Свет
Најлошото допрва доаѓа, алармантно предупредување на научниците за клима
Недостиг на вода, глад, исчезнување на одредени видови животни и растенија, животот на Земјата, неизбежно ќе се трансформира со климатските промени за 30 години или дури и порано, се предупредува во извештајот на ООН.
Нацрт-извештајот, напишан од стотици научници од Меѓународниот панел за климатски промени, осцилира помеѓу апокалиптичниот тон и надежта што им се дава на луѓето да ја променат својата судбина со непосредни и драстични мерки.
Извештајот за проценка на 4.000 страници е многу поалармантен од претходниот од 2014 година. Иако неговите главни заклучоци нема да се променат, тој нема да биде официјално објавен дури до февруари 2022 година, откако ќе биде одобрен со консензус од 195 земји-членки.
Без оглед на стапката на намалување на емисиите на стакленички гасови, разорните ефекти на затоплувањето врз природата и човештвото ќе се забрзаат и ќе станат болно опипливи дури и пред 2050 година, предупредуваат научниците.
„Животот на Земјата може да се опорави од големите климатски промени со развивање во нови видови и создавање нови екосистеми“, се забележува во техничкото резиме на Извештајот.
„Најлошото допрва следува, со многу повеќе импликации по животот на нашите деца и на нашите внуци отколку на нас“, тврдат научниците.
Ефектите се сериозни и ќе бидат посилни, дури и ако се намалат емисиите на СО2.
За некои животни и видови на растенија може да биде дури и доцна.
„Ненадејните загуби се зголемуваат во сите системи за производство на храна“, се вели во извештајот, посочувајќи ги климатските опасности како главен двигател.
Според предвидувањата, повеќе од 80 милиони луѓе би можеле да умрат од глад до 2050 година, 130 милиони би можеле да западнат во екстремна сиромаштија во рок од десет години, а стотици милиони жители на крајбрежните градови ќе бидат загрозени од почести поплави предизвикани од покачување на нивото на морето, што пак ќе доведе до значителни миграции.
Извештајот исто така ја нагласува опасноста од каскадни ефекти. Некои региони (Источен Бразил, Југоисточна Азија, Централна Кина) може да бидат погодени од три или четири истовремени временски непогоди или дури и повеќе: топлина, суша, циклони, пожари, поплави, болести пренесени од комарци.
Но и покрај алармантните заклучоци, во извештајот сепак постои доза на надеж. Човештвото сè уште може да ја насочи својата судбина кон подобра иднина.
„Потребна ни е радикална трансформација на процесите и однесувањето на сите нивоа: поединци, заедници, компании, институции и влади“, се тврди во извештајот.
„Треба да ги редефинираме нашиот начин на живот и потрошувачката“, сметаат научниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Британците и Норвежаните потпишуваат договор: заедно ќе ги следат руските подморници
Велика Британија и Норвешка денес ќе потпишат нов договор за одбранбена соработка, планирајќи заедничко управување со флота од фрегати за лов на руски подморници во северниот Атлантик, објави британското Министерство за одбрана.
Договорот доаѓа неколку месеци откако беше објавено дека Норвешка купила најмалку пет фрегати од типот 26 од британската група BAE Systems, за сума од 11,5 милијарди евра.
Според условите на новиот договор, кои треба да бидат потврдени денес за време на посетата на норвешкиот премиер Јонас Гар Сторе и неговиот министер за одбрана Торе Сандвик, двете земји заеднички ќе управуваат со флота од најмалку 13 фрегати, осум британски и пет под команда на Осло.
Оваа флота, способна за брзо распоредување насекаде, особено ќе обезбеди следење на руските подморници и заштита на британската критична инфраструктура, се вели во соопштението за медиумите, без да се прецизира кога ќе биде оперативна.
Според Лондон, активноста на руските подморници во британските територијални води се зголемила за 30 проценти во последните две години, во услови на зголемени тензии со Москва предизвикани од војната во Украина.
Свет
Зеленски: Се подготвуваме за нови разговори во Америка
По состанокот меѓу претставниците на САД и рускиот претседател Владимир Путин во Москва, украинскиот претседател Володимир Зеленски објави планови за нови разговори меѓу украинските и американските претставници.
„Подготвуваме состаноци во Соединетите Држави“, рече Зеленски во своето вечерно обраќање. Тој додаде дека Украина очекува вести за ова во следните неколку дена.
Разговорите ќе ги водат секретарот на Советот за национална безбедност Рустем Умеров и началникот на Генералштабот Андриј Хнатов, рече украинскиот претседател.
Зеленски го опиша напредокот на процесот како доста добар, осврнувајќи се на претходните дискусии во Женева и Флорида за планот на САД за потенцијално завршување на војната во Украина. Тој повтори дека успехот зависи од комбинација на конструктивна дипломатија и притисок врз Русија.
За време на неговата шеста средба со Путин, специјалниот претставник на САД Стив Виткоф го објасни статусот на размислувањата на САД за мир во Украина. На Виткоф за прв пат му се придружи зетот на Трамп, Џаред Кушнер.
Советникот за надворешна политика на Путин, Јуриј Ушаков, по петчасовниот состанок изјави дека сè уште не е постигнат компромис.
Русија води војна против Украина повеќе од три и пол години.
Свет
(Видео) Се урна американски Ф-16
Американски борбен авион F-16C Fighting Falcon на воздухопловни сили „Thunderbirds“ се урна во оддалечена пустинска област јужно од аеродромот Трона, на работ на Националниот парк „Death Valley“.
Пилотот претрпел полесни повреди. Снимките објавени на социјалните мрежи го покажуваат моментот кога авионот се урнал и пилотот се катапултирал.
An F-16C fighter jet belonging to the US Air Force Thunderbirds crashed near Trona Airport in California.
Follow: https://t.co/7Dg3b41hTx pic.twitter.com/bKrgKNOTa0
— PressTV Extra (@PresstvExtra) December 3, 2025
Во објава на Икс, официјалниот профил на американските воздухопловни сили „Thunderbirds“ го потврди инцидентот:
— Thunderbirds (@AFThunderbirds) December 3, 2025
„На 3 декември 2025 година, околу 10:45 часот наутро, пилот на Thunderbird безбедно се катапултираше од авионот F-16C Fighting Falcon за време на обука во контролиран воздушен простор во Калифорнија. Пилотот е во стабилна состојба и добива постојана медицинска нега. Инцидентот е под истрага, а дополнителни информации ќе бидат објавени од Канцеларијата за односи со јавноста на 57-то крило“, рекоа тие.
(Видео) Се урна американски Ф-16
Американски борбен авион F-16C Fighting Falcon на воздухопловни сили „Thunderbirds“ се урна во оддалечена пустинска област јужно од аеродромот Трона,...
Нови израелски напади врз Газа: погодени шатори за бегалци, повеќе мртви
Петмина Палестинци вчера беа убиени, а неколку други беа повредени кога израелските авиони гаѓаа шатори и импровизирани засолништа за раселени...
Мадуро потврди дека разговарал со Трамп
Венецуелскиот претседател Николас Мадуро во средата потврди дека пред околу 10 дена имал „срдечен и полн со почитување“ телефонски разговор...
ОН усвои резолуција за враќање на киднапираните украински деца: Русија и 11 други земји гласаа против
Генералното собрание на Обединетите нации усвои резолуција со која се бара од Русија да обезбеди итно, безбедно и безусловно враќање...
Куновска по оставките во СДСМ:„Сите дома, тој останува“
Поранешната пратеничка и функционерка во СДСМ, Софија Куновска, на „Фејсбук“ објави критички статус откако вчера, на барање на партискиот лидер...
ВМРО-ДПМНЕ: Ние како мнозинство немаме од што да бегаме, ќе се расчистат сите прашања поврзани со трагедијата во Кочани
Пратеникот од ВМРО-ДПМНЕ, Бојан Стојаноски, изјави дека во периодот кога државата ја воделе СДСМ и ДУИ се закажувале анкетни комисии,...
(Видео) Филипче: Посебна анкетна комисија за трагедијата во Кочани, тоа е барање на родителите
Нашиот став е дека ние ќе ги поддржиме двете анкетни комисии. Едната којашто ја предлага владеачкото мнозинство каде сакаат да...
(Фото) Поставени дигитални уреди за мерење бучава кај кафеаните во Дебