Обидите да се изврши притисок врз Украина и да се присили да се согласи со руските услови одат рака под рака со плановите на рускиот претседател Владимир Путин за војна против европските земји, изјави денес градоначалникот на Киев, Виталиј Кличко.

„Обидите да се изврши притисок врз Украина и да се присили да се согласи со руските услови се соучесници во плановите на Путин за војна против европските земји. Русија конечно мора да биде лишена од можноста да го уценува демократскиот свет и да ја загрозува неговата безбедност“, рече Кличко за време на онлајн состанокот на Европската народна партија (ЕПП), кој се одржа на иницијатива на претседателот на таа партија, Манфред Вебер, пренесува РБК Украина.

Тој нагласи дека европските партнери треба активно да учествуваат во дискусијата за „мировниот план“, кој, како што изјави, треба да се базира на принципите на територијален интегритет, суверенитет, сигурни гаранции за безбедност и правото на Украина сама да ја одреди својата иднина.

„Нагласив дека Европа треба активно да учествува во дискусијата за мировниот план. И тој план треба да се базира на принципи како што се: територијален интегритет на Украина, нејзин суверенитет и право да ја одреди својата иднина, сигурни безбедносни гаранции. Ова се принципиелни прашања! Бидејќи зборуваме за иднината не само на Украина, туку и за идниот безбедносен систем и стабилен развој на цела Европа“, заклучи Кличко.

Фото: ЕПА

Украинскиот претседател Володимир Зеленски денес разговараше со претседателката на Европската комисија, Урсула фон дер Лајен, известувајќи на социјалната мрежа X. Зеленски рече дека лично ѝ се заблагодарил за нејзината „јасна позиција и пораки за поддршка на Украина“ што ги изнесе за време на денешниот говор во Европскиот парламент во Брисел.

„Целосно се согласуваме: сè додека Русија продолжува да ги отфрла сите мировни напори, санкциите против неа мора да бидат заострени, а одбранбената и финансиската помош за Украина мора да продолжат“, рече Зеленски.

Тој додаде дека една од темите на разговорот биле замрзнатите руски средства, од кои голем дел се наоѓа во земјите на Европската Унија.

Во тек е дебата за тоа дали овие средства можат да се користат за финансирање на украинската одбрана. „Разговаравме за моменталната дипломатска ситуација и работата на Европската Унија за одлуката за користење на замрзнатите руски средства за одбрана на Украина“, заклучи украинскиот претседател.

Тој додаде дека една од темите на разговорот биле замрзнатите руски средства, од кои голем дел се наоѓа во земјите на Европската Унија.

Во тек е дебата за тоа дали овие средства можат да се користат за финансирање на украинската одбрана. „Разговаравме за моменталната дипломатска ситуација и работата на Европската Унија околу одлуката за користење на замрзнатите руски средства за одбрана на Украина“, заклучи украинскиот претседател.

Фото: принтскрин X

Авиокомпанијата „Чајна Истерн“ следната недела ќе го вклучи во својата понуда најдолгиот комерцијален лет во светот, од кинеската економска метропола Шангај до аргентинската престолнина Буенос Аирес, објавуваат медиумите денес.

Линијата што ги поврзува градовите оддалечени 20.000 километри ќе биде во функција од 4 декември. Шангај и Буенос Аирес се наоѓаат на речиси спротивни страни од земјината топка.

Денес, аргентинската влада официјално даде зелено светло за новата линија, објавувајќи ја одлуката во службеното гласило.

„Чајна Истерн“ пресметува дека летот за поаѓање ќе трае 25,5 часа, а летот за враќање ќе трае 29 часа.

Сепак, тоа нема да биде непрекинат лет, бидејќи авионот „Боинг 777-330ER“ ќе има една меѓустаница во Окленд, Нов Зеланд, за технички проверки, смена на персоналот и полнење гориво, пишува порталот посветен на воздушниот сообраќај „Аеро“.

Во Окленд, патниците ќе можат и накратко да излезат од авионот за време на двочасовниот престој.

Фото: ЕПА