Свет
Мајк Помпео: Се надевам дека Иран ќе ги нормализира односите со Израел
![](https://makfax.com.mk/wp-content/uploads/2020/08/25-pompeo.jpg)
Американскиот државен секретар, Мајк Помпео, изрази надеж дека Иран ќе ги следи стапките на Обединетите Арапски Емирати и ќе воспостави дипломатски односи со Израел, пренесува „Џерусалем пост“.
„Очекувам дека светот ќе го види Израел како вистинска еврејска татковина и ќе сфати дека ќе постои. Не изоставам ниедна земја од мојата заложба еден ден светот да признае дека тоа е вистинската работа за нивната земја – и би го вклучил и Иран тука“, рече Помпео.
Тој се сретна со израелскиот премиер, Бенјамин Нетанјаху, министерот за одбрана, Бени Ганц, и со министерот за надворешни работи, Габи Ашкенази, на разговори за договорот со ОАЕ и за можните договори за нормализација на односите со другите арапски нации.
„Не би можел да кажам кога и кои земји, но мислам дека и другите нации ќе видат дека има огромна корист од врските – од дипломатска, економска и од безбедносна перспектива. Мислам дека другите нации ќе сфатат дека тоа е вистинскиот потег и патот што ќе доведе до стабилност на Блискиот Исток“, рече тој.
Во замена за дипломатските врски со ОАЕ, САД побараа Нетанјаху да ги одложи своите планови за примена на суверенитетот врз делови од Западниот Брег. Ефектите од оваа одлука ќе бидат појасни кога Нетанјаху ќе се сретне со принцот Мохамед бин Зајед и со претседателот Доналд Трамп за потпишување на договорот во наредните недели.
Помпео не сакаше да одговори директно дали верува оти Саудиска Арабија на крајот ќе ги нормализира врските со Израел.
Тој додаде дека придобивките од договорот за ОАЕ вклучува размена на разузнавачки информации, како и механизам за реализација на мировниот предлог на Трамп.
„Ние сме посветени на одржување на безбедноста на Израел. Ништо од тоа не ги спречува Палестинците да забележат дека Израелците се подготвени да разговараат и да преговараат и дека нашата визија за мир дава разумна основа за да се почне тој разговор. Палестинците веќе не може да стават вето на рационализација на врската и на нормализирањето на односите меѓу Израел и другите земји“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Израелски пратеник: Почетокот на војната со Либан е прашање на денови, предградијата на Бејрут ќе бидат како Газа
![](https://makfax.com.mk/wp-content/uploads/2024/09/Screenshot-2024-09-09-083056.jpg)
Нисим Ватури, член на израелскиот Кнесет, тврди дека е „прашање на денови“ кога ќе избие вистинска војна меѓу Израел и Либан.
Член на Ликуд, владејачката партија на премиерот Бенјамин Нетанјаху, изјави за јавната телевизија „Кан“ дека по избувнувањето на војната, предградието на Бејрут Дахије – главното упориште на Хезболах – „ќе личи на Газа“.
„Нема друг начин. Ова е нешто што ќе се развива во наредните денови“, додаде Ватури, кој е и дел од парламентарната комисија за надворешни работи и одбрана. Тој тврди дека Нетанјаху вчера ги информирал воените претставници дека „мора да стават крај на оваа сага“, пишува „Тајмс оф Израел“.
Според него, војната треба да започне со превентивен напад како неодамнешниот за кој Израелците тврдат дека спречил планиран голем напад на Хезболах врз централен Израел. Сепак, Ватури нагласува дека овој пат превентивниот напад треба да трае најмалку 4-5 дена, по што би следела копнена инвазија.
Израел и Хезболах разменуваат оган речиси секојдневно откако Хамас го нападна Израел на 7 октомври. Тензиите дополнително се зголемија откако Фуад Шукр, врховен командант на исламистичката група, беше убиен во израелски воздушен напад врз упориште на Хезболах во јужните предградија на Бејрут на крајот на јули.
