиени од почетокот на инвазијата

Украинскиот парламент утринава соопшти дека 117 деца се убиени, а 155 се повредени во нападите на руските сили од почетокот на руската инвазија на Украина

11:00 Престана со работа руската фабрика за тенкови, тврди украинското разузнавање

Во објава на „Фејсбук“, Генералштабот на вооружените сили на Украина посочи дека производителот „Уралвагонзавод“ морал да го прекине производството во фабриката поради, како што се вели, недостиг на компоненти произведени надвор од Русија.

10:37 (Видео) Британија: Наш министер разговараше со лажен премиер на Украина, тоа е руски трик

Велика Британија денеска ја обвини Русија дека стои зад видеоповикот во кој едно лице лажно се претставува како премиер на Украина во разговор со министерот за одбрана, Бен Валас, чија снимка беше објавена и на „Јутјуб“.

10:17 Предупредување од германските безбедносни служби: Неонацисти одат во Украина

Германските безбедносни служби предупредуваат дека повеќе германски неонацисти тргнале кон Украина за да се приклучат во борбата на украинските власти.

8:43 Фумио Кишида: Неприфатлив е прекинот на преговорите од Москва

Јапонскиот премиер Фумио Кишида денеска ја нарече неприфатлива одлуката на Русија да ги прекине преговорите за мировен договор

8:35 Бајден: Путин размислува за употреба на биолошко и хемиско оружје

Американскиот претседател Џозеф Бајден изјави дека има јасен знак дека рускиот претседател Владимир Путин размислува за употреба и на биолошко и на хемиско оружје во Украина

8:28 Нови податоци од Велика Британија: Украинските градови страдаат од силни руски воздушни и артилериски бомбардирања

Министерството за одбрана на Обединетото Кралство го објави најновиот извештај на одбранбените разузнавачки служби за ситуацијата во Украина – 22 март 2022 година.

8:25 Украинска армија: 300 руски војници одбиле да ја послушаат наредбата, се повлекле

Украинската војска соопшти дека 300 руски војници одбиле да ги почитуваат наредбите во областа Октирка во близина на Суми во североисточна Украина.

8.20 Принцот Вилијам:Солидарни сме со украинските борци

Британскиот принц Вилијам им оддаде почит на Украинците кои се борат да преживеат во својата татковина по посетата на британскиот воен камп за обука во џунглите во Белизе со неговата сопруга Кејт, како дел од неговата седумдневна турнеја на Карибите

8:15 Семејството го опиша хоророт во Мариупол: Пукаа во луѓето на ред за вода

Дмитро и Тања Шветс првите 23 дена од војната ги поминале криејќи се во подрум во Мариупол со нивната седумгодишна ќерка. Семејството успеало да побегне од Мариупол минатиот четврток, но нивните родители останале таму

8:10 Украински сили: Ја вративме контролата над Макаров

По неколкудневни борби, украинските сили ја вратија контролата врз Макаров, град на 30 милји западно од Киев, објавија украинските вооружени сили

8:05 Русија се повлече од преговорите за мировен договор со Јапонија

Русија се повлече од преговорите за мировен договор со Јапонија и ги замрзна заедничките економски проекти поврзани со спорните Курилски острови поради санкциите што и ги воведе Токио поради Украина, што предизвика лута реакција на Јапонија

8:00 Украинските сили го забавуваат напредокот на Русија

Украинскиот претседател Володимир Зеленски во видео порака рече дека украинската армија им пружа жесток отпор на руските сили и го забавува нивниот напредок.

Прикажи повеќе...

Вести

Зеленски составува закон против Русија: Ги поканува сите пријатели да го посетат Киев

Објавено пред

Украинскиот претседател Володимир Зеленски изјави дека мировните преговори со Русија почнуваат да „звучат пореалистично“, но дека е потребно повеќе време за да се постигне напредок.

dobivaj vesti na viber

„Состаноците продолжуваат и информиран сум дека позициите за време на преговорите веќе звучат пореално. Но, потребно е време за одлуки што ќе бидат во интерес на Украина“, рече Зеленски во своето последно обраќање, пренесува „Ројтерс“.

„Ги поканувам сите пријатели на Украина да го посетат Киев. Овде може да биде опасно затоа што нашето небо сѐ уште не е затворено за руски ракети и авиони. Одлуката да го зајакнеме нашиот арсенал во воздухот сè уште не е донесена. Не добивме авиони. Но, знаете дека сите очи се вперени кон нашиот главен град, кон Украинците. На сите што се со нас им должам благодарност. Не само ние, сите народи во светот се благодарни“, рече Зеленски.

Претседателот на Украина, Володимир Зеленски, синоќа потпиша закон со кој се забранува негирање или оправдување на руската агресија врз Украина.

„Володимир Зеленски потпиша закон со кој се забранува производство и дистрибуција на информативни производи насочени кон промовирање на акциите на државата агресор“, се вели во соопштението на Комитетот за хуманитарна и информативна политика на Украина.

Полскиот премиер, Матеуш Моравјецки, чешкиот премиер, Петер Фијал, и нивниот словенечки колега Јанез Јанша пристигнаа во Киев со воз и се првите странски лидери што ја посетија украинската престолнина по руската инвазија минатиот месец, пишува „Ројтерс“.

Посетата на премиерите на Чешка, Полска и на Словенија, кои во вторникот пристигнаа во Киев, е силен гест на поддршка што ја почитуваме, изјави украинскиот претседател Володимир Зеленски, кој ги информира лидерите на овие земји за актуелните настани во војната со Русија.

Прикажи повеќе...

Најново

Македонија4 часа

Од 1 јануари државјанство во електронска форма и барање за пасош и лична карта по електронски пат

Од 1 јануари уверението за државјанство ќе може да се издава и во електронска форма преку Националниот портал за електронски...

Македонија4 часа

Не е пријатно, но провокации имало секогаш, рече Маричиќ за исвиркувањето на македонскиот јазик на забавата за Рамковниот договор

На вицепремиерот Бојан Маричиќ не му било пријатно кога чул како група граѓани на прославата за Рамковниот договор ја исвиркаа...

Македонија4 часа

Таравари бара формирање техничка влада

Потпретседателот на Алијанса за Албаниците и градоначалник на Гостивар Арбен Таравари бара итно формирање на техничка влада. Во објава на...

Македонија4 часа

Каде и да сме, мора да бидеме горди дека сме родени во Македонија, порача Стојменова, која стана министерка во словенечката влада

Емилија Стојменова Дух, доктор на науки и вонредна професорка на Електротехничкиот факултет во Љубљана, од неодамна е министерка за дигитализација...

Македонија5 часа

Деветнаесет пожарникари се справувале синоќа со штетите од невремето кое го погоди Неготино

Тринаесет пожарникари со 3 противпожарни возила од ТППЕ Неготино и 6 пожарникари со 2ПП возило и 2 пумпи за испумпување...

Свет6 часа

Шолц: Војната е на Путин, а не на рускиот народ

„Граѓаните на Русија не ја почнаа војната, но мора јасно да кажеме дека ја поддржуваат“, изјави во понеделникот вечерта финската...

Европа6 часа

(Видео) Шумски пожар зафати патнички воз во Шпанија, патниците скокале од вагонот, повеќе од 20 луѓе се повредени

Повеќе од 20 патници се здобиле со изгореници откако скокнале од воз кој бил зафатен од шумски пожар во близина...

Свет6 часа

Жена од Саудиска Арабија е осудена на 34 години затвор поради користење Твитер

Салма ал Шебаб (34) е осудена на 34 години затвор бидејќи користела Твитер за да ги следи неистомислениците и активистите,...

Свет6 часа

Алигатор убил жена откако не сакајќи паднала во езеро додека работела

88-годишна жена е убиена од алигатор откако случајно паднала во езеро додека работела во градината на заедница на постари лица,...

Свет7 часа

Северна Кореја лансираше две крстосувачки ракети

Денеска Северна Кореја најверојатно тестирала две крстосувачки ракети кон Жолтото Море, изјави јужнокорејски воен претставник, а пренесува „Јонхап“. Лансирањето се...

Свет7 часа

Бајден го потпиша Законот за климата вреден 430 милијарди долари

Американскиот претседател Џозеф Бајден ја потпиша сметката од 430 милијарди долари, која се смета за најголем пакет климатски мерки во...

Македонија19 часа

(Видео) Невреме во Неготино – паднати дрвја, бандери, поплавени дуќани и автомобили

Големото невреме кое денеска го зафати Неготино зад себе остави паднати дрвја, бандери, поплавени дуќани и автомобили. Силниот ветер носел...

Топ21 час

Скопјанка киднапирала бебе во ГТЦ и со такси го однела во Ѓорче Петров

Денеска полициски службеници од СВР Скопје ја лишија од слобода С.С. од Скопје, набрзо по добиена пријава околу 11.30 часот...

Македонија24 часа

Вилма Русковска е суспендирана, дисциплинска за уште две обвинителки

Шефицата на Обвинителството за организиран криминал и корупција Вилма Русковска добила решение за суспензија.  Според информации на „Макфакс“, одлуката е...

Македонија1 ден

Обвинителството ќе го испитува регистрирањето на бугарските здруженија во Македонија

Основното јавно обвинителство Охрид денеска по допрен глас оформи предмет за да ги испита наводите за евентуални пропусти при регистрацијата...

Македонија1 ден

ВМРО-НП: Тие што гласно се чудат да се прашаат зошто некој манипулирал и ги учел со лажни податоци

ВМРО-Народна партија го поздравува напредокот на двете историски комисии како чин на позитивниот пат на Северна Македонија кон Евро-атланската интеграција....

Економија1 ден

Од септември мерки за штедење на струја, државните институции ќе мора да ги намалат сметките за 15 отсто

Државните институции од септември ќе мора да ги намалат сметките за електрична енергија за 15 отсто во однос на истиот...

Македонија1 ден

Регистрирани 590 нови случаи на коронавирус, починаа 2 лица

Согласно податоците од Институтот за јавно здравје, Министерството за здравство информира дека во последните 24 часа направени се 1.593 тестови,...

Македонија1 ден

Бугарските историчари прогласија победа: „Ќе продолжиме да ги браниме позициите и за јазикот, браќата Миладиновци и Гоце Делчев“

Двегодишната битка за одбрана на позицијата на Бугарија во историските спорови со Северна Македонија ја достигна првата победа. Ова се...

Регион1 ден

Ќе требаат нови операции за децата повредени во автобуската несреќа во Бугарија

Двете повредени деца, кои вчера од Стара Загора беа пренесени во болницата „Пирогов“ во Софија, сè уште се во тешка...