Европа
„Морало да си ги загреат рацете да не ја разбудат, не смееле да си стават парфем“: хорор-детали од судењето на 51 маж за силување жена
Дури десет години 71-годишниот Доминик П. ја подведувал својата сопруга Жизела (72) и дозволувал десетици непознати мажи да ја силуваат во брачниот кревет откога ќе ја дрогирал. На вкупно 51 наводен силувач, заедно со нејзиниот сопруг, им се суди во Авињон, Франција. Секој од нив се соочува со 20 години затвор.
На првиот ден од судењето јавниот обвинител и дел од 60-те бранители сакаа да ја исклучат јавноста: се работеше за екстремно насилство. Но, адвокатот на Жизела П. во нејзино име го одби тоа.
„Таа сака сите да знаат низ што поминала“, рече тој по што судот одлучи судењето да биде отворено за јавноста.
Перверзните фантазии на пензионерот од Мазан, заедница од 6.200 жители на југот на Франција, кои ги извршил врз својата беспомошна сопруга, сега ќе бидат испитани во текот на 69-дневното судење.
WARNING, GRAPHIC CONTENT: The alleged victim Gisele P, 72, waived her anonimity and appeared in court for the first time as Dominique P, 71, is accused of orcherstrating a horrifying rape ringhttps://t.co/0uJAbOWRbg pic.twitter.com/JEgaQfEIPX
— Daily Star (@dailystar) September 2, 2024
Според весникот „Либерасион“, Доминик П. наводно разговарал со доктор за овие болни фантазии во текот на истрагата.
Во почетокот Доминик П. ја дрогирал сопругата со апчиња за спиење за да може да ја малтретира со одредени сексуални практики, што таа ги одбила. Потоа открил дека ужива кога гледа како некој друг ја допира неговата сопруга.
Користел интернет-форуми за да покани непознати во нивната спална соба за да ја силуваат неговата сопруга. Некои го направиле тоа еднаш, некои повеќепати. Не смееле да се паркираат пред куќата, да си стават парфем или да пушат за да не забележат соседите и сопругата.
Но, постојаната анестезија што пензионерот ѝ ја давал на сопругата, најчесто со помош на седативи, не поминала без последици.
„Едно утро се разбуди во паника со нова фризура не разбирајќи како е тоа можно“, рекол Стефан Бабоно, адвокатот на Жизела П., пренесоа француските медиуми.
Таа отишла кај својот фризер, кој со целосна згрозеност ѝ одговорил дека таа била кај него вчера. Жизела не се сеќаваше на тоа.
Man accused of recruiting dozens of strangers to rape his wifehttps://t.co/8DE7pNADRx
— jahbalon (@Jahbalon) September 2, 2024
Во текот на 10 години посетувала неколку лекари, секогаш придружувана од својот сопруг, кој губењето на свеста и затемнувањето секогаш ги објаснувал како знак на стрес. Роднините дури се плашеле дека Жизела ги покажува првите знаци на деменција.
Нејзиниот сопруг на крајот бил осуден откога снимал жени во супермаркет. Полицијата потоа погледнала во неговиот компјутер и открила дека Доминик ги снимал силувањата на сопругата и внимателно ги категоризирал видеата на својот компјутер. Ова им овозможи на истражителите да докажат 92 злосторства и да идентификуваат 51 осомничен. Сега им се суди на сите заедно.
Двајцата беа пар 50 години. Жизела поднесе барање за развод и сега се соочува со своите силувачи во судницата.
Се викаат Пол, Џозеф, Патрик… Тие се пожарникар, бизнисмен, водоинсталатер. 51 претежно обични мажи, на возраст од 21 до 68 години, осомничени за силување на истата жена.
Пред силувањето морале да си ги загреат рацете во топла вода за жртвата да не се разбуди.
Многумина од осомничените се во брак, татковци, само неколкумина се со претходни пресуди. Некои од обвинетите рекоа дека мислеле оти тоа е игра, дека жената сакала така да се случи. Сопругот Доминик го негира тоа тврдејќи дека секој посетител знаел дека неговата сопруга се дрогира.
