Во Русија се случи злосторство во кое мајка ги убила своите три деца со секира.

Монструозното убиство се случило во градот Канск, кој се наоѓа во Краснојарската област и има население од нешто помалку од 100.000 жители.

На каналот Телеграм на Истражниот комитет на Русија за Краснојарскиот крај и Хакасија се вели дека биолошката мајка е осомничена за злосторството и дека е уапсена.

Истражителите откриле дека на 14 април, во приватна куќа биле пронајдени телата на четиригодишно девојче, осумгодишно момче и седуммесечно бебе. Сите жртви имале убодни рани на главата и на други делови од телото.

Против 29-годишната мајка на убиените деца е покрената кривична постапка. Осомничената веднаш била уапсена. Во наредните денови, судот ќе го разгледа прашањето за одредување мерка притвор против осомничената жена.

Руските медиуми објавија дека е уапсен психијатриски пациент, а таткото на децата е регистриран како насилно лице бидејќи претходно било пријавено дека го претепал својот осумгодишен син.