Свет
Мистериозен синдром поврзан со коронавирусот предизвикува оштетување на мозокот кај децата
Коронавирусот може да предизвика големи невролошки проблеми кај некои деца, откриле научниците.
Иако на младите им е полесно да се борат со коронавирусот, децата може да бидат поранливи на тоа поради појава на секундарна болест, која предизвикува оштетување на мозокот и која следува по инфекција со коронавирусот.
Тоа е педијатриски воспалителен синдром (тежок воспалителен синдром), мистериозно респираторно заболување, кое е потенцијално поврзано со Ковид-19,
За синдромот се смета дека е многу поопасен од болеста кавасаки, која претходно беше поврзана со инфекција со коронавирусот САРС-КоВ-2 кај децата, според студијата објавена во списанието JAMA Neurology.
Извештаите за зголемен број деца што развиваат системски воспалителен одговор и чие лекување бара интензивна нега, како и деца со помалку тешка болест слична на кавасаки, сугерираат дека најмладите, и покрај типично лесна акутна инфекција, може да бидат изложени на голем ризик за секундарно воспалителен синдром, пишува во студијата.
Кај деца што страдаат од Ковид-19 може да се појават комплетно нови невролошки симптоми, кои предизвикуваат оштетување на делот од мозокот што им помага на двете хемисфери меѓусебно да комуницираат, пишуваат авторите.
Истражувачите испитувале 27 деца што имале коронавирус и педијатриски мултисистемски воспалителен синдром.
Четири деца во групата имале лезии на мозокот и немале проблеми со дишењето и покрај тоа што се вообичаен симптом на коронавирусот.
Од четирите деца, две биле отпуштени од болницата за помалку од еден месец, а две, иако покажале знаци на подобрување, останале врзани за инвалидска количка поради состојба што предизвика мускулна слабост.
„Невролошко подобрување е забележано кај сите пациенти, а двајца успеаја целосно да закрепнат до крајот на студијата“, се наведува во извештајот на студијата.
Оштетување на мозокот е претходно забележано кај возрасни што страдале од коронавирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Од строго чуван затвор во Португалија побегнаа петмина затвореници
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.