Свет
Мултикултурниот Брисел има 3-4 пати повеќе случаи на туберкулоза од остатокот на Белгија
Според податоците на министрите од Брисел, Алан Марон и Елке ван ден Брант, белгискиот главен град има три до четири пати повеќе нови случаи на туберкулоза од остатокот на земјата, при што особено погодени се барателите на азил, пренесува РТБФ.
Просечната стапка на заболување во Белгија е 8,6 на 100,000 луѓе, но во Брисел стапката е 29,5 случаи на 100. 000лица, при што градот претставува 36 отсто од сите нови случаи на туберкулоза во земјата. Бројките постојано се зголемуваат од 2014 година.
Податоците дојдоа по барање на пратеничката Бјанка Дебет, член на Христијанско-демократската и фламанската партија (ЦД-В), која изјави:
„Секако, урбаниот контекст секогаш го зголемува ризикот од одредени заболувања, но фактот дека една третина од случаите пријавени во Белгија се концентрирани во Брисел е значајна“.
Дебет ја посочи високата застапеност на болеста кај барателите на азил кои живеат во главниот град, велејќи: „Меѓу јули 2017 и мај 2019 година, 45 случаи на туберкулоза биле дијагностицирани кај бегалците во паркот Максимилијан“.
Здравствените професионалци во Европа со години забележуваат дека туберлколозата е вистински проблем кај мигрантското население кое доаѓа во различни земји низ целиот континент.
Во 2015 година д-р Масуд Дара од СЗО изјави дека до 80 отсто од случаите на туберколоза во европските земји биле меѓу мигрантите.
„Мигрантското население, особено ако доаѓа од супсахарските африкански земји каде што стапките на инфекција со туберколоза се прилично високи – во некои држави е дури 1.000 на 100.000 жители – веројатно е носител на оваа болест“, рече тој.
Бидејќи бројот на мигрантите повторно започнува да расте, многумина се плашат дека кај нив не само што ќе има високи стапки на болести како туберкулоза или шуга, туку и ќе бидат носители на коронавирус. Италија забележа десетици нови мигранти позитивни на Ковид-19, што доведува до стравувања од втор бран на епидемија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рускиот амбасадор во Данска го обвини НАТО дека сака да го милитаризира Арктикот
Рускиот амбасадор во Данска го обвини НАТО дека се обидува да го милитаризира Арктикот поради барањата на САД за контрола врз во голема мера автономната територија Гренланд, која е дел од Кралството Данска.
Земјите на НАТО, вклучително и Данска, користат руски или кинески закани за да го прошират своето воено присуство во регионот, изјави амбасадорот Владимир Барбин за руската државна новинска агенција ТАСС.
Барбин рече дека Копенхаген зазема конфронтациски пристап со вклучување на НАТО, што доведува до зголемување на воените тензии на Арктикот.
– Русија нема агресивни планови против своите арктички соседи, не им се заканува со воена акција и не се стреми да ја окупира нивната територија – рече Барбин. Москва претходно предупреди дека сопствените интереси на Русија во Арктикот не треба да се занемаруваат.
Претседателот на САД, Доналд Трамп, врши притисок врз Вашингтон да ја контролира богатата со ресурси данска територија, наведувајќи ги регионалните безбедносни проблеми и перципираните закани од Кина и Русија, анализираат медиумите.
По неуспешните разговори во Вашингтон во средата за решавање на спорот околу Гренланд, земјите од ЕУ, вклучително и Германија, објавија дека ќе испратат трупи на островот во мисија за поддршка на Данска.
Свет
Путин разговараше по телефон со Нетанјаху за ситуацијата на Блискиот Исток
Рускиот претседател Владимир Путин разговараше по телефон со израелскиот премиер Бенјамин Нетанјаху за ситуацијата на Блискиот Исток.
„Беше разговарано за ситуацијата на Блискиот Исток и во Иран. Владимир Путин ги презентираше своите основни пристапи за интензивирање на политичките и дипломатските напори за обезбедување стабилност и безбедност во регионот“, соопшти прес-службата на Кремљ, пренесува РИА Новости.
Како што е наведено, Путин ја потврди подготвеноста на Русија да преземе медијаторски напори за конструктивен дијалог, а двете страни се согласија да продолжат со контактите на различни нивоа, пренесува Танјуг.
Фото: ЕПА
Свет
Италијански метеоролози: Зимата менува брзина, очекувајте „атмосферска револуција“ до крајот на јануари
„Нова атмосферска револуција се очекува кон крајот на јануари и ќе влијае на поголемиот дел од Европа“, најавуваат метеоролозите.
Додека Србија веќе се подготвува за доаѓањето на сибирскиот антициклон, постудено и понестабилно време најавуваат и италијанските метеоролози.
Метеорологот Матија Гусони објави на порталот „iLMeteo“ дека зимата „ја менува брзината“ кон крајот на јануари.
„Нова атмосферска револуција се очекува кон крајот на јануари, со директни последици и за Италија. Вниманието ќе биде особено насочено од 24 до 25 јануари па натаму, кога влегувањето на многу нестабилни и прогресивно постудени воздушни маси од поларно потекло во медитеранскиот басен би можело да доведе до значително влошување на временските услови. Накратко, зимата менува брзина.
Тоа открива дека последиците ќе се манифестираат во зголемена атмосферска нестабилност, широко распространети и локално обилни врнежи, придружени со пад на температурата и посилни ветрови. Сепак, развојот на ситуацијата треба да се следи, „бидејќи малите промени во патеката на воздушните маси можат значително да влијаат на распределбата и интензитетот на овие феномени“.
Тој апелира на внимателност.
„Бидете внимателни, она што се очекува кон крајот на јануари би било вистинска револуција, бидејќи температурите повторно би паднале под просекот, не само во Италија, туку и на поголемиот дел од Стариот континент. Доколку ова се потврди, можеме да очекуваме уште еден многу студен бран, проследен со лошо време: во таква ситуација, покрај дождот, снегот би можел да достигне и многу ниски надморски височини“, забележува тој.