Судењето ќе трае 69 дена, а пресудата се очекува во декември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Герасимов: Во јануари окупиравме 300 квадратни километри во Украина
Руските сили зазедоа повеќе од 300 квадратни километри украинска територија во првата половина на јануари, изјави началникот на рускиот Генералштаб, Валериј Герасимов. Русија соопшти дека минатата година зазела 6.640 квадратни километри во Украина.
Украинскиот парламент во среда го назначи младиот технократ Михаил Федоров за министер за одбрана, додека владата се стреми да ги поттикне иновациите за да ја зајакне војската за време на тешката фаза од речиси четиригодишната војна.
Претседателот Володимир Зеленски изјави дека му наредил на 34-годишниот Федоров да спроведе брзи одлуки за заштита на украинското небо, зајакнување на линиите за снабдување на фронтот и воведување други технолошки решенија за запирање на руското напредување.
Исцрпената украинска армија е побројна и пооружена на фронтовските линии откако започна руската инвазија во февруари 2022 година. Руските сили бавно напредуваат во источниот регион Донецк и се обидуваат да ги пробијат одбранбените линии на југ и североисток.
Бидејќи дипломатските напори за завршување на војната не даваат опипливи резултати, Киев се соочува со потребата да ги зајакне своите вооружени сили, кои бројат околу милион припадници.
Европа
Поранешен руски заменик-министер пронајден мртов: „До телото пронајдено оружје“
Поранешниот руски заменик-министер за труд и социјална заштита Алексеј Скљар изврши самоубиство, објави „Московски комсомолец“. Според весникот, телото на поранешниот функционер е пронајдено во неговиот дом во селото Поповка, во областа Филимонковски. Веста ја објави и руската државна новинска агенција ТАСС.
„Московски комсомолец“ објавува дека пред смртта, Скљар оставил проштална порака на социјалните мрежи во која изјавил дека сè е вина на неговата сопруга. Итните служби пристигнале на местото на настанот и забележале дека вратата од домот на Скљар е отворена.
Неговото тело било веднаш на влезот. Во близина на телото е пронајден пиштол.
Алексеј Скљар бил заменик-министер за труд од 2018 до 2022 година. Тој бил одговорен за развој на информациски системи и обезбедување на владини услуги по електронски пат. Пред тоа, тој работеше во канцеларијата Краснодар на Федералното министерство за финансии од 2002 до 2013 година, а потоа во Сметководствената комора на Руската Федерација од 2013 до 2018 година.
Европа
Поларен студ се очекува во Европа кон крајот на јануари
После декември со претежно стандардно време, јануари донесе студ и снег. Значителен дел од Европа моментално е под снежна покривка, што создава услови за развој на ладен континентален антициклон и продолжување на зимските услови.
Во исто време, се развива голем сибирски антициклон, кој би можел да насочи многу студен, можеби поларен, воздух кон југ кон крајот на месецот. Влијанието на атлантските циклони е ослабено и не се очекуваат долготрајни јужни ветрови во блиска иднина, пишува IstraMet.
Прогнозите укажуваат на постепен развој на нова зимска ситуација. Веќе во недела, температурите на воздухот ќе се спуштат на просечни нивоа за ова време од годината. Ова ќе биде и вовед во период на постабилно и посончево време, со утрински минус температури и пријатни дневни температури. Не се очекуваат поголеми метеоролошки нарушувања во наредните денови.
Позначајна промена е можна кон крајот на јануари, под влијание на постојан сибирски антициклон. Таквиот развој на синоптичката ситуација би можел да го помести поларниот воздух подалеку на југ, можеби дури до Медитеранот, при што дел од тој воздух ќе стигне до нашиот регион. Сè уште е прерано да се прават подетални прогнози.
Путин: Светот станува поопасен, ситуацијата на меѓународната сцена се влошува
Рускиот претседател Владимир Путин денес изјави дека меѓународната ситуација се влошила и дека светот станува поопасен, но не ја спомена...
Претреси на повеќе локации поради сомнежи за даночна измама од поголеми размери
Од попладнево, под раководство на јавен обвинител од Основно јавно обвинителство за гонење на организиран криминал и корупција (ОЈО ГОКК),...
Поддршка за новиот закон, пасивното пушење е докажана причина за сериозни болести, велат од Институтот за медицина на трудот
Институтот за медицина на трудот на РСМ, СЗО Колаборативен центар, како водечка јавно-здравствена установа во оваа област, изразува целосна и...
ИЈЗ: Нема потреба од продолжување на зимскиот распуст, грипот на ниво на средна активност
Во втората недела од 2026 година, состојбата со грипот во земјава се наоѓа на ниво на средна активност, со зголемен...
Муцунски: Одлуката на САД не значи крај за туристичките визи и „Ворк енд травел“ програмата
Министерот за надворешни работи, Тимчо Муцунски, појасни што значи одлуката на САД за стопирање на процесот на издавање на визи....
Двомесечно бебе почина во болницата во Кавадарци, телото е предадено на обдукција
Синоќа во ОВР Кавадарци е пријавено дека околу 21:35 часот на детското одделение во Општа болница Кавадарци починало бебе на...
„За почиста Македонија“ со петиција до Владата: казни и за фрлање отпад од автомобилите преку „Сејф сити“
Организацијата „За почиста Македонија“ собра 1.000 потписи за петицијата со која се бара системот за сообраќајни прекршоци „Сејф сити“ да...
Фирма фатена на дело – нелегално вршела поштенски услуги и криумчарела пратки, Царинската управа поднесе кривична пријава против две лица
Царински инспектори од Одделението за истраги, во координирана акција со МВР, УЈП, Агенцијата за пошти и Државниот пазарен инспекторат, извршија...
Израел и Иран постигнаа таен договор преку Русија
Во услови на високи тензии, Израел и Иран тајно разменија пораки, со посредство на Русија, уверувајќи се едни со други...
Иранско судство: Демонстрантот Ерфан Солтани не е осуден на смрт
Иранското судство ги негираше извештаите дека демонстрантот Ерфан Солтани е осуден на смрт, објавија иранските државни медиуми. Солтани претходно беше...
Егзекуцијата на иранскиот демонстрант Ерфан Солтани е одложена, велат семејството и групата за човекови права
Егзекуцијата на иранскиот демонстрант Ерфан Солтани не е извршена вчера, потврдија член на семејството и Хенгав, група за човекови права...
Неколку земји издадоа предупредувања до своите граѓани веднаш да го напуштат Иран
Неколку земји издадоа предупредувања до своите граѓани да избегнуваат патувања во Иран или веднаш да ја напуштат земјата поради задушувањето...
Трамп: Зеленски е главната пречка за постигнување договор
Американскиот претседател Доналд Трамп во средата изјави дека лидерот на иранската опозиција Реза Пахлави „изгледа многу пристојно“, но изрази неизвесност...
Грипот ја однесе првата жртва: почина 75-годишна жена
Вирусот на грипот ја однесе првата жртва оваа зима. Седумдесет и петгодишна жена починала пред три дена на Клиниката за...
И Македонија на листата на земји во кои САД ја запираат обработката на имигрантски визи, според „Фокс Њуз“
Администрацијата на американскиот претседател Доналд Трамп ја запира обработката на имигрантски визи за апликанти од 75 земји, соопшти во средата...
Филипче: Нема услови за укинување на техничката влада
Претседателот на опозициската СДСМ, Венко Филипче, на прес-конференција изјави дека укинувањето на техничката влада треба да се случи дури кога...
(Видео) Мицкоски: Техничката влада треба да замине во минатото, но ако СДСМ мислат дека е потребна за следните избори, во ред, прифаќаме
Претседателот на Владата, Христијан Мицкоски на прес-конференцијата по завршување на лидерската средба извести дека сите присутни се согласиле дека техничката...
Мој ДДВ не се укинува – налозите за исплата во февруари се подготвуваат, извести УЈП
Управата за јавни приходи ги демантира написите во дел од медиумите дека се укинува мерката „МојДДВ“. „Јасно и недвосмислено истакнуваме...
Загина маж во пожар во стан во Тетово: со изгореници се здобило уште едно лице
Вчера во 19:20 часот во СВР Тетово е пријавено дека на улицата „180“ во Тетово настанал пожар во стан, сопственост...
Oбјавена листата на најмоќните пасоши за 2026 година: Македонија бележи напредок
Азиските земји продолжуваат да доминираат на рангирањето на најмоќните пасоши во светот, според најновиот извештај на „Henley Passport Index“. Сингапур...
