Свет
Маќеа држела маж во заробеништво во САД повеќе од 20 години: ја запалил куќата за да избега
На 17 февруари службите за итни случаи одговорија на извештај за пожар во куќа во Вотербери, Конектикат, јавува Си-Ен-Ен. Таму нашле жена и нејзиниот 32-годишен посинок.
Маќеата, идентификувана од полицијата како Кимберли Саливан, успеала безбедно да излезе од куќата, а на човекот му била потребна помош. Набрзо во полиција признал дека ја запалил куќата и дека тоа го направил намерно. Имено, тој по речиси две децении ја сакал својата слобода, изјавил тој во полиција.
Налогот за апсење на неговата маќеа опишува живот исполнет со заробеништво, злоупотреба и гладување.
„Во 33 години спроведување на законот, ова е најлошиот случај на нехумано постапување што некогаш сум го видел“, изјави началникот на полицијата во Вотербери, Фред Спањоло на прес-конференција. „Сè уште е тешко да се зборува за тоа“, додаде тој.
Кимберли Саливан (56) е уапсена завчера и се соочува со обвиненија, вклучувајќи напад, киднапирање и суровост, соопшти полицијата. „Наводите апсолутно не се точни“, рече нејзиниот адвокат Јоанис Калоидис. „Посинокот не бил заклучен во собата. Таа на никаков начин не го задржувала. Му дала храна, му дала покрив над главата. Таа е запрепастена од овие обвинувања”, рекол тој.
Според полициските документи, се започнало пред околу 20 години. Засега неименуваниот маж се сеќава како бил гладен веќе во раните години од својот живот и ноќе се прикрадувал од својата соба барајќи нешто да јаде и пие, се вели во записникот. Веќе во четврто одделение основно училиште почнал да краде храна или да ја вади од ѓубре.
Откако татко му и маќеата ги пронашле обвивките од украдената храна, почнале да го заклучуваат во собата. Со текот на времето, неговата маќеа трајно го избркала од училиште и му дозволувала да излегува само да ги извршува домашните работи, велат од полицијата.
Не смеел да има пријатели, и рекол на полицијата, а последен пат кога имал 12 години отишол да собира бонбони за Ноќта на вештерките. Неговите полусестри имале пријатели, но не смееле никого да донесат во куќата. „Цел живот сум тајна“, рекол тој на полицијата.
Според поднесокот, училиштето го пријавило случајот во државниот Оддел за деца и семејства. Момчето беше официјално избркано од училиштето во 2004 година, според началникот на училиштата во Вотербери, Дарен Шварц. Полицијата во 2004 година двапати го посетила нивниот дом, откако други деца пријавиле дека долго време не го виделе.
„Тогаш полицајците разговараа со детето и немаше индикации дека нешто се случува во куќата“, рече Спањоло.
„Испративме офицер да го провери домот. Тој разговараше со детето и пријави дека се е во ред“, изјави градоначалникот на Вотербери, Пол К. „После тоа, случајот едноставно исчезна од системот и никој повеќе не обрна внимание на тоа“, додаде тој. Одделот за деца и семејства во Конектикат изрази шокираност и тага поради жртвата и неискажливите услови што ги претрпе, се вели во соопштението.
Тие темелно ги пребараа нивните бази на податоци, но не најдоа податоци за семејството, велат тие. „Според државните регулативи, извештаите за занемарување и злоупотреба кои биле истражени и неосновани се бришат пет години по завршувањето на истрагата“, велат тие.
Кога имал околу 15 години, еднаш татко му го извадил да го фрли ѓубрето, пишува во документите. Тоа беше последен пат кога го напушти имотот. Иако повремено му дозволувале да ја напушти собата на кратко, остатокот од времето го поминувал затворен внатре. Тој бил принуден да врши нужда во шише и со слама да ја исфрли урината низ дупка во рамката на прозорецот.
Не се осмелувал да го отвори прозорецот, рече Спањоло, бидејќи се плашел од одмазда. Човекот во полиција изјавил дека се плаши дека ќе биде затворен уште подолго и дека дополнително ќе му се намалат оброците. Саливан му рекол дека никој не смее да знае дека постои или таа ќе го убие.
И другите членови на семејството се плашеле од одмазда, изјави началникот на полицијата Фред Спањоло, па затоа не му помогнале.
Вујкото со години доаѓал на гости на Бадник, но семејството на крајот го одбивало. Тој рече дека не го видел момчето од 2004 или 2005 година. Пред десетина години, загрижен за неговото исчезнување, тој се консултирал со приватен истражител кој му предложил да провери дали има посмртница.
Човекот и рекол на полицијата дека неговиот единствен прозорец кон светот било радиото кое му помагало да ги следи годините што минуваат. Добивал три или четири книги годишно и користел речник за да научи непознати зборови.
Како што растел, на вратата од неговата соба биле додадени нови брави. „Катанците се чини дека стануваа сè покомплексни како што тој стануваше посилен“, изјави Спањоло за новинарите.
Во јануари 2024 година починал таткото на жртвата, кој долго време бил во инвалидска количка, а затворската казна после тоа станала уште построга.
Пред околу една година пронашол запалка во јакна што му припаѓала на неговиот покоен татко и со неа на 19 февруари подметнал пожар, со помош на хартија и средство за дезинфекција на рацете. Неговата маќеа тврди дека приказната е поинаква. „Кимберли Саливан е невина додека не се докаже вината на суд“, рекол нејзиниот адвокат и таа одбила да разговара со полицијата.
Таа беше ослободена со кауција од 300.000 долари, според судските записи во округот Вотербери. Треба да се врати на суд на 26 март. Нејзиниот правен тим планира да се изјасни за невина, рече Џејсон Шпилка, нејзиниот втор адвокат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Тринаесетгодишно момче нападна двајца врсници во Лондон со нож: уапсен е во џамија
Тринаесетгодишно момче уапсено под сомнение дека избодел двајца ученици во средното училиште Кингсбери во Лондон е поранешен ученик во училиштето, потврди полицијата. Двајцата нападнати ученици, на возраст од 12 и 13 години, се префрлени во болница и се во сериозна состојба. Настанот не се третира како терористички напад, пишува „Скај њуз“.
Главната началничка Хелен Фланаган им изјави на новинарите дека се верува дека осомничениот тинејџер, британски државјанин, влегол во училишната зграда во Брент, северозападен Лондон, и се упатил кон училница на првиот кат.
„Тој влегол во училницата и веруваме дека додека влегувал низ вратата, испрскал ученик со некоја супстанца“, рече Фланаган.
„Потоа осомничениот нападнал друг ученик во училницата, 13-годишник, и го избодел. Потоа избегал, трчајќи по училишниот ходник“, додаде таа. „Додека бегаше, тој нападнал друга жртва, 12-годишно дете, кое исто така го избодел пред да избега од училиштето“, рече таа.
Уапсен во џамија
Полицијата и службите за итни случаи биле повикани околу 12:40 часот, а по обемна потрага, осомничениот бил уапсен кратко по 18 часот. Според началникот Фланаган, дојавата од јавноста била клучна. „Еден граѓанин се јавил во полиција околу 16:50 часот, загрижен за тинејџер што го видел во џамија во северозападен Лондон“, објасни таа.
„Полициските службеници брзо пристигнале и уапсиле 13-годишно момче под сомнение за обид за убиство. Тој останува во притвор. Во овој момент, не веруваме дека осомничениот има каква било посебна врска со џамијата и веруваме дека веројатно бил таму случајно. Сите во џамијата дадоа огромна поддршка на истрагата“, рече Фланаган.
Иако нападот го истражуваше полицијата за борба против тероризмот вчера, инцидентот не е прогласен за терористички инцидент, соопшти полицијата. Во писмо до родителите, директорката на училиштето изјави дека станува збор за „длабоко трауматичен настан за целата училишна заедница“. Министерката за внатрешни работи го опиша нападот како „шокантен“.
Свет
Зеленски: Првпат слушам за 24 февруари како датум на избори во Украина
Претседателот на Украина, Володимир Зеленски, изјави, коментирајќи ги извештаите на некои медиуми, дека за прв пат слушнал оти датумот на изборите во Украина може да биде 24 февруари и нагласи дека одржувањето на изборите зависи од безбедносната состојба.
Како што објави Укринформ, претседателот на Украина го кажа ова на новинарите коментирајќи ја информацијата на „Фајненшл тајмс“ за наводната намера да се објави датумот на претседателските избори и референдумот за територијален интегритет на 24 февруари.
„Во врска со изборите и намерата да се објави датумот на 24-ти, ова е прв пат што го слушам тоа. Веројатно првпат го слушнав од „Фајненшл тајмс“. Сега го слушам од вас по втор пат. Второ, многу пати зборував за изборите – ќе дојдеме до нив кога ќе ги има сите потребни безбедносни гаранции“, рече Зеленски, пренесува Танјуг.
Претседателот на Украина додаде дека прашањето за избори повремено го поставуваат некои партнери, но дека Украина никогаш самата не го иницирала ова прашање.
„Без сомнение, ние сме подготвени за избори. Јас го кажав тоа: само обезбедете прекин на огнот – ќе има избори. Тоа е безбедносно прашање“, додаде тој.
Зеленски, исто така, изјави дека САД ја покренале темата за изборите, но не сакаше да даде детали.
Фајненшл тајмс, повикувајќи се на неименувани извори, објави дека Украина се подготвува за претседателски избори и референдум за мировен договор со Русија, откако администрацијата на американскиот претседател Доналд Трамп побара организирање на гласањето до 15 мај, заканувајќи се во спротивно дека ќе го условува Киев со негирање на безбедносните гаранции, пренесуваат медиумите.
Свет
Макрон: Единственото решение е Европа да стане независна сила
Францускиот претседател Емануел Макрон денес во Антверпен изјави дека „единственото“ решение за економските закани што ги претставуваат Кина и Соединетите Американски Држави е Европа да стане независна сила.
„Ни треба нова скала и нова брзина во нашиот пристап за да се стави крај на фрагментацијата што ја ослабува и ризикува да ја понижи Европа“, им рече Макрон на бизнис лидерите во Антверпен, Белгија, објавија француските медиуми.
Францускиот претседател повторно ја лансираше идејата за „еврообврзници“, заеднички европски обврзници за финансирање на големи инвестиции и Европа да остане конкурентна со Пекинг и Вашингтон.
„Ако сакаме да инвестираме доволно во одбраната и вселенската безбедност, чистите технологии, вештачката интелигенција и квантното пресметување и да ја трансформираме нашата продуктивност и конкурентност, единственото решение е да се издаде заеднички долг“, додаде Макрон.
Оваа идеја за заеднички европски долг ја застапува Франција со години, но други земји, вклучително и Германија, постојано ја отфрлаат.
„Никогаш не сме живееле во ваков период. Затоа, мора да прифатиме преземање клучни мерки што не се многу вообичаени во традиционалните европски алатки за мерки“, рече Макрон.
Францускиот претседател рече дека Европа е во вонредна ситуација и додаде дека сите треба да бидат свесни за ова бидејќи наскоро ќе биде предоцна.
Макрон, исто така, ги повика земјите кои се подготвени да ги спроведат реформите на единствениот европски пазар предложени од Комисијата, да ја зајакнат соработката, со цел што поскоро да се постигне напредок.
Филипче: Нема да дозволам внатрепартиско роварење и поделби платени од ВМРО
Претседателот на Социјалдемократскиот сојуз на Македонија, Венко Филипче, на вечерашната средба во Штип со општинските организации од изборната единица 3,...
Забраната на социјалните мрежи за најмладите во Македонија би била радикален чекор, рече министерот Андоновски во Прилеп
Министерот за дигитална трансформација, Стефан Андоновски, изјави дека Владата не размислува за забрана на социјалните медиуми за деца и млади,...
Трендафилов побара мерки против пратеничката Дафина Стојановска оти ги објави неговите деца и за утре најави блокада на газдите
Утре напладне, повторно со најмалку 21 работник, Сојузот на синдикати на Македонија (ССМ) ќе ги блокира Стопанската комора, Организацијата на...
Парите на граѓаните кои ваделе пасош си ги ставал во џеб, кривична пријава за вработен во одделот за издавање документи во Штип
Вработен во Одделението за управни работи Штип ги лажел граѓаните кои ваделе пасош дека не работи пост терминалот за наплата со...
ВМРО-ДПМНЕ предлага продолжување на рокот за легализација на бесправно изградени објекти до 2031 година
Пратеничката група на ВМРО-ДПМНЕ и коалицијата минатата недела поднела Предлог на закон за изменување на Законот за постапување со бесправно...
МВР со детали за тешката сообраќајна незгода на влезот во Скопје: автомобил и камион целосно изгореа, 25-годишник тешко повреден
Вчера во 23:00 часот во СВР Скопје било пријавено дека на автопатот Скопје-Куманово, пред клучката за обиколница на Град Скопје,...
(Видео) Се уриваат дискотеките во Градски парк, ќе се гради нов Луна парк
Старите дискотеки во Градскиот парк во Скопје ќе бидат урнати, а на нивно место ќе се изгради нов Луна парк,...
Бубевски: Стојам зад секоја одлука која сум ја донел, за навредите ќе поднесам тужба ако не добијам извинување
Поранешниот обвинител од специјалното јавно обвинителство, Гаврил Бубевски, ги отфрла сите наводи за какво било влијание и вели дека стои зад...
„Спасовски вршел притисок врз обвинителите во СЈО за кои луѓе да се гонат, Катица Јанева работела по наредба на Заев“, велат од ВМРО-ДПМНЕ
„СДС, Заев и Спасовски, преку Катица Јанева, контролирале кои предмети СЈО ќе ги обработува, кој обвинител ќе ги води и...
„Одбија Законот за 600 евра плата да биде на дневен ред, сакаат авион за Мицкоски“, велат од СДСМ
„Пратениците од тендер коалицијата ВМРО-ЗНАМ, на вчерашната собраниска седница застанаа против работниците: одбија Законот за минимална плата од 600 евра...
(Фото) Три деца загинаа во руски напад врз Харков, луѓе останаа без струја во Запорожје
Во напад со руски беспилотни летала врз Боходухив во Харковската област загинаа три мали деца и еден маж, додека нападите...
Трамп ѝ дава на Европа контрола врз три клучни бази на НАТО
Доналд Трамп им ја предаде контролата врз три клучни командни центри на НАТО на европските нации во историско реконструкција во...
Ученик за пукањето во училиштето во Канада: Ја забарикадиравме вратата со клупи
Дариан Квист, матурант во средното училиште Тамблер Риџ, ги опиша моментите од пукањето во неговото училиште за CBC. Тој рече...
(Видео) „Брзата реакција на полицијата спречи поголема трагедија во училиштето“
Премиерот на Британска Колумбија, Дејвид Иби, се обрати до јавноста во врска со нападот. „Ова е ужасна и незамислива трагедија“,...
Канадскиот премиер: Шокиран сум од овој ужасен напад
Канадскиот премиер Марк Карни го нарече пукањето во Тамблер Риџ, Британска Колумбија, „ужасно“, велејќи дека е шокиран од нападот и...
(Видео) Масакр во Канада:10 лица убиени, најмалку 25 повредени во училишта и домови
Десет лица, вклучувајќи го и осомничениот напаѓач, се пронајдени мртви по пукање во град во североисточната канадска покраина Британска Колумбија,...
Силен земјотрес почувствуван во Македонија
Силен земјотрес беше почувствуван вечерва во 22:05 часот во Македонија. Според информациите на ЕМСЦ, потресот бил регистриран во Косово, на...
Владата најави вонредни контроли на фирмите за медицински канабис
Владата на 149-тата седница одлучи да ги задолжи надлежните институции да спроведат вонредни контроли на сите фирми што имаат одобрение за...
(Видео) Мицкоски и Тошковски ги покажаа 40 тони запленета марихуана: „Никој не е над законот“
Министерот за внатрешни работи, Панче Тошковски, и премиерот, Христијан Мицкоски, дадоа изјава пред просториите во МВР во кои се сместени...
Превентивно повлечени одредени серии „Аптамил“ формули за доенчиња, соопшти АХВ
Агенцијата за храна и ветеринарство информира дека, врз основа на информации добиени преку европскиот Систем за брзо предупредување за храна...
