Свет
Мечка изеде тинејџер во Русија: Гладното животно се преправало дека е мртво и ги нападнало туристите
Кафеава мечка нападнала и изела тинејџер во рускиот национален парк, пред да биде прободена во вратот од страна на турист, кој исто така го нападнала мечката.
Мечката се преправала дека е мртва откако била прободена со нож, но подоцна била пронајдена и застрелана.
Кога туристот ја избодел мечката со џебен нож, неговиот придружник истрчал кон кампот и го вклучил алармот. Го повикале чуварот во националниот парк Ергаки, кој ја нашол мечката како лежи над распарчените остатоци од тинејџерот.
Тие отвориле оган и ја раниле мечката, но таа успеала да избега. Следното утро го пронашле агресивното животно и го убиле.
Младиот човек кој загина, работел како водич за група туристи кои биле нападнати од мечката. Другиот турист кој исто така беше нападнат, а кој ја прободе мечката со нож, помина без поголеми повреди, пренесува „Дејли меил“.
Официјалните лица објасниле дека мечките во рускиот национален парк се гладни поради долгата зима и дека тинејџерот бил убиен затоа што се движел по скратени наместо по утврдените патишта во паркот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Земјотрес од 4,9 степени во Мексико
Мексико денес беше погодено од земјотрес со јачина од 4,9 степени по Рихтер, објави Европско-медитеранскиот сеизмолошки центар (EMSC).
Според извештаите, епицентарот на земјотресот бил на длабочина од 10 километри и на 45 километри од Акапулко. Досега нема извештаи за повредени или материјална штета.
JUST IN: 4.9 magnitude earthquake struck Guerrero, Mexico, tremors felt across multiple cities pic.twitter.com/zTJzvWx0LC
— Rapid Report (@RapidReport2025) January 16, 2026
Според исказите на очевидци објавени на веб-страницата на ЕМСЦ потресот бил почувствуван силно, креветите се нишале, а луѓето се буделе, бидејќи земјотресот се случил кратко пред 1 часот наутро по локално време.
Свет
Автобус удри во зграда во центарот на Сеул
Патнички автобус удри во зграда во главниот град на Јужна Кореја, Сеул, објави Ројтерс, повикувајќи се на локални извори.
Според јужнокорејската новинска агенција Јонхап, во инцидентот се повредени 11 лица, а двајца од повредените се во тешка состојба и се префрлени во болница.
Телевизиските снимки од местото на настанот покажаа голем автобус, а предниот дел заглавен во стаклената фасада на зграда. Се чини дека возилото поминало низ широк дел од пешачката зона пред да удри во зградата.
Полицијата соопшти дека во овој момент нема индикации дека возачот бил под дејство на алкохол, но дека планираат да спроведат тест за дрога додека трае истрагата за причината за несреќата.
Фото: ЕПА
Свет
Прекинот на интернетот во Иран трае веќе втора недела
Прекинот на интернетот во Иран влезе во втората недела, а според организацијата „Нет блокс“, режимот го блокирал пристапот до мрежата повеќе од 180 часа.
Иако можноста за повици во странство беше обновена претходно оваа недела, интернет услугите сè уште се недостапни.
Ваквата ситуација го отежнува, иако не и целосно невозможно, добивањето информации, слики и видеа од земјата во реално време. Во исто време, им помага на властите во Техеран во обидот да го контролираат наративот за протестите и немирите.
Фото: depositphotos

