Свет
Мисијата на Иран во ОН: Поддршката за саботажите во Иран може да предизвика ескалација
![](https://makfax.com.mk/wp-content/uploads/2020/07/20-iran.jpg)
Алиреза Мирјусефи, министер и шеф на Канцеларијата за медиуми на Иранската мисија во ОН, жестоко го критикува колумнистот на „Блумберг“, Ели Лејк, во врска со неговиот неодамнешен напис, во кој тој ја поддржува саботажата на инфраструктурата на Исламската Република, пренесува „Спутник“.
Колумната на американскиот новинар, објавена на 13 јули, е со наслов „Саботажата во Иран е попосакувана од договор со Иран“. Во написот Лејк пишува за неодамнешната серија инциденти во Иран вклучувајќи ја и експлозијата во нуклеарниот комплекс „Натанз“. Новинарот тврди дека ова покажало оти има подобри начини да се фрустрира нуклеарната амбиција на Исламската Република.
Во својата реакција објавена во „Блумберг“ минатата недела Мирјусефи тврди дека колумната на Лејк спротивно на сите новинарски стандарди поттикнува насилство, терор и саботажа и прави голем број фактички грешки и претпоставки.
Министерот тврди дека фалењето за убиството на нуклеарните научници и поттикнувањето саботажи на иранската инфраструктура се нехумани, варварски акти, што промовираат насилство и тероризам. Тој очигледно алудира на извадокот од колумната на Лејк, во кој авторот ги спомнал случувањата на 2010 година кога израелски Мосад изврши серија атентати на ирански нуклеарни научници.
Мирјусефи предупреди дека ваквите мерки само ги држат тензиите високи и може да поттикнат ескалација. Во врска со инцидентот во „Натанз“, министерот потсети дека Техеран вети решителен одговор ако се заклучи дека некој режим или влада имаат удел во инцидентот, директно или индиректно.
Покрај тоа, тој го критикува Лејк поради неговите тврдења дека еден од неодамнешните инциденти во Иран наводно бил насочен кон подземен истражувачки објект за хемиско оружје.
Според Мирјусефи, Иран е најголемата жртва на напади со хемиско оружје во современата историја“, благодарение на поранешниот ирачки претседател Садам Хусеин и со срамната помош од западните земји.
„Иран нема програма, ниту планира да произведе хемиско оружје, а тврдењата во колумната не се само бизарни, туку целосно погрешни“, истакна Мирјусефи.
Тој потсети дека токму Трамп унилатерално ги повлече САД од историскиот нуклеарен договор за Иран од 2015 година и ја прекрши Резолуцијата 2231 на Советот за безбедност.
Повлекувањето на САД од ЈЦПОА предизвика разочарувачки тензии меѓу Техеран и Вашингтон, кои ескалираа кога врвниот ирански генерал Касем Солејмани загина во американскиот напад со беспилотни летала овластен од претседателот Трамп на почетокот на јануари.
Што се однесува до инцидентот во „Натанз“, има непотврдени извештаи дека САД или Израел стојат зад експлозијата. Техеран, пак, предупреди дека ако истрагата открие дека странски елементи биле вмешани во експлозијата, ќе има последици.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Исчезнатото осумгодишно девојче Нарин Гуран е најдено убиено и фрлено во торба (ВИДЕО)
![](https://makfax.com.mk/wp-content/uploads/2024/09/devojce.jpg)
Безживотното тело на осумгодишното девојче Нарин Гуран, кое исчезна во турската провинција Дијарбекир на 21 август, беше пронајдено во поток недалеку од селото во кое живееше, по 19 дена потрага.
Телото на девојчето е однесено на обдукција во Институтот за судска медицина, јавува Anadolu Agency, а според првичните сознанија, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж, пишуваат турските медиуми.
Откако Нарин Гуран беше пријавена за исчезната, започна копнена и воздушна потрага во регионот.
Во рамките на истрагата, површина од 11.000 квадратни метри беше пребарана од 2.000 луѓе, како и два хеликоптери и 48 воздушни дронови. Биле прегледани околу 150 возила за кои било утврдено дека минувале по патот во часовите кога Нарин исчезнала.
Се претресувале куќи во населбата и возила кои влегувале во селото. Исто така, 24 нуркачи пребарале пет потоци, три езера, 18 бунари и 24 километри водени канали. При претресот користени се и подземни уреди за снимање.
Жандармеријата во придружба на истражниот обвинител со подземен апарат за снимање ги пребараа соседните гробишта, особено гробовите на оние кои неодамна беа погребани. Сепак, не беа пронајдени траги. Беа испитувани и членови на семејството, меѓу кои и братот и вујкото на исчезнатото девојче, кој е приведен. Нарин Гуран била пријавена за исчезната од нејзиниот татко на 21 август вечерта, откако девојчето не се вратило од верска настава, а семејството и соседите кои веднаш почнале да ја бараат не успеале да ја најдат.
Министерот за внатрешни работи Али Јерликаја денеска соопшти дека телото на девојчето го пронашле припадници на жандармеријата и упати сочувство до семејството. Турската јавност е во шок поради ова брутално злосторство, а властите најавија дека одговорните ќе бидат најстрого казнети.
Diyarbakır’ın Bağlar ilçesine bağlı Tavşantepe Mahallesi’nde 19 gündür aranan Narin Güran'ın cansız bedeni köye 3 km mesafedeki dere yatağında bir çuval içinde
bulundu..
Bunu yapanların hiçmi vicdanı yoktu.. Allah b*lanızı versin..#narinbulundu#Narin
////// pic.twitter.com/Tv9hk9fbjk— 🇹🇷KUZEYİNOĞLU🇹🇷 (@__KUZEYINOGLU) September 8, 2024
Свет
Од строго чуван затвор во Португалија побегнаа петмина затвореници
![](https://makfax.com.mk/wp-content/uploads/2023/07/R.jpg)
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.