Свет
Милиони луѓе се гладни, целта нема да биде постигната, покажува првата глобална проценка
Обединетите нации соопштија дека минатата година дошло до драматично влошување на состојбата со гладот во светот и дека поголем дел од тоа најверојатно е последица на Ковид-19.
Иако влијанието на пандемијата треба допрва да се истражи во целост, сепак се проценува дека лани околу една десетина од глобалната популација – 811 милиони луѓе биле гладни, се наведува во соопштението.
Се наведува дека тој број навестува дека ќе биде потребен голем напор светот да го исполни ветувањето дека гладот ќе се искорени до 2030 година.
Извештајот е заеднички објавен од Организацијата за храна и земјоделство на Обединетите нации (ФАО), Меѓународниот фонд за развој на земјоделството (IFAD), Фондот за деца на Обединетите нации (УНИЦЕФ), Светската програма за храна на ООН (WFP) и Светската здравствена организација.
Во многу делови на светот пандемијата предизвика брутална рецесија и го загрозила пристапот до храна, но се посочува дека гладот се ширел пред пандемијата и дека недостасувал напредок во намалувањето на неухранетоста.
Според сегашните трендови, состојбата на безбедноста на храната и исхраната во светот проценува дека целта за одржлив развој 2 (нула глад до 2030 година) ќе биде промашена за речиси 660 милиони луѓе. Од овие 660 милиони, околу 30 милиони можат да бидат поврзани со долгорочните ефекти на пандемијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Ирак: Соборен дрон кај меѓународниот аеродром во Багдад
Ирачките власти соопштија дека дрон бил соборен во близина на меѓународниот аеродром во Багдад, без жртви или материјална штета, јави Анадолу.
Во соопштение пренесено од Ирачката новинска агенција (ИНА) се наведува дека леталото било пресретнато на надворешниот периметар на аеродромот.
Генерал-потполковник Саад Маан изјавил дека станува збор за мало беспилотно летело и потврдил дека нема човечки или материјални загуби.
Овој развој на настаните доаѓа откако претходно во Ербил, на северот на Ирак, се слушнале експлозии по напад со дрон насочен кон американскиот конзулат и градскиот аеродром, каде биле активирани системите за противвоздушна одбрана. Дроновите биле пресретнати, но нема потврда за нивниот точен број.
Свет
(Видео) Нови снимки од Бејрут: Хотел тешко оштетен во израелски напад
Нови снимки од либанската престолнина Бејрут покажуваат сериозни оштетувања на хотел во населбата Хазмие, источно од центарот на градот, додека израелските напади продолжуваат.
На снимките се гледа тешко оштетена фасада на хотелската зграда по нападот.
Hazmieh now pic.twitter.com/Q1lN9MoKlC
— Pheebs (@galpalpheebs) March 4, 2026
Фото: ЕПА
Свет
Мерц: Трамп ме увери дека американската војска ќе остане во Германија
Американскиот претседател Доналд Трамп потврдил дека САД планираат да ја задржат својата воена присутност во Германија, изјави германскиот канцелар Фридрих Мерц по средбата со него во Белата куќа.
„Трамп уште еднаш ме увери дека САД имаат намера да ја задржат својата воена присутност во Германија“, изјави Мерц во Вашингтон, додавајќи дека тоа се добри вести.
Во последните месеци се шпекулираше дека, поради критичкиот став на Трамп кон Европа, би можело да дојде до повлекување на американските трупи од Германија.
Мерц рече дека со Трамп разговарале и за подобра организација на заедничкото одвраќање пред самитот на НАТО во Анкара во јули.
Тој додаде дека Трамп признал дека Германија презела водечка улога во зајакнувањето на европскиот столб на НАТО и дека САД го почитуваат германското вложување во војската.