Свет
Повеќе од 20 приведени во истрагата за убиството на осумгодишно девојче во Турција: меѓу нив членови на потесното семејство
![](https://makfax.com.mk/wp-content/uploads/2024/09/677z381_123456.jpg)
Турските власти досега приведоа 23 лица во рамки на истрагата за смртта на осумгодишното девојче Нарин Гуран во Дијарбекир, чие безживотно тело беше пронајдено.
Меѓу приведените се мајката, таткото, двајцата постари браќа, тројца чичковци и уште еден роднина на жртвата, пренесува „Хабертурк“.
Телото на девојчето Нарин Гуран, кое исчезна во провинцијата Дијарбакир на 21 август, беше пронајдено недалеку од селото во кое живееше, по 19 дена опсежна потрага.
Телото на девојчето е однесено на обдукција во Институтот за судска медицина, јавува „Anadoli Agency“.
Според првичните сознанија, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж, пишуваат турските медиуми.
Откако Нарин Гуран беше пријавена за исчезната, започна копнена и воздушна потрага во регионот. Во рамките на истрагата, површина од 11.000 квадратни метри беше претресена од 2.000 луѓе, како и два хеликоптери и 48 дронови од воздух.
Свет
Исчезнатото осумгодишно девојче Нарин Гуран е најдено убиено и фрлено во торба (ВИДЕО)
![](https://makfax.com.mk/wp-content/uploads/2024/09/devojce.jpg)
Безживотното тело на осумгодишното девојче Нарин Гуран, кое исчезна во турската провинција Дијарбекир на 21 август, беше пронајдено во поток недалеку од селото во кое живееше, по 19 дена потрага.
Телото на девојчето е однесено на обдукција во Институтот за судска медицина, јавува Anadolu Agency, а според првичните сознанија, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж, пишуваат турските медиуми.
Откако Нарин Гуран беше пријавена за исчезната, започна копнена и воздушна потрага во регионот.
Во рамките на истрагата, површина од 11.000 квадратни метри беше пребарана од 2.000 луѓе, како и два хеликоптери и 48 воздушни дронови. Биле прегледани околу 150 возила за кои било утврдено дека минувале по патот во часовите кога Нарин исчезнала.
Се претресувале куќи во населбата и возила кои влегувале во селото. Исто така, 24 нуркачи пребарале пет потоци, три езера, 18 бунари и 24 километри водени канали. При претресот користени се и подземни уреди за снимање.
Жандармеријата во придружба на истражниот обвинител со подземен апарат за снимање ги пребараа соседните гробишта, особено гробовите на оние кои неодамна беа погребани. Сепак, не беа пронајдени траги. Беа испитувани и членови на семејството, меѓу кои и братот и вујкото на исчезнатото девојче, кој е приведен. Нарин Гуран била пријавена за исчезната од нејзиниот татко на 21 август вечерта, откако девојчето не се вратило од верска настава, а семејството и соседите кои веднаш почнале да ја бараат не успеале да ја најдат.
Министерот за внатрешни работи Али Јерликаја денеска соопшти дека телото на девојчето го пронашле припадници на жандармеријата и упати сочувство до семејството. Турската јавност е во шок поради ова брутално злосторство, а властите најавија дека одговорните ќе бидат најстрого казнети.
Diyarbakır’ın Bağlar ilçesine bağlı Tavşantepe Mahallesi’nde 19 gündür aranan Narin Güran'ın cansız bedeni köye 3 km mesafedeki dere yatağında bir çuval içinde
bulundu..
Bunu yapanların hiçmi vicdanı yoktu.. Allah b*lanızı versin..#narinbulundu#Narin
////// pic.twitter.com/Tv9hk9fbjk— 🇹🇷KUZEYİNOĞLU🇹🇷 (@__KUZEYINOGLU) September 8, 2024