Контакт

Европа

Научник од „Оксфорд“: Вакцината е подготвена, создава имунолошки одговор и може да се почне со вакцинација

Објавено пред

Хрватскиот научник Кристијан Рамадан, професор по молекуларна медицина од „Оксфорд“, откри дека во првата и втората фаза се покажало дека вакцината против короната не е штетна и создава имунолошки одговор.

„Во фаза три бројот на луѓе е проширен на 30.000 со оксфордската вакцина“, изјави Рамадан за ХРТ.

Тој изјави дека и постарите луѓе ќе бидат заштитени.

„Сега чекаме податоци за ефикасноста на вакцината во спречување заболување од Ковид-19. Постојат два параметра што сакаат да ги постигнат со вакцината, а тоа е да заштитат од најтешките форми на болеста и од морталитет“, коментира Рамадан додавајќи дека фазата 3 покажала оти и постарите луѓе даваат имунолошки одговор на вакцината.

„Според сите параметри, вакцината, најверојатно, ќе ја заштити постарата популација од тешки инфекции“, коментира тој.

Тој додаде дека вакцината првично нема да биде достапна на глобално ниво, туку само за најранливите групи и здравствените работници што се во директен контакт со заразените. Тој рече дека вакцините ќе им бидат доставени до католичкиот Божик.

„Вакцината е подготвена, не е штетна и создава имунолошки одговор и може да се почне со вакцинација. Останува да видиме дали има ефект да нè заштити од тешкиот развој на болести и од смрт“, рече Рамадан.

Тој потенцира дека првата вакцина нема да биде совршена, но важно е да се надмине оваа тешка состојба и да се ублажат последиците од болеста.

 

Европа

(Видео) Полскa пратеничка испрскана со бибер спреј, изгледала заканувачки

Објавено пред

Полската полиција соопшти дека полицаецот, кој за време на протестот во Варшава испрскал бибер спреј в лице на членка на парламентот, веројатно тоа го сторил затоа што нејзиниот обид да се легитимира го доживеал како закана.

Полицаецот ја испрскал левата централно-левичарска пратеничка Барбара Новачка в лице додека таа му ја давала пратеничката легитимација.

Инцидентот се случил за време на протестот во саботата во главниот град на Варшава против ограничувачката судска пресуда за абортус, пренесува АП.

Портпаролот на полицијата во Варшава, Силвестер Марцак на почетокот признал дека употребата на бибер спреј против пратеничката изгледала шокантно.

Меѓутоа подоцна полицијата објави видеа од инцидентот на „Твитер“. Тие рекоа дека Новачка ги игнорирала повиците да се оддалечи од полицијата и сугерирале дека нејзиниот гест, додека ја давала легитимацијата на полицијата, може да изгледал заканувачки.

„Лице кое и покрај повиците да се оддалечи од полициска формација, намерно продолжува да се приближува и одеднаш ја подава раката со предмет пред лицето на полицаец, може да се сфати како закана“, соопшти полицијата на Твитер.

Новачка беше еден од неколкуте пратеници кои присуствуваа на протестот за да ги следат настаните откако полицијата употреби сила и солзавец против демонстрантите на неодамнешните демонстрации.

Новачка го опиша полициското однесување како „непотребно и непропорционално“.

„Така се третираат жените кои се борат за своите права во Полска“, рече Новачка.

 

Прикажи повеќе...

Европа

Над 180 лица приведени на протестите во Белорусија

Објавено пред

Групата за човекови права во Белорусија, „Вијасна“ тврди дека повеќе од 180 лица биле приведени за време на денешните протести против претседателот Александар Лукашенко.

Протестите се одржаа во Минск и во други градови и привлекоа илјадници луѓе. Во Минск, големи групи луѓе се собраа во различни делови на градот и покрај снежното време и на таканаречениот „Марш на соседите“ ги блокираа патиштата во некои области, пренесува АП.

„Сосед за сосед против диктатурата“, беше напишано на главниот транспарент.

Полицијата употреби солзавец и шок бомби за да разбие дел од толпата во Минск, а некои демонстранти биле потиснати во станбени дворови и тепани со пендреци, соопшти Центарот за човекови права „Вијасна“.

Според групата, повеќе од 180 лица се приведени низ целата земја.

Пред митингот, во центарот на Минск беа видени водени топови, оклопни возила и полициски комбиња. Неколку метро-станици се затворени, а пристапот до интернет е ограничен.

Прикажи повеќе...

Европа

Русија го осуди како терористички чин убиството на иранскиот нуклеарен физичар

Објавено пред

Атентатот врз иранскиот нуклеарен научник Мохсен Фахризад е терористички акт што претставува провокација за Иран, а Русија го осудува злосторството, изјави денеска директорот на Државната дума за надворешни работи, Леонид Слуцки.

„Убиството на иранскиот физичар Фахризад е терористички чин и провокација за Техеран. Многу е важно да се спречи ескалација на тензиите во регионот”, напиша рускиот пратеник на „Твитер“, а пренесе „Тасс“.

Слуцки истакна дека Русија го осудува убиството, „без разлика кој стои зад ова злосторство“.

„Изразуваме длабоко сочувство до Иран и семејството на Фахризад“, додаде тој.

Иранската агенција ИСНА објави дека началникот на иранскиот Генералштаб, Саид Абдолрахим Мусави, тврди оти Израел и САД стојат зад атентатот.

Иранскиот претседател Хасан Рохани уште вчера вети дека атентатот врз научникот нема да остане без одговор.

„Иран ќе даде одмерен и решителен одговор поради убиството на најдобриот државен нуклеарен научник Мохсен Фахризад“, изјави претходно советникот на Врховниот водач Али Хамнеи.

Некои весници во Техеран денес соопштија дека иранската одмазда „треба да вклучува напад врз израелскиот град Хаифа“.

Иранскиот министер за одбрана рече дека прво било пукано кон автомобилот на Фахризад, а кратко потоа експлодирал пикап-камион полн со експлозив на растојание од околу 15 до 20 метри. Набргу потоа, нуклеарниот физичар им подлегнал на повредите во болница.

Прикажи повеќе...

Најново

Регион5 минути

Во Словенија 51 починат од коронавирус и 428 нови случаи

Во последните 24 часа во Словенија се потврдени 428 нови случаи на коронавирус од 1.880 тестирани, а починале 51 лице....

Регион48 минути

„Франс прес“: Здравствените системи на Балканот се преоптоварени поради коронавирусот

Недоволниот број на кревети и лекари и масовниот пораст на инфекции со коронавирус ги доведоа болниците на Балканот на работ...

Македонија1 час

Воено-медицински персонал ќе се распореди во ковид-центрите на Клинички

Медицински персонал од Воено-медицинскиот центар, составен од дванаесет лекари и дваесет медицински сестри, од денеска се вклучува во работата на...

Регион2 часа

„Фајненшл тајмс“: Бугарија проблематична членка на ЕУ која тоне во коруција

Фондовите на ЕУ ја зголемија корупцијата во Бугарија. Тие пари особено се користат за директно или преку јавни набавки купување...

Регион3 часа

Во Црна Гора на лекар само со лична карта

Од денеска црногорските осигуреници ќе можат да ја користат новата лична карта како здравствена книшка. Директорот на Фондот за здравствено...

Свет3 часа

(Видео) Во Индонезија 2.800 лица евакуирани поради вулканска ерупција

Вулкан во источна Индонезија, кој избувна во неделата, исфрлајќи пепел на 4.000 метри, ги принуди локалните жители да се евакуираат....

Македонија3 часа

Снег на Попова Шапка и Страцин

Сообраќајот на патиштата се одвива по влажни коловози. Врнежи од слаб снег има на Попова Шапка и Страцин, но без...

Македонија3 часа

ВМРО-ДПМНЕ ќе протестира во 11 градови

ВМРО-ДМНЕ најави дека денеска ќе протестира во 11 градови. „Продолжуваме, заедно со народот против продажбата на татковината. Народот се буди...

Свет17 часа

СЗО: Лажните вести може да ја загрозат вакцинацијата против Ковид-19

Уште во февруари, кога пандемијата на коронавирус брзо се рашири, Светската здравствена организација (СЗО) предупреди за поплава од дезинформации и...

Македонија19 часа

Заев: Во ЕУ ќе влеземе како Македонци кои зборуваат македонски јазик

Македонскиот народ секогаш бил и ќе биде со поглед напред, вели премиерот Зоран Заев во објава на социјалните мрежи, посветена...

Македонија20 часа

Во ковид центрите во Скопје за 24 часа се хоспитализирани 44 пациенти

Во изминатите 24 часа во ковид центрите во Скопје хоспитализрани се 44 нови пациенти поради компликации од корона вирусот. Вкупно...

Македонија23 часа

Борисов за ФАЦ: Можен е компромис, но мора да се познава и историјата

Единствената земја, која го посакува почетокот на пристапните преговори на Северна Македонија со ЕУ повеќе од Германија, е Бугарија, вели...

Македонија23 часа

Филипче: Бидете максимално одговорни во претстојниот период на слави и прослави

Министерството за здравство апелира до граѓаните во периодот на слави кој престои максимално да бидат одговорни и да ги почитуваат...

Македонија24 часа

Рикер до Заев: САД ја поддржуваат интеграцијата на Македонија во ЕУ, ве охрабруваме да барате решение

Помошникот државен секретар за европски и евроазиски прашања во американскиот Стејт Департмент, Филип Рикер, во писмо до премиерот Заев истакнува...

Свет1 ден

Кинеското вселенско летало е во орбитата на Месечината и се подготвува да слета

Кинеските власти објавија дека вселенското летало Change-5 успешно влезе во орбитата на Месечината и се подготвува да слета, како дел...

Регион1 ден

Вучиќ свика итен состанок поради случувањата во Црна Гора

Српскиот претседател Александар Вучиќ закажа состанок со премиерката Ана Брнабиќ и министерот за надворешни работи Никола Селаковиќ за да разговараат...

Европа1 ден

(Видео) Полицијата употреби сила против демонстрантите во Полска

Полицијата ја спречи протестната прошетка на демонстрантите во Варшава, додека ширум Полска се одржаа демонстрации против ограничувањето на правото на...

Европа1 ден

(Видео) Протести и апсења низ Европа

Повеќе од 155 лица беа уапсени во Лондон за време на протестите организирани против рестриктивните мерки насочени кон спречување на...

Спорт1 ден

Дуелот Тајсон – Џонс заврши нерешено, „челичниот“ побара реванш

Рано утринава, во егзибициски меч во „Стејплс центарот“ во Лос Анџелес 54-годишниот Мајк Тајсон се врати во рингот по пауза...

Македонија1 ден

Нови подводни истражувања во Охридското Езеро

Кон крајот на октомври успешно беше реализиран проектот „Подводно археолошко рекогносцирање на делови од источниот брег од Охридското Езеро“ чиј...

Досие