Три лица се уапсени во Италија, а 50 се под истрага поради порнографска злоупотреба на деца, вклучително и новороденчиња.

Сликите направени за време на злоупотребата биле испраќани преку сервис за размена на пораки, чие име не се споменува од стана на полицијата.

Полицијата денеска соопшти дека е откриена огромна количина порнографски материјал со застрашувачки приказ на сексуално насилство во кој меѓу жртвите се и новороденчиња.

Италијанската полицијата ја спровела акцијата со помош на канадскиот Координативен центар против експлоатација на деца.

Седуммина полицајци се повредени на неофицијален музички настан во Лондон, откако се обиделе да ги растераат учесниците затоа што ваквите собири претставуваат здравствен ризик за време на пандемијата, пренесува „Ројтерс“.

Собраните на настанот во една зграда во западен Лондон, станале агресивини и почнале да фрлаат со разни предмети кон полицијата.

Лондонската полиција денеска соопшти дека кон нејзините припадници биле фрлани и тули.

На крајот, собраните сепак се разотишле, а во врска со настанот нема уапсени.

Вo последните 24 часа, во Србија се регистрирани 325 нови случаи на инфекција со коронавирус, а починаа осум лица.

Како што соопштија тамошните здравствени власти, направени биле 7.434 тестови, а на респиратори се 86 пациенти.

Вчера беше најтешкиот ден за Србија од почетокот на епидемијата затоа што беа регистрирани дури 11 смртни случаи.

Иламската заедница во земјата денеска одлучи да ги затвори сите џамии поради влошената епидемиолошка состојба.

Одлуката е донесена со цел да се спречи понатамошно ширење на инфекцијата преку верски обреди, се вели во соопштението објавено на веб-страницата на Исламската заедница во Србија, потпишано од страна на претседателот, муфтијата Мевлуд еф. Дудиќ.