Свет
ММФ му испратил 350 милиони долари на Мјанмар неколку дена пред воениот удар

Меѓународниот монетарен фонд (ММФ) минатата недела испратил 350 милиони долари во готово до владата на Мјанмар како дел од пакетот за итна помош за да ѝ помогне на земјата да се справи со пандемијата на Ковид-19, изјави портпаролот на ММФ за „Ројтерс“.
Парите биле испратени неколку дена пред државната советничка на Мјанмар, Аунг Сан Су Кји, и други високи личности од владејачката Национална лига за демократија да бидат уапсени во рација во раните утрински часови во понеделникот во главниот град Најпитава.
„Ројтерс“ цитира неименувани извори дека ММФ ме може да стори многу за да ги врати средствата за итна помош.
ММФ претходно изрази надеж дека парите ќе му помогнат на Мјанмар да ги намири итните потреби што произлегуваат од пандемијата на Ковид-19, особено мерките, за да се обезбеди макроекономска и финансиска стабилност, истовремено поддржувајќи ги погодените сектори и ранливите групи.
Портпарол на ММФ посочи дека тие внимателно го следат развојот на настаните во Мјанмар и дека се длабоко загрижени за влијанието на настаните врз економијата и врз луѓето на оваа нација.
Забелешките доаѓаат во момент кога војската на земјата објави формирање државен административен совет, со кој ќе раководи генералот Мин Аунг Хлаинг, пишува „Мјанмар тајмс“.
Весникот пишува дека советот е создаден во согласност со Дел 419 од Уставот од 2008 година, кој предвидува врховен командант на Одбранбените служби, кому му е пренесена суверена моќ да има право да ги извршува овластувањата на законодавниот дом, извршната и судската власт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Ве молам вакцинирајте се

Српскиот претседател Александар Вучиќ вечерва на прес-конференција истакна дека е важно што повеќе луѓе во Србија да бидат вакцинирани. Тој ги повика граѓаните да се вакцинираат.
„ Имаме и ќе имаме вакцини. Ве молам, како Бог, вакцинирајте се, не слушајте приказни за неодговорни луѓе. Тие го прават тоа за свое добро со цел да си ги наполнат џебовите. Вакцинацијата ја одредува и економската иднина на Србија. Но, јас ќе се вратам на спасување на животите на нашите луѓе, особено на старите лица. Се разбира, и помладите умираат, но тоа е ретко”, нагласи српскиот претседател.
Вучиќ рече дека 95% од случаите на луѓе кои умираат биле на возраст од 57 и 58 години. Тој побара да се вакцинираат старите лица и изјави дека најмалку вакцинирани има во општините Тутин, Мерошина, Бабужница и Чагубица, каде биле вакцинирани од 9,5 до 12 проценти.
Најави дека најмалку милион и пол вакцини ќе пристигнат во април во Србија. Тој додаде дека повеќето луѓе се вакцинирани во богатите општини, и дека тој и премиерката Ана Брнабиќ ќе патуваат кај нив за да ги мотивираат луѓето да се вакцинираат.
„ Ќе одам на некои места, ќе одам кога ќе поминеме милион ревакцинирани, ќе одам да се вакцинирам во Чагубица или Мерошин за да ги замолам луѓето да се вакцинираат“, рече тој.
Вучиќ нагласи дека ако не била извршена вакцинацијата, тогаш ќе имало 10 и 13.000 заразени на дневна основа, само благодарение на ревакцинацијата, успеале да ги држат броевите под контрола.
Свет
Русија во разговори со СЗО за итна употреба на вакцината „спутник В“

Рускиот министер за здравство Михаил Мурашко денеска разговараше со генералниот директор на СЗО за барањето на Русија за итно одобрување за употреба на вакцината „спутник В“.
„ За време на разговорите, тие се осврнаа на начините за борба против ширењето на новиот коронавирус, вклучително и вакцинирање на населението, за подобрување на јавното здравје и зголемување на достапноста на медицинска нега“ се наведува во соопштението на руското Министерство за здравство, пренесува ТАС С.
Рускиот министер за здравство го извести шефот на Светската здравствена организација, Тедрос Гебрејесус, за акцијата за вакцинација во Русија.
„ До денес, милиони граѓани ја примија вакцината „спутник В“. Вакцината развива трајни антитела и клеточен имунолошки одговор на патогенот
Ковид-19, но нема негативни несакани ефекти. Всушност, вакцината стана светски бестселер“, рече Мурашко.
Покрај тоа, Мурашко и Гебрејезус разговарале за проекти изработени од руското Министерство за здравство, кои имаат за цел да го подобрат јавното здравство и да ја зголемат достапноста на здравствената заштита во земјата.
„ Генералниот директор на СЗО ги пофали напорите на Русија да воведе дигитална технологија во здравствениот систем во фази, што ја поедноставува комуникацијата на пациентот со медицинскиот персонал и во моментов ја подобрува ефикасноста на последователната нега“, соопшти руското Министерство за здравство.
Свет
Убиен главниот обвинител на Авганистан, бомбаш-самоубиец со возило удри во неговиот автомобил

Бомбаш-самоубиец со автомобил денеска во Авганистан го уби главниот обвинител на државната управа за разузнавачки работи, Сајед Махмуд Агу.
Атентаторот, со автомобил полн со експлозив, удрил во колона возила во кои се наоѓал обвинителот, на пат кон неговата канцеларија во јужниот авганистански град Лашкаргах, убивајќи го обвинителот, неговиот телохранител, осум придружници и ранувајќи уште двајца цивили, рече шефот на советот на провинцијата Хелманд, Атаулах Авган.
Досега никој не презеде одговорност за овој атентатот.
За неколку претходни атентати одговорност презеде терористичката група Исламска држав, но за поголем број напади никој не презел одговорност, а владата во Кабул ги обвинува талибанците.
Во исто време, мировните разговори меѓу талибанските делегации и авганистанската влада продолжија во главниот град на Катар, Доха, со посредство на САД.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа2 недели
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер
- Економија3 недели
Сите брендови на Индитекс доаѓаат во „Ист гејт мол“