Свет
Мечка во САД извлече жена од шатор среде ноќ и ја уби
Гризли во САД извлекло камперка од шаторот додека таа спиела и ја раскинало на парчиња, пренесуваат тамошните медиуми.
Медицинската сестра Лиа Локан од Калифорнија го загуби животот во близина на градот Ованд во Монтана кога од големо гризли била извлечена од шаторот каде што спиела и потоа ја убило.
Иако другите кампери се обиделе да го избркаат животното со спреј-солзавец, мечката не се откажала од нападот сѐ додека буквално не ја распарчила несреќната Локан, пишуваат агенциите.
Властите претпоставуваат дека истата мечка претходно нападнала кокошарник на земјоделец и изела неколку кокошки, а потоа шетала низ фармата.
Иако камперите го избркале еднаш, гризлито се вратило во текот на ноќта и го нападнало шаторот на жртвата.
Раководството на блискиот национален парк објави дека има намера да ја фати и убие мечката одговорна за нападот, а според отпечатоците од шепите, претпоставуваат дека таа тежи 180 килограми.
Во изминатите 20 години имало само три фатални напади врз луѓе од страна на гризли, иако Монтана е дом на голема популација гризли.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.

