Поранешниот американски претседател Доналд Трамп го прозва својот наследник Џо Бајден за неговата политика кон војната во Украина. Трамп порача дека тој би преговарал со Русите и дека мировниот договор ќе биде потпишан во рок од 24 часа.

„Џо Бајден преку слабост и неспособност нè доведе до работ на третата светска војна. Добро ме слушнавте, ние сме на работ на третата светска војна. Кога повторно ќе бидам претседател, ќе го вратам мирот“,  рече Трамп.

Инаку, тој ја започна предизборната кампања откако претходно ја објави кандидатурата за враќање во Белата куќа.

На Трамп неодамна му беше дозволено да се врати на социјалните мрежи Фејсбук и Инстаграм, од кои беше избркан поради инвазијата на неговите приврзаници во Капитол пред две години. Тој веќе можеше да се врати на својот омилен Твитер, бидејќи мрежата ја купи иноваторот и мултимилијардер Илон Маск.

Според локалните власти, три лица загинале, а пет се повредени по руското гранатирање на Херсон.

Регионалната воена управа на Херсон на својот канал Телеграм објави дека цел на руските сили биле болница, училиште, автобуска станица, пошта, банка и станбени згради.

Се наведува дека има тројца загинати и пет повредени.

Меѓу повредените е и медицинска сестра која работела во регионалната болница, изјави Јури Соболевски, заменик-шеф на Регионалниот совет на Херсон.

На социјалните мрежи се шират страшни слики наводно направени во болница. Една од тие слики покажува уништена соба на пациентот со крвави траги на креветот и многу крв на подот.

И Антон Герашченко, советник на украинското Министерство за внатрешни работи, објави дека Русите ја нападнале болницата во Херсон и сподели слики на социјалните мрежи.

Russia continues shelling Kherson. This time it attacked a hospital. There are dead and wounded, their number is being verified.

Terrorist state continues attacking civilians . pic.twitter.com/sGta6oPqDj

— Anton Gerashchenko (@Gerashchenko_en) January 29, 2023

Разорните поплави во Нов Зеланд продолжија и денес по обилните дождови што ја зафатија земјата, кои предизвикаа лизгање на земјиштето, поројни поплави и уривање на патишта.

Окленд, најголемиот град во Нов Зеланд со 1,6 милиони жители, остана во вонредна состојба откако во петокот го погодија невидени врнежи, предизвикувајќи поплави во кои досега загинаа четири лица, објавин „Би-би-си“.

Оттогаш, фокусната точка на вонредната состојба се пресели на југот на земјата.

Округот Ваитомо, кој се наоѓа на околу 220 километри од Окленд, доцна синоќа прогласи вонредна состојба.

Метеоролозите не се оптимисти и тврдат дека лошите временски услови околу Окленд ќе траат до вторник, 31 јануари, се вели во соопштението на метеоролошката служба Метсервис.