Контакт

Свет

Милиони жени во Мексико останаа дома протестирајќи против насилството

Објавено пред

Милиони жени во Мексико не отишле на работа, во училишта или владини служби, придружувајќи се на вториот ден на протестите против насилството и мачо културата.

Целта на штрајкот, под слоганот „Ден без нас“, е да се покаже каков би бил животот ако жените исчезнат од општеството.

Оваа форма на протест доаѓа по масовните демонстрации што се одржаа на Меѓународниот ден на жената, пренесува „Ројтерс“.

Во северниот дел на Мексико, во градот Сиудад Хуарез на границата со САД, фабриките се невообичаено тивки затоа што многу жени останаа дома.

На протестот им се придружија и домородните жени на југ, како и работничките од Министерството за надворешни работи.

Видеата објавени на интернет покажуваат празни работни маси на вработените во министерството и пораки на столовите со кои се опоменува за насилството врз жените.

Паола Рохас, колумнистка на весникот „Ел универзал“, го остави празен својот простор во весникот, освен хаштагот во знак на поддршка на протестите.

Мексиканскиот претседател Андрес Мануел Обрадор налути голем број жени минатата недела посочувајќи дека конзервативците и другите критичари на неговата влада се инфилтрирале во протестите.

Регион

Црна Гора на чекор до прогласување крај на епидемијата

Објавено пред

Во Црна Гора ниту денеска нема нов случај на коронавирус, а црногорските медиуми пишуваат дека ако овој тренд продолжи уште пет дена, ќе биде прогласен крај на епидемијата.

„Во последните 24 часа биле направени 155 тестови и сите се негативни“, соопшти Институтот за јавно здравје на Црна Гора.

Во Црна Гора нема активни случаи на Ковид-19.

Директорот на ИЈЗ, Бобан Мугоша, пред четири дена за ТВЦГ соопшти дека крајот на епидемијата може да се очекува на 2 јуни, доколку до тогаш нема нови случаи.

Во Црна Гора од почетокот на епидемијата од коронавирус заболеле 324 лица, оздравеле 315, а починале девет пациенти.

Прикажи повеќе...

Регион

БиХ ги отвора границите само за државјаните на три земји

Објавено пред

Советот на министри на Босна и Херцеговина одлучи да ги отвори границите за државјаните на Србија, Хрватска и Црна Гора, а од 1 јуни ќе бидат отворени и аеродромите.

Претседавачот Зоран Тегелтија кажа дека одлуката се однесува само за влез на граѓаните на Хрватска, Србија и Црна Гора и дека е донесена со оглед на тоа што епидемиолошката состојба во регионот е сè постабилна во последниве денови.

Тегелтија рече дека оваа мерка важи и за граѓаните на Црна Гора, и покрај тоа што таа земја, како што рече, нема сличен третман кон граѓаните на БиХ.

Аеродромите во Сараево, Тузла и Мостар ќе бидат отворени за меѓудржавен сообраќај од 1 јуни, со почитување на одреден режим, јавуваат сараевските медиуми.

Границите на БиХ остануваат затворени за Македонија. Претходно и Хрватска и Црна Гора најавија отворање на границите за некои земји, меѓу кои не е Македонија.

Прикажи повеќе...

Свет

Иранец ја обезглавил 13-годишната ќерка во убиство за заштита на честа

Објавено пред

Иранските власти уапсија Иранец кој ја обезглавил ќерката тинејџерка на спиење минатата недела, пренесува ИРНА. Злосторството, наводно, се случило откако избегала од дома со еден постар маж, со што случајот се третира како убиство за заштита на честа.

Ромина Ашрафи (13), наводно, избегала од својот дом во северната провинција Гилан, против волјата на нејзиниот татко, со 35-годишен маж со кој се вљубила. Според иранскиот исламски закон, на девојчињата им е дозволено да стапат во брак од 13-годишна возраст иако просечната возраст за брак е 23.

„Откако полицијата ја пронашла и ја вратила дома, таткото на Ашрафи со срп ѝ ја отсекол главата додека таа спиела. По убиството, тој бил уапсен и го признал злосторството во локалната полициска станица“, потврдил гувернерот на Талеш за ИРНА. Тој додал дека понатамошните детали за овој случај ќе бидат објавени по правниот процес.

Гневот поради убиството се рашири на социјалните мрежи по извештаите дека властите добиле повторени предупредувања оти Ашрафи ќе биде во опасност ако биде принудена да се врати дома. Како законски старател на жртвата, таткото не се квалификува за исламскиот исклучок „кисас“, што овозможува полесни казни во случаи на одмазда за правда. Сепак, тој се соочува со мала, десетгодишна казна затвор за извршување на ѕверството.

Иранскиот претседател, Хасан Рохани, го повика својот кабинет да донесе построги казни за убиствата за заштита на честа, генерално извршени од роднини кои веруваат дека нивната чест е извалкана како резултат на сексуалното однесување на нивен роднина.

Нема официјална статистика за бројот на убиства за заштита на честа во Иран иако некои студии проценуваат дека тие претставуваат 20 отсто од случаите на убиства. Овие бројки фрлаат уште посилна светлина врз застрашувачкото кршење на човековите права во земјата, во голема мерка инспирирани од строгото придржување кон шеријатот, односно исламскиот закон.

Прикажи повеќе...

Најново

Топ2 часа

АД „Водостопанство“ и еден раководител ќе одговараат за смртта на 15-годишното момче што се удави во Пчиња

Полицијата поднесе кривична пријава против АД „Водостопанство“ на Македонија и раководител на сектор за речен слив и речни корита поради...

Македонија3 часа

Филипче: ВМРО-ДПМНЕ прави сериозна манипулација со бројките за смртност од коронавирус

ВМРО-ДПМНЕ прави сериозна манипулација со бројките за смртност од коронавирусот и тоа е навистина загрижувачки. Не разбирам како може да...

Македонија3 часа

Пријава за фирма од Скопје – продавала производ за кој лажела дека нема глутен

Полицијата поднесе пријава против фирма во Скопје и нејзиниот сопственик поради измама на купувачи – односно продажба на производ на...

Македонија5 часа

Хрватските граници нема да бидат отворени за туристи од Македонија

Хрватскиот премиер, Андреј Пленковиќ, најави денеска отворање на границите за туристи од 10 земји, меѓу кои не е Македонија. „Успеавме...

Македонија6 часа

При влез во ресторан ќе се покажува лична карта, а следните 10 дена се период за едукација на угостителите

Инспекторатите нема да ги казнуваат гостите во угостителските објекти, туку фирмите доколку не се почитуваат протоколите за работа, најави директорот...

Македонија6 часа

Потврдени 38 нови случаи на Ковид-19, од кои над 20 се од Скопје, починаа уште 3 лица

Денеска, потврдени се 38 нови случаи на Ковид-19, со што вкупната бројка на дијагностицирани е 2.077 лица, oздравени се 16...

Македонија6 часа

Чулев: На литијата во Струга имаше затајување на функцијата на полицијата, истрагата е во тек

Техничкиот министер за внатрешни работи, Наќе Чулев, вели дека ѝ натаму се работи на идентификација на лицата што учествувале на...

Македонија6 часа

Регистриран првиот случај на починат здравствен работник од Ковид-19

Во земјата е регистрирана првата смрт на здравстветен работник како последица од коронавирусот. Станува забор за дипломираниот фармацевт Петар Мојсоски,...

Македонија8 часа

Игротеките бараат финансиска поддршка и датум за почеток со работа

Групацијата на забавни и рекреативни дејности во рамките на Услужната комора при Сојузот на стопанските комори на Македонија достави четири...

Македонија8 часа

Независниот синдикат на полицијата: Наградата за полицајците да се исплати во платата во јуни

Независниот синдикат на полицијата побара техничкиот премиер и министерот за внатрешни работи итно да се договорат за наградата за полицајците...

Македонија10 часа

Кафулињата и рестораните почнуваат со работа, сѐ уште е забрането организирање свадби и родендени

Со одлука на Владата, од денеска почнуваат со работа кафетериите и угостителските објекти со посетители во отворените делови на овие...

Македонија10 часа

Филипче: Само заеднички може да ја надминеме оваа состојба од која ќе излеземе посилни и помудри

Министерот за здравство, Венко Филипче, изјави дека почнува да се враќа животот во нормала и почнуваат да се отвораат бизнисите,...

Економија10 часа

Парична помош за оние што останале без работа во периодот од 11 март до 30 април

Работниците што поради корона-кризата останале без работа, независно од времето поминато во работен однос, ќе може бргу да дојдат до...

Регион10 часа

Кипар ќе им ги плати трошоците за одмор на сите туристи што ќе заболат од Ковид-19

Кипарските власти порачаа дека ќе ги покријат трошоците за одмор во земјата за секој што ќе биде позитивен на коронавирусот...

Македонија1 ден

Продолжува да важи платеното породилно отсуство до завршувањето на времените мерки

Владата донесе Уредба за примена на Законот за работните односи за време на вонредна состојба, во која е предвидено отсуството...

Европа1 ден

Меркел: Уште сме на почетокот со пандемијата

Германската канцеларка Ангела Меркел ги оцени како позитивни досегашните постигнувања во борбата против коронавирусот, но како што рече, општеството е сè...

Европа1 ден

Европската комисија предлага 1.850 милијарди евра за заздравување на економиите

Европската комисија предложи инструмент за заздравување на економиите од корона-кризата, вреден 750 милијарди евра, и повеќегодишна финансиска рамка (ВФО) од...

Регион1 ден

Во Хрватска трет ден нема нови случаи, се укинува забраната за свадби

Трет ден по ред во Хрватска не е потврден ниту еден нов случај на коронавирус. Со ова вкупниот број на...

Македонија1 ден

Разрешен поглаварот на ИВЗ, Сулејман Реџепи

Ријасетот на Исламската верска заедница на денешната седница донел одлука да се разреши Сулејман ефенди Реџепи од позицијата реис-ул-улема, претседател...

Македонија1 ден

Тројца починати и 25 новозаболени од коронавирус

Тројца починати и 25 новозаболени се регистрирани денеска во државата. Министерството за здравство информира дека денеска Институтот за јавно здравје...

Досие