Контакт

Европа

НАТО и ЕУ го рестартираат дијалогот со Ердоган

Објавено пред

Турскиот претседател, Реџеп Таип Ердоган, денеска во Брисел ја повика Европската Унија да помогне повеќе во грижата за бегалците од Сирија кога некои официјални претставници на ЕУ го обвинија за уцена зашто ги пушти бегалците oд турската почва да се упатат кон Европа, пренесува агенцијата АП.

Илјадници бегалци се наоѓаат на границите на Турција и земјата членка на ЕУ, Грција, бидејќи владата на Ердоган соопшти дека повеќе нема да ги спречува во нивниот пат кон Западна Европа.

Во Турција има повеќе од 3,5 милиони бегалци од Сирија.

Членките на ЕУ ја поддржаа Грција, која како и Турција е членка на НАТО, велејќи дека земјата е штит на границите на Европа.

„Надвор од разумот и поимањето е сосед и сојузничка земја да нè означи како причина за неконтролирана миграција“, рече Ердоган пред новинарите во Брисел по разговарот со генералниот секретар на НАТО, Јенс Столтенберг.

Ердоган претходно ја обвини ЕУ дека не ги исполнила своите обврски, особено финансиските, од договорот од 2016 година за запирање бранот бегалци што сакаа да стигнат во Европа.

По состанокот со Столтенберг, Ердоган се состана со претседателот на Европскиот совет, Чарлс Мишел, и со претседателката на Европската комисија, Урсула фон дер Лаен, на разговори за спроведувањето на договорот од 2016 година.

Договорот предвидуваше Турција да го спречи приливот на мигранти и бегалци за чија грижа би добила шест милијарди евра, забрзување на преговорите за членство во ЕУ и укинување на визите за турските државјани.

Мишел им рече на новинарите дека Турција и ЕУ имаат различни ставови за разни прашања и оти затоа е важно да се има чесен и отворен дијалог.

„За нас е важно договорот да се спроведе“, нагласи Мишел.

Тој додаде дека, покрај прашањето за мигрантите, важно е ЕУ да го разгледа со Турција развојот на ситуацијата во Сирија за да се утврди како Унијата би можела политички да помогне и да придонесе за стабилноста на целиот регион.

Урсула фон дер Лаен рече дека средбата со Ердоган претставува рестартирање на дијалогот.

 

 

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Во Шкотска рекорден број на новозаболeни, забранета посета на туѓи домови

Објавено пред

Во Шкотска, во последните 24 часа се пријавени нови 486 случаи на коронавирус, што е најголем дневен број на нови инфекции од почетокот на пандемијата.

Шкотската премиерка Никола Старџен рече дека овие бројки се загрижувачки и нагласи дека токму поради оваа причина се воведени нови мерки на ограничување. Таа истакна дека сега се тестираат многу повеќе луѓе отколку на врвот на пандемијата на почетокот на годината, пишува Би-би-си.

На жителите на Шкотска од денес им е забрането да посетуваат туѓи домови.

Прикажи повеќе...

Европа

Повеќе од 800 полицајци извршија рација во 60 згради и домови во Германија

Објавено пред

Повеќе од 800 полицајци извршија рација во 60 згради и домови во пет сојузни држави. Оваа огромна координирана рација е извршена како дел од истрагата за криумчарење странци кои работат во германската индустрија за пакување месо, пренесува „Политико“.

Рациите, рече полицијата, биле насочени кон структура изградена од неколку агенции за привремено вработување. Се проценува дека најмалку 82 лица биле шверцувани во Германија на тој начин во последните шест месеци.

Во полициското соопштение се вели дека се откриени повеќе од 20 лица осомничени дека работеле илегално со помош на фалсификувани документи, а некои лажно се претставувале како студенти.

Шефот на полицијата, Роми Теве, рече дека употребата на фалсификувани документи е широко распространета во централна Германија, при што странските работници се сурово експлоатирани.

„Федералната полиција и судските органи на Саксонија преземаат решителни мерки против ова“, додаде Теве.

Во средиштето на истрагата се 10 осомничени на возраст од 41 до 56 години. Тоа се Полјаци, Германци и Украинци, објави полицијата.

Состојбите во германската месна индустрија го привлекоа вниманието на јавноста во јуни, кога беше откриено дека повеќе од 1.500 работници биле заразени со коронавирус во една ваква фабрика во Гутерсло, што, пак, резултирало со локдаун на локално ниво.

Затоа, од 1 јануари следната година, ќе стапи на сила нов закон со кој построго се регулираат безбедносните и здравствените услови во индустријата за преработка и пакување месо, наведува „Политико“.

Прикажи повеќе...

Европа

„Луфтханза“ ќе им понуди на патниците брзи тестови за коронавирус

Објавено пред

Германската авиокомпанија „Луфтханза“ планира да им понуди на патниците брзи тестови на Ковид-19 од октомври и размислува да отвори тест-центри на аеродромите во САД и Канада.

Одлуката временски се совпадна со предлозите на авиокомпаниите и аеродромите до владите ширум светот  негативните резултати на патниците на Ковид-19 да бидат алтернатива на ограничувањата за патување и карантините што ја погодија побарувачката за патувања.

Авиопревозниците во голема мера ја поддржаа употребата на тестови со полимеразна верижна реакција (ПЦР), за кои се потребни неколку часа за обработка, па нивното здружение ИАТА предложи тестови за антигени за кои не е потребна лабораторија, а резултатите обично се добиваат за 15 минути.

Администрацијата за храна и лекови на САД неодамна го одобри BinaxNOW, развиен од лабораториите Абот. Станува збор за уред за еднократна употреба со големина на кредитна картичка, кој чини пет долари.

„Знаете дека компании како ’Абот’ и ’Рош’ продаваат вакви тестови и ние дефинитивно ја истражуваме таа можност“, рече Бјерн Бекер, директор на групацијата за управување со производи, аеродроми и дигитални услуги на „Луфтханза“, најавувајќи дека ќе им ги понуди на патниците во октомври.

Тој кажа дека „Луфтханза“ размислува во почетната фаза да им понуди нови тестови за антиген на патниците од прва и бизнис-класа, со оглед на ограниченото снабдување.

Компанијата исто така бара начини да ја прошири својата мрежа на тест-центри на аеродромите во САД и Канада, бидејќи тоа се важни пазари за неа, додаде Бекер.

Прикажи повеќе...

Најново

Свет2 минути

Фаучи: Нормален живот на крајот на наредната година

Во Италија расте бројот на заразени со Ковид-19, па во последните 24 часа откриени се 1.670 нови случаи на инфекција,...

Свет10 часа

Уапсен германски лекар кој снимил силување на пациентка

Уапсен е болнички лекар од евангелистичката клиника „Бетел“ во Билефелд под сомнение дека им давал седативи на жени што доаѓале...

Македонија10 часа

(Видео) Мицкоски: Бараме да предложиме независен јавен обвинител за борба против мафијата

„Правдата во Македонија е нападната. Селективната правда денеска во Македонија е неправда. Имаме невини луѓе во затвори, луѓе што страдаат...

Свет11 час

Нов Зеланд укина поголем дел од рестрикциите против пандемијата

Маските за лице повеќе не се задолжителни во поголем дел од Нов Зеланд бидејќи случаите на Ковид-19 продолжуваат да опаѓаат....

Свет14 часа

(Видео) Евакуирана Ајфеловата кула поради закана за бомба

Ајфеловата кула во Париз е евакуирана поради телефонски повик дека е поставена бомба, а целата област околу обележјето е блокирана....

Свет14 часа

Хајко Мас во карантин

Германскиот министер за надворешни работи, Хајко Мас, од денеска е во карантин по утврдувањето дека еден од неговите телохранители има...

Македонија14 часа

Владата даде согласност – во 169 училишта може да има настава со физичко присуство

Владата на својата 5. седница, одржана на 22 септември, го усвои и извештајот за работата на Комисијата за разгледување поднесени...

Македонија15 часа

(Видео) Пендаровски: Овој вител на кризи и закани генерира страв, потребна е солидарност меѓу државите

„Чест ми што имам можност првпат да се обратам од името на Република Северна Македонија на овој глобален форум, кој...

Македонија16 часа

Нови 183 заболени и петмина починати од Ковид-19 во земјава

Министерството за здравство информира дека во последните 24 часа се направени 1.769 тестирања, а регистрирани се 183 нови случаи на...

Македонија16 часа

Спотовите на ВМРО-ДПМНЕ со ликот на Русковска предизвикале болка и анксиозност кај обвинителката

Изборните спотови со ликот на Вилма Русковска кои се емитуваа по нарачка на ВМРО-ДПМНЕ предизвикале душевна болка и анксиозност кај...

Регион16 часа

Трите коалиции го поддржаа Кривокапиќ за мандатар на новата влада во Црна Гора

Здравко Кривокапиќ ќе биде мандатар за состав на новата влада во Црна Гора, одлучија пратениците на трите коалиции, пренесуваат црногорските...

Македонија17 часа

Бошковски од Инфективна: „Состојбата ми е подобра, се чувствувам одлично“

Состојбата ми е подобра, се чувствувам одлично, вели лидерот на партијата Обединети за Македонија, Љубе Бошковски, по информацијата дека синоќа...

Македонија17 часа

Поради несослушани сведоци, одбиени докази и толкувани снимки, Миланов смета дека Јанакиески е жртва во „Насилство во Центар“

Ако се суди според казнената политиката не би требало да има ништо повеќе од условни казни, а Миле Јанакиески е...

Свет18 часа

Путин: Во Русија наскоро ќе биде регистрирана уште една вакцина против коронавирус

Рускиот претседател Владимир Путин изјави дека наскоро ќе биде регистрирана втората руска вакцина против коронавирусот. „Наскоро ќе биде регистрирана друга...

Македонија18 часа

Извештај на ИЈЗ: Пораст на бројот на новозаразени и починати за една недела

Согласно извештајот на Институтот за јавно здравје кој се однесува на периодот од 14 до 20 септември, регистрирани се вкупно...

Македонија19 часа

Родителите кои беа ослободени со мерките и хронично болните се враќаат на работа

Од денеска, со одлука на Владата, дел од групите кои целосно беа ослободени од работа поради состојбата со коронавирусот, се...

Македонија19 часа

(Видео) Заев – Гир: За неколку месеци очекуваме успешна завршница на подготовките на преговарачката рамка

Претседателот на Владата, Зоран Заев, денеска го прими новоименуваниот амбасадор на ЕУ во нашата земја, неговата екселенција Дејвид Гир. Тој...

Европа20 часа

Лукашенко ненајавено положи заклетва за претседател

Александар Лукашенко денеска ненадејно и без најава положи заклетва за новиот претседателски мандат, пренесува државната новинска агенција „Белта“. Церемонијата за...

Европа20 часа

Жестоки реакции против новите мерки во Британија, можно е да се вмеша и војската

Новите рестриктивни мерки што ги објави премиерот на Велика Британија, Борис Џонсон, против ширењето на коронавирусот, наидоа на жестоки реакции...

Свет21 час

Jапонска компанија тврди дека има лек кој го скратува времето на закрепнување од Ковид-19

Jапонската компанија „Фуџифилм“ објави дека нејзиниот лек „Авиган“, веќе одобрен за потешките групи, обезбедил статистички значајно намалување на времето за...

Досие