Жолта габична инфекција е откриена кај еден пациент заразен од коронавирус во Индија, а лекарите веруваат дека ова е прв случај регистриран во човечкото тело бидејќи досега вакви габи имало само кај влечугите.

По црните и белите габи, во Индија се појавиле и жолтите габи, што предизвикало сериозни последици кај пациентите со коронавирус и кај оние што оздравеле од оваа заразна болест, објавија индиските весници.

Жолта габа кај пациент со Ковид-19 е откриена во болница во областа Газијабад, во државата Утар Прадеш, во близина на Делхи.

Еден лекар изјави дека маж на 45 години бил заразен со црно-бела и со жолта габична инфекција.

„Досега жолти габи имаме откриено кај влечугите. Ова е првпат да бидат пронајдени кај луѓе“, изјави лекарот.

Црно-бели габични инфекции, познати како мукромикоза, се предизвикани од мукромицети што живеат во расипани овошје и зеленчук, леб, почва и растенија.

Не е јасно како жолтите габи припаѓаат на мукромикозата бидејќи тие се однесуваат малку поинаку.

Симптомите почнуваат однатре и се обично скриени, а тоа може да доведе до доцна дијагноза, додаде лекарот.

Тој објасни дека болеста почнува со летаргија и намален апетит и ги погодува пациентите со коронавирус и резултира со губење на тежината.

Во подоцнежните фази на инфекцијата жолтите габи може да предизвикаат потечени очи поради неисхранетост и откажување на органите.

Пациентот во Индија имал и крвавење од носот и неконтролирано мокрење, изјавил син му, а очите му беа отечени и затворени.

Жолтите габи може да се излечат, но третманот трае подолго од другите габични инфекции