Свет
Медведев: Шолц и Макрон на ѓубриштето на историјата
![](https://makfax.com.mk/wp-content/uploads/2024/06/677z381_677z381_1-Dmitry-Medvedev.jpg)
Изборите за Европскиот парламент, на кои силите спротивставени на сегашното раководство на Франција и Германија извојуваа убедлива победа и ги испратија германскиот канцелар Олаф Шолц и францускиот претседател Емануел Макрон „во ѓубриштето на историјата“, напиша заменик-претседателот на Советот за безбедност на Русија Дмитриј Медведев на X.
Според Медведев, изборите за ЕП „ја претставуваат неспособната, идиотска, економска и миграциска политика“ на Шолц и Макрон, кои го поддржуваат „нацистичкиот режим во поранешна Украина по цена на животите на сопствените граѓани“.
„Почекајте и видете што ќе се случи следно“, повика заменик-претседателот на Советот за безбедност на Русија, обраќајќи им се на Шолц и на Макрон.
„Време е да поднесете оставка и да одите на буништето на историјата“, заклучи Медведев.
На изборите за Европскиот парламент што се одржаа во неделата во Германија, опозицискиот блок од десниот центар на Христијанско-демократската и Христијанско-социјалната унија извојува убедлива победа, второто место и припадна на десничарската Алтернатива за Германија (AfD), додека Социјалдемократската партија на Олаф Шолц го зазеде само третото место.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Воз полн со токсични материи излета од шините и експлодира во Северна Дакота
![](https://makfax.com.mk/wp-content/uploads/2024/07/Screenshot-2024-07-06-081805.jpg)
Здравствените власти издадоа итно предупредување откако воз со токсични материи излета од шините и експлодираше во Северна Дакота.
Екипите на Хазмат беа распоредени во оддалечената област на околу 386 километри северно од Фарго, откако 29 вагони на возот CPKC излетаа од шините околу 3:45 часот по локално време.
Train Derailment about 10 miles Southeast of Carrington North Dakota. Friday July 5 2024. More images and video from Doug Zink @Zinkfarms pic.twitter.com/y4qHkmy6lE
— ŎĿĐ ĢħŌŞŦ 👻 (@outhereinwoods) July 5, 2024
Опасните материи во возот вклучуваа безводен амонијак, сулфур и метанол, за кои властите предупредија дека се ослободуваат во токсичниот чад. Амонијакот е најголемиот ризик, а доколку некој се изложи на соединението може да предизвика печење на очите, носот и грлото, како и слепило, оштетување на белите дробови и смрт.
Причината за излетувањето од шините засега е нејасна, а властите велат дека ја истражуваат несреќата.
Нема првични извештаи за повредени, жртви или несакани ефекти од токсичното излетување од шините, а инженерот и кондуктерот на возот наводно успеале неповредени да го напуштат местото на настанот.
Свет
(Видео) Страшна несреќа во Бразил: 10 лица загинаа, над 40 се повредени откако автобус удри во столб од мост
![](https://makfax.com.mk/wp-content/uploads/2024/07/Screenshot-2024-07-06-081252.jpg)
Најмалку 10 лица загинаа, а 42 се повредени во страшната несреќа во петокот кога автобус удри во средишниот столб на мостот во бразилската држава Сао Паоло, соопшти државната влада.
Според локалните власти, несреќата се случила нешто по полноќ по локално време, во близина на градот Итапетининг, на околу 170 километри западно од главниот град на државата Сао Паоло.
🚨🇧🇷 Accidente en la carretera SP-127, en Itapetininga, que cobró la vida de 10 personas y dejó heridas a más de 40. pic.twitter.com/X3ZLN6L0Aa
— productoresUY (@productoresUY) July 5, 2024
Автобусот бил на пат од Итапева до Апарецида, религиозен град познат по тоа што привлекува многу аџии во базиликата „Пресвета Богородица Апарецида“.
Повредените се префрлени во болниците во Итапетининга и во соседниот град Сорокаба, соопштија властите.
Регион
(Видео) Трагедија во центарот на Белград: Од Сава е извлечено телото на жената која исчезна по судир меѓу брод и чамец
![](https://makfax.com.mk/wp-content/uploads/2024/07/Screenshot-2024-07-06-080254.jpg)
Судир на товарен брод и чамец со три лица, кој паднал во реката Сава се случи доцна синоќа во Белград.
Лицето кое било во чамецот и испливало на брегот, В.М.(42) изјавил дека на чамецот била неговата сопруга Ј.М.(43) и нивниот кум С.Р.(42).
Женското тело од страна на службите за итна помош е извлечено во 2 часот и 50 минути во близина на шеталиштето Сава, додека третото лице се уште се води како исчезнато, пишуваат српските медиуми.
Судирот меѓу чамец и товарен шлеп се случил синоќа околу 21:45 часот на Сава кај Нов Белград.