Свет
Муслиманка го тужи „Старбакс“ – на чашата за кафе, место нејзиното име, напишале ИСИС
Девојка од Минесота на возраст од 19 години ја тужи продавницата „Таргет“ за дискриминација бидејќи вработените на чаша за кафе од „Таргет Старбакс“, место нејзиното име, го напишале зборот ИСИС.
Така, наместо името на девојката од исламска вероисповед, на чашата осамнал натпис со називот на озлогласената терористичка група.
When Aishah went to buy her Starbucks drink at a Target store in Minnesota, she was shocked to receive her cup with “ISIS” written on it. According to @Target this was an “unfortunate mistake” and that the barista “has never heard of ISIS” either. pic.twitter.com/KX6Hluz2V6
— muslim daily ❁ (@BirdsOfJannah) July 7, 2020
Затоа, Ајша одлучила да го пријави случајот во Министерството за човекови права во Минесота, а ќе ја претставува Советот за американско-исламски односи во Минесота, пренесе порталот „Кликс“.
Ајша вели дека се чувствува отфрлена поради нејзините религиозни убедувања кога го видела натписот поврзан со терористите, познати по своите радикални верски убедувања и насилство.
„Кога го видов тоа, бев преплавена од емоции. Се чувствував понижено, тоа е збор што го уништува угледот на муслиманите во светот. Не верувам дека вакво нешто е прифатливо денеска“, рече Ајша.
Инцидентот се случил на 1 јули, а покрај хиџабот, таа носела и заштитна маска поради пандемијата на коронавирусот. Таа го повторила своето име на вработената во „Таргет Старбакс“ неколкупати.
„Кога таа ме праша за името, јас полека го изговорив неколкупати. Невозможно е да слушнала ИСИС. Ајша не е непознато име, а го повторував и неколкупати“, рекла девојката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Од строго чуван затвор во Португалија побегнаа петмина затвореници
Петмина затвореници, меѓу кои еден Британец, Аргентинец и Грузиец, како и двајца Португалци, побегнаа од строго чуваниот затвор во Вале де Жудеуш, 30 км северно од Лисабон, соопштија португалските власти.
Според португалската затворска служба, мажите на возраст од 33 до 61 година побегнале вчера во 10:00 часот со помош однадвор, користејќи скали за да ја прескокнат затворската ограда. Полицијата веднаш била испратена за да ги пронајде бегалците, соопштија властите.
Двајцата Португалци служеле казни од 25 години за дела поврзани со трговија со дрога, кражби, грабежи и киднапирања. Останатите тројца исто така биле осудени за слични кривични дела.
Затворот Вале де Жудеуш е строго обезбеден и има капацитет од 560 затвореници.
Регион
Легендарниот рокер Бора Чорба погребан со хитот “Погледај дом свој анџеле“
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.