Агенцијата за лекови и медицински помагала на Србија ја одобри вакцината на „Фајзер“ и „Бионтек“ за деца на возраст од 12 до 15 години.

Агенцијата ја разгледа измената на лиценцата за вакцината на ‘Фајзер’ и откако потврди дека се исполнети сите законски услови, и пред сѐ, дека се исполнети највисоките професионални критериуми поврзани со безбедноста и ефикасноста, заклучи дека оваа вакцина може да се користи кај население на возраст од 12 до 15 години во Србија, јавија српските медиуми.

Како што е наведено, експертите строго ги контролирале сите научни податоци од клиничките испитувања спроведени од производителот во други земји.

Според српските медиуми, епидемиолошките податоци во Србија се охрабрувачки, но не и одговорот на младите на вакцинацијата.

Со цел да се охрабрат младите да се вакцинираат, се воведуваат разни награди, така што сите студенти кои ќе се вакцинираат, како и оние кои веќе примиле вакцина, ќе добијат еден месец бесплатно користење на теретана и сауна, како и бесплатен паркинг во рамките на Студентскиот центар. Исто така, вакцинираните студнти ќе добијат бесплатна карта за фестивалот во Нови Сад – „Егзит“.

Агенцијата за лекови и медицински помагала на Србија се очекува наскоро да донесе одлука дали на децата на возраст од 12 до 15 години да им се даваат вакцини против коронавирус.

Државниот секретар на Министерството за здравство, Мирсад Шерлек, за РТС изјави дека очекува комисијата да даде позитивна проценка, како и тоа дека вакцината најверојатно најпрво ќе им биде препорачана на деца кои страдаат од хронични болести.

Членовите на Социјалдемократската партија на Косово напишаа навредливи пораки на sидовите и вратите на црквата Христос Спасител во Приштина. Ова следи по вчерашната литургија што се одржа во таа црква.

„Симболот на шовинизмот станува свет со благослов на Албин Курти“, напишано е на вратата и на страната на црквата.

Рашко-призренската Епархија на Српската православна црква објави дека се служела литургија на празникот Вознесение Господово – Денот на Спасителот, за прв пат од 1998 година, во црквата Христос Спасител во центарот на Приштина.

Како што објави епископијата, литургијата ја одржал владиката Теодосије.

Универзитетот во Приштина објави дека ќе ги преземе сите неопходни правни активности со цел универзитетскиот кампус да ги ослободи сите дивоизградени објекти.

'#Jesus hates #Serbs' – told this is freshly sprayed #graffiti on the unfinished #Serbian #Orthodox church in #Pristina following today's liturgy, which I understand was the first since 1998. #Kosovo pic.twitter.com/snFZmZkRIc

— Ian Bancroft (@bancroftian) June 10, 2021

Писателот Јан Банкрофт објави денеска на Твитер дека по литургијата во недовршената црква Христос Спасител во Приштина, се појавил графит на англиски јазик: „Исус ги мрази Србите“.