Германската канцеларка Ангела Меркел апелира граѓаните да се придржуваат до епидемиолошките мерки за спречување на ширењето на коронавирусот.

„Во моментов се соочуваме со проблем затоа што претпазливоста опаѓа“, рече таа во Бундестагот.

Меркел укажа дека граѓаните сакаат повторно да се дружаст и да почувствуваат заедништво.

„ Тоа го чувствувам и сама. Но, го ризикуваме сето она што го постигнавме последните месеци“ предупреди таа.

Меркел рекла дека не смее да се дозволи повторно да биде воведено ограничување низ земјата и додаде дека сака да спречи затворање на економијата и општеството.

„Пандемијата е трка на долги стази и пред Германците е тешко време во текот на есента и зимата“ предурпеди Меркел.

„Апелирам на сите да се придржуваат до мерките, кои во следниот период ќе мора да бидат на сила. Даваме се од себе повторно во ова општество да се грижиме едни за други. Од секој од нас зависи ситуацијата“ заклучи Меркел.

Кандидатот за претседател Џо Бајден за време на предизборната дебата во Кливленд го нарече својот противкандидат на изборите во САД, Доналд Трамп, кученцето на Путин.

Предизборната дебата пред претседателските избори во Америка се одржа во знак на навреди, кавги и надвикување. Кандидатите меѓусебно се обвинија дека се лажговци, дека ја уништиле Америка, а Бајден во еден момент го нападна Трамп, но и Русија.

„Под овој претседател станавме послаби, поболни и понасилни. Му оставивме успешна економија, а тој уништи сè. Ние му се спротивставивме на Путин, а тој е неговото кученце. „Тој не му кажа ништо за тоа што им платија на талибанците да ги убијат нашите оперативци“, рече Бајден.

На синоќешната дебата, двајца претседателски кандидати разменија навреди, викаа и меѓусебно се прекинуваа.

Фондацијата на Бил и Мелинда Гејтс потпиша договор со 16 фармацевтски компании за да соработуваат во производството на вакцина против коронавирусот, да ја забрзаат и да обезбедат што е можно поскоро дистрибуција на одобрената вакцина низ целиот свет.

„Фармацевтските компании се согласија да ги прошират своите капацитети за производство на лекови. На пример, лекот „ремдесивир“ го направи компанијата Гилеад, но дополнителни количини сега ќе се произведуваат во фабриките на компанијата Фајзер. Ниту една компанија никогаш не дозволила конкурент да ги користи нејзините фабрики на овој начин, а сега гледаме слична соработка кога станува збор за вакцините“, изјави Бил Гејтс.

„Меѓу другото, компаниите се согласија да соработуваат во производството на вакцини и да го зголемат производството со невидена стапка, осигурувајќи дека одобрените вакцини ќе се дистрибуираат што е можно поскоро“, рече тој.

Според Гејтс, во моментов најголемиот дел од светскиот фонд на вакцини против Ковид-19 се планира да биде испратен во богатите земји.

„Овие земји склучуваат договори со фармацевтски компании, обезбедувајќи право да купат милијарди дози веднаш штом се произведат. Но, што е со земјите во светот со ниски и пониски средни приходи, земјите од Јужен Судан преку Никарагва до Мјанмар? Скоро половина од сите човечки суштества живеат во овие земји и тие немаат куповна моќ да прават големи деловни активности со фармацевтски компании. Како што стојат работите сега, овие земји ќе можат да опфатат максимум 14 проценти од нивното население“, рече тој.

Според него, најдобриот начин да се затвори овој јаз во вакцините е да не се критикуваат богатите земји.

„Тие прават нешто сосема разбирливо – обидувајќи се да го заштитат својот народ. Наместо тоа, треба значително да го зголемиме капацитетот на светот за производство на вакцини. На овој начин можеме да ги покриеме сите без разлика каде живеат“, вели Гејтс.