Контакт

Регион

Млад брачен пар за ручек „од нога“ на Миконос платил над 400 евра

Објавено пред

Новопечена брачна двојка од Канада заминала на меден месец, а меѓу дестинациите кои ги посетиле биле Грција и островот Миконос. Таму ги пресретнала непријатна ситуација која добро ќе ја паметат по ова патување.

dobivaj vesti na viber

Алекс и Линдзи Брин биле на турнеја на Миконос, па избрале бар на плажа, не знаејќи колку ќе ги чини тој избор.

Брачниот пар од Торонто нарачал едно пиво, коктел и десетина остриги и за сето тоа платиле повеќе од 400 евра. Тие ја споделија својата приказна за да ги предупредат другите за ваквите изненадувања.

Линдзи вели дека ресторанот немал мени и дека персоналот бил прилично груб.

„Веднаш прашаа ‘сакаш ли остриги?’ Беа многу дрски. Нарачавме 12, како што беше предложено, мислејќи дека тоа е вообичаеното количество. Алекс нарача пиво, а јас побарав мени за коктел“, рече Линдзи, додавајќи дека многу се „мачеле“ околу носењето на менито за пијалаци.

„Конечно, ми донесе, како што велат, коктел-картичка. Пластифицирано парче хартија со наведените видови алкохол, но без цените и вистинските имиња на пијалаците. Затоа нарачав Aperol spricz“ – раскажува таа.

Набрзо пристигнале „комично големите пијалаци“, што им се чинело чудно, а келнерот се обидел да ги убеди да нарачаат нешто друго, негодувајќи што го одбиле.

„Тој секогаш демнеше околу масата. Секогаш беше наоколу. Кога ги завршивме остригите, тој се обиде да нè наговори да ги земеме раковите, што, за среќа, не го направивме“, рече таа.

Кога дошло време за плаќање, парот тврди дека персоналот не им ја донел сметката, туку го повикал Алекс во „задната соба“ да плати. На екранот на компјутерот му ја покажале сметката која била на грчки јазик и изнесувала над 400 евра.

Иако бил шокиран, Алекс ја платил сметката за да избегне конфликт, тврди Линдзи.

„Тој се чувствуваше заплашено. Тој е најубавиот човек, па дури и ако сметката беше двојно поголема, веројатно ќе ја платеше за да ја избегне неволјата. Беше прилично лудо. Мило ми е што не се скаравме бидејќи можеше да заврши полошо за нас“ – заклучи таа.

Парот три недели го поминал медениот месец патувајќи низ Европа и тврдат дека никаде не сретнале толку високи цени.

„Бевме шокирани, особено затоа што имавме навистина добри оброци во Италија. Во просек потрошивме околу 120 евра за целосна вечера со неколку коктели и мезе. Подготвени сме да потрошиме кога е оправдано, но ова време не беше. За среќа, имавме пари“ – рече таа.

Споменатиот ресторан „DC Oyster“, кој се наоѓа на плажата „Платис Гиалос“ веќе има „лоша репутација“, а ни критиките на „TripAdvisor“ не му одат во прилог. Корисниците најчесто пишуваат дека треба да се избегнува.

Од друга страна, сопственикот на локалот, извесен Димитриос Каламарас објасни дека има работа со „инфлуенсери кои се обидуваат да добијат бесплатен оброк“.

„Разбирам дека некои луѓе чувствуваат дека нашите цени се надвор од нивниот буџет и целосно го почитувам нивното мислење дури и ако не ја ценат вредноста на нашата услуга, кујна, концепт и искуство. Но „нема нормален возрасен човек“ кој би нарачал пијалок без да видиме колку чини“ вели тој.

Каламарас вели дека клиентите треба да го прашаат менаџерот пред да нарачаат да дознаат колку чини секое јадење и рече дека не размислува да му објасни што има на менито на секој што ќе влезе низ вратата.

Регион

Кој е човекот што го застрела убиецот во Цетиње? Веќе му се судело за убиство?

Објавено пред

Ненад Калуѓеровиќ, за кој се верува дека вчера попладне испукал смртоносен куршум кон убиецот од Цетиње, Вук Бориловиќ, има богата и бизарна биографија, чии најинтересни детали се во 2006 година и уште едно злосторство кое ја потресе земјата таа година Цетиње, пишува српски „Блиц“.

dobivaj vesti na viber

„Блиц“ потсетува дека на 13 август 2006 година – речиси 16 години од крвавата пресметка со Бориловиќ – околу 22:00 часот на улицата Бајова во Цетиње, пред ресторанот Амбасадор, бил убиен Жељко Јовановиќ. Како што соопштила тогаш полицијата, според медиумот, осомничен за убиството бил Ненад Калуѓеровиќ, по кого била распишана потерница.

Истиот Ненад Калуѓеровиќ вчера повторно се најде во центарот на вниманието на јавноста. Според црногорскиот портал „Стандард“, Калуѓеровиќ по убиството на Бориловиќ побегнал, а полицијата преговара со него за да се предаде.

Полицијата соопшти дека од неговиот куршум бил погоден и Бориловиќ, но дека не знаат кој бил фатален. Кој го испукал смртоносниот истрел во Бориловиќ ќе покаже само извештајот од обдукцијата, пишува во извештаите од тамошните медиуми.

Калуѓеровиќ и една од жртвите на Бориловиќ, Митар Митровиќ, биле кумови. А Митровиќ му бил кум и на Милош Мартиновиќ, чија сопруга и двете деца Бориловиќ прв ги убил.

Тој бил во бегство две години.

Како што објавија медиумите во 2006 година по убиството на Јовановиќ, семејството на убиениот Жељко Јовановиќ во писма до црногорските власти тврдело дека на Калуѓеровиќ по убиството му било дозволено да избега, дека цетинската полиција воопшто не го блокирала градот и дека МУП практично не го барал.

На семејството Јовановиќ му одговорил лично Филип Вујановиќ, тогашниот претседател на Црна Гора, кој во јуни 2008 година ги информирал дека по Ненад Калуѓеровиќ е распишана локална, национална и меѓународна потерница преку Интерпол во Подгорица и дека оперативните податоци на полицијата укажуваат дека некогаш престојувал во Босна и Херцеговина, а сега до сега бил во Русија, пишуваат медиумите.

По две години во бегство, Калуѓеровиќ се предал, пишува „Монитор“. На судењето тој изјавил дека не е виновен и дека не го убил Јовановиќ. Рекол дека избегал бидејќи претходно бил невин во притвор, па не сакал тоа да се повтори.

Во 2010 година, Калуѓеровиќ бил осуден на 10 години затвор за убиството на Јовановиќ. Седум месеци подоцна, тој бил ослободен на повторното судење.

Потоа, Калуѓеровиќ не бил споменуван во медиумите околу 10 години, се до септември минатата година кога бил уапсен под сомнение дека сторил кривично дело тероризам бидејќи бил дел од група која се обидела да го спречи устоличувањето на митрополитот Јоаники во Цетиње, пишуваат медиумите во регионот.

Прикажи повеќе...

Европа

Захарова: Протерувањето на дипломат од Црна Гора – хибридна кампања на Западот

Објавено пред

Москва го смета протерувањето на рускиот дипломат од Црна Гора како нова епизода од хибридната кампања што Западот ја започна против Русија, изјави денеска портпаролката на Министерството за надворешни работи Марија Захарова.

dobivaj vesti na viber

„Тој чин на црногорските власти го доживуваме како уште една епизода од хибридната кампања на Западот и неговите послушници против Русија“, рече Захарова, пренесе ТАСС.

Според неа, Русија овој потег го доживува како неподготвеност и неспособност на официјална Подгорица да се оддалечи од политиката на механичко следење на деструктивната линија на штета на меѓународната безбедност и на сопствените национални интереси.

Захарова посочи дека Москва го задржува правото да преземе мерки во согласност со општо прифатената дипломатска практика.

Руското Министерство за надворешни работи вчера соопшти дека Русија ќе возврати за протерувањето на уште еден руски дипломат од Црна Гора.

Црногорското Министерство за надворешни работи претходно соопшти дека дипломат на руската амбасада во Црна Гора е прогласен за персона нон грата, пренесе РТЦГ.

Во соопштението се прецизира дека рускиот дипломат е прогласен за непожелна личност „поради активности кои се во спротивност со членот 9 од Виенската конвенција за дипломатски односи“.

Официјална нота за оваа одлука, во која е наведен рок од седум дена за напуштање на територијата на Црна Гора, е доставена до амбасадорот на Руската Федерација, Владислав Маслеников, се вели во соопштението.

Прикажи повеќе...

Регион

(Видео) Големо невреме во Далмација, делови од Сплит под вода

Објавено пред

Силно невреме зафати делови од соседна Хрватска.

dobivaj vesti na viber

Циклон се движи преку Јадранот, а најголем дел од врнежите во раните попладневни часови ја погодија централна Далмација.

Локално наврнале над 30 литри дожд пренесуваат медиумите.

Првиот силен дожд ова лето го зафати и Сплит. Големите врнежи за кратко време предизвикале порои во дел од градот.

Поројниот дожд на повеќе места го оштетил или го кренал асфалтот.

За возачите е издадено предупредување за внимателност.

Прикажи повеќе...

Најново

Европа1 минута

Ердоган: Нема да дозволиме терористите да дишат внатре, но и надвор од нашите граници

Турскиот претседател Реџеп Таип Ердоган изјави дека оваа земја нема да дозволи терористите да дишат во нејзините граници, но не...

Европа11 час

Подољак: Преговори со Русија ќе значат само едно – дека Русија победи

Мировните преговори со Русија ќе значат вистинска загуба на Украина, Европа и демократските вредности, изјавил Михаил Подољак, шеф на кабинетот...

Европа14 часа

Кисинџер: САД се на работ на војна со Русија и Кина по одредени прашања

Поранешниот американски државен секретар Хенри Кисинџер смета дека САД се „на работ на војна“ со Москва и Пекинг, „поради прашања“...

Македонија15 часа

ДУИ: Охридскиот мировен договор ја спаси земјата од идеологиите на уништување и омраза

Демократската унија за интеграција по повод 21-годишнината од потпишувањето на Охридскиот мировен договор, оценува дека тој правен акт кој утврди...

Топ15 часа

Скопјанец пукал со пиштол поради сообраќајна расправија па побегнал

Вчера во 11.40 часот во Полициска станица Бит Пазар е пријавено дека во близина на трговски центар на подрачјето на...

Регион17 часа

„Стандард“: Полицијата преговара со Ненад Калуѓеровиќ да се предаде

Според неофицијални информации, наводно се водат преговори меѓу Ненад Калуѓеровиќ и полицијата за да се предаде, бидејќи тој го напуштил...

Економија18 часа

(Видео) Ковачевски: е.GO е инвестиција од 130 милиони евра и 890 нови добро платени работни места

Македонската Влада застапувана и претставувана од Дирекцијата за технолошки индустриски развојни зони и „НЕКСТ.Е.ГО МОБИЛЕ“, денеска во ТИРЗ Тетово потпишаа...

Македонија22 часа

Пендаровски: Клучните придобивки од Рамковниот договор беа зачувување на суверенитетот и на територијалниот интегритет

  Претседателот Стево Пендаровски, по повод одбележувањето 21 година од потпишувањето на Охридскиот рамковен договор со порака: „Пред 21 година,...

Регион23 часа

Ненад Калуѓеровиќ спречил уште пострашно сценарио на Цетиње, тој е убиецот на Вук Бориловиќ

„Новости“ дознава дека убиецот Вук Бориловиќ, кој вчера изврши незапамтен масакр во Цетиње (Црна Гора) немал криминално минато, а бил...

Европа24 часа

Зеленски за визите за Русите: Европа не смее да стане супермаркет во кој не е важно кој влегува

Украинскиот претседател Володимир Зеленски уште еднаш апелираше до земјите-членки на Европската унија да не им даваат визи на граѓаните на...

Македонија24 часа

Дваесет и една година од потпишувањето на Рамковниот договор

На денешен ден во 2001 година беше потпишан Охридскиот рамковен договор, во претседателската резиденција на Водно во Скопје од страна...

Свет1 ден

Писателот Салман Ружди е опериран, не може да зборува и најверојатно ќе го загуби окото

Британскиот писател со индиско потекло Салман Ружди (75) , кој повеќепати беше избоден со нож во вратот и стомакот од...

Македонија1 ден

Пациентот од Кичево суспектен на мајмунски сипаници има негативен брис

Министерството за здравство вечерва информираше дека од Институтот за јавно здравје се информирани дека е завршено испитувањето на брисот земен...

Македонија1 ден

Скопје ја повлече согласноста за почесен конзул на Русија во Битола

Северна Македонија официјално ја извести Русија дека ја повлекува согласноста за формирање Канцеларија на почесниот конзул на Русија во градот...

Регион2 дена

(Видео) Масакр во Цетиње, по семеен конфликт убил 11 луѓе, пукал и во деца

Во населбата Медовина во црногорскиот град Цетиње, во близина на Владата, денеска околу 16 часот загинаа 11 лица, а шестмина...

Европа2 дена

Кличко со критики за Шолц за издавањето визи на Русите

Градоначалникот на Киев, Виталиј Кличко го критикуваше германскиот канцелар Олаф Шолц поради неговото одбивање да престане да издава визи за...

Економија2 дена

Во јавните згради во Германија ќе се дозволи греење до максимални 19 степени Целзиусови

Германскиот министер за економија Роберт Хабек денеска најави нови регулативи кои ќе се однесуваат на заштеда на енергија поради страв...

Свет2 дена

Пекинг ја предупреди Америка: Борбата против повеќе од 1,4 милијарда Кинези нема да заврши добро

Бoрбата на Соединетите Американски Држави против повеќе од 1,4 милијарда Кинези нема да заврши добро, изјави кинескиот министер за надворешни...

Македонија2 дена

Ќучук: Преговорите на Северна Македонија со ЕУ ќе почнат по завршување на скринингот

Процесот на преговори меѓу ЕУ и Република Северна Македонија сè уште не е почнат бидејќи се чека да заврши скринингот,...

Македонија2 дена

(Видео) Стојаноска: Како и со Ковид-19, така и со мајмунските сипаници власта се однесува неодговорно

Во Македонија, со власта на СДСМ и ДУИ, се случува тотален распад на системот. Земјава, од сите земји во регионот,...