Дванаесетгодишно момче загина а тројца се тешко повредени во тешка сообраќајна несреќа што се случи доцна попладнево во Германија, пренесуваат германските медиуми.

До несреќата дошло кога автомобил, од засега нејасни причини, излетал од патот и удрил во група луѓе, кои стоеле на тротоарот.

Како што пренесеува „Билд“, меѓу повредените се мајката (39) на загинатото дете и друг пешак (43) кој не припаѓа на семејството. Тие се сериозно повредени и со спасувачки хеликоптери се итно пренесени во болница. Возачот и двегодишното момче кои се наоѓале во автомобилот се здобиле со полесни повреди, соопшти полицијата.

Schwerer Verkehrsunfall in #Kempen #St. Hubert

Die Tönisberger Straße ist zwischen der B 9 und Hülser Straße gesperrt.

Unsere Meldung: https://t.co/nTLcm8fibt pic.twitter.com/TCbpp33tAc

— Polizei NRW VIE (@polizei_nrw_vie) October 29, 2020

Од полицијата соопшти дека засега ништо не укажува дека се работи за терористички напад.

„ Во моментов нема докази дека возачот намерно влетал во толпата“, рече главниот детектив Антје Хејманс од полицискиот орган во областа Вјерсен.

Најмалку 140 мигранти се удавиле на брегот на Сенегал во најсмртоносниот бродолом забележан оваа година, објави Меѓународната организација за миграција.

Бродот кој пренесувал 200 луѓе се запалил и се превртел во саботата неколку часа откако го напуштил рибарскиот град Мбоур, 100 километри јужно од главниот град Дакар, соопшти организацијата.

Сенегалската и шпанската морнарица и рибари спасиле околу 60 луѓе, но најмалку 140 се удавиле.

Опасниот морски премин од западна Африка на Канарските Острови некогаш бил главна рута за оние кои сакале да побегнат од сиромаштијата. Откако Шпанија ги зајакна патролите кон средината на 2000 година, оваа рута привлекува помалку мигранти, но оваа година повторно им станала многу интересна.

Напаѓачот со нож, кој уби тројца луѓе во базиликата Нотр Дам во Ница е 21-годишен Тунижанец по име Брахим Ауисауи, јавуваат француските медиуми.

Тој не е барател на азил во Франција, но пристигнал во Европа преку Лампедуза на крајот на септември, каде што бил ставен во карантин од италијанските власти, а потоа морал да ја напушти италијанската територија. Напаѓачот влегол на Франција од почетокот на месецов.

Според судски извори, неговиот идентитет сè уште не е официјално потврден. Истражителите во моментот имале само документ на италијанскиот Црвен крст што одговара на идентитетот на Брахим Ауисауи.

Францускиот министер за надворешни работи Жан-Ив Ле Дријан испрати „порака за мир кон муслиманскиот свет“, нагласувајќи дека Франција е „земја на толеранција“, а не на „презир или одбивање“.

„Не слушајте ги гласовите на оние што сакаат да предизвикаат недоверба. Да не бидеме заробени во ексцесите на малцинството на манипулатори“, изјави тој за време на разгледувањето на буџетот на неговото министерство во Националното собрание.