Свет
Маж во САД ја убил сопругата затоа што го натерала да јаде палачинки: „Сакаше да ме здебели“
Неверојатен мотив да ја убие сопругата имал 85-годишниот Стивен С. во Вашингтон. На полицијата ѝ рекол дека со нож ја убил сопругата Шарон бидејќи го натерала да јаде палачинки.
Како што објави „Њујорк пост“, соседите ја слушнале расправијата на парот и му се јавиле на нивниот син, но веќе било доцна.
Стивен изјавил дека неговата сопруга сакала да го присили да јаде палачинки за појадок. Тој рече дека неодамна изгубил 25 килограми за време на неговиот престој во болница.
Кога одбил да јаде палачинки, избувнала расправија меѓу двајцата, пренесува магазинот „Феникс“.
Соседите слушнале кавга од семејната куќа и го повикале нивниот син, кој живеел во близина. Кога пристигнал, Стивен С. наводно му го дал ножот и го признал делото. Тој потоа се обидел да се самоубие, според медиумот.
Имено, кога полицијата пристигнала на местото на злосторството, Стивен С. грабнал уште еден нож и со него се повредил. Итните служби го запреле во таквиот обид.
Стивен и Шарон С. биле пренесени во болница, каде што лекарите констатирале смрт кај жената. Обдукцијата покажала дека жената била прободена еднаш во грбот и во срцето.
Стивен С. рекол дека неговата сопруга сакала дисциплина. Сакала да го натера да јаде бидејќи „многу го сакала и сакала да биде добро“, рекол тој.
По престојот во болница, Стивен бил уапсен и обвинет. И покрај неговите првични изјави, тој се изјаснил за невин.
Тој е задржан без кауција и го чека судењето, соопшти њујоршката полиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Цел на напади била и иранската државна телевизија
Иранската државна телевизија соопшти дека била цел на напади откако серија моќни експлозии го потресоа Техеран, иако не била прекината.
„Техничкиот тим ја проценува штетата“, соопшти радиодифузерот, кој исто така беше цел на напади за време на 12-дневната војна меѓу САД и Израел против Иран во јуни.
Свет
Во напад врз женско училиште во Иран убиени се 165 ученички
Сто шеесет и пет ученички се убиени во женско училиште во Минаб, Иран, објавија иранските државни медиуми.
Иран вели дека училиштето било погодено во израелски напад. Израел негира дека извршил напади во областа.
Иранските медиуми велат дека 96 лица биле ранети во нападот.
Свет
Трамп се согласил да разговара со новите ирански лидери
Американскиот претседател вели дека новото раководство на земјата сака да разговара со неговата администрација и дека тој планира да го стори тоа.
„Тие сакаат да разговараат и јас се согласив да разговарам, па затоа ќе разговарам со нив“, беше цитиран од списанието „Атлантик“.
„Требаше да го направат тоа порано. Требаше да го дадат она што беше многу практично и лесно да се направи порано. Чекаа предолго“, додаде Трамп.
Тој не коментираше кога ќе се одржат разговорите.

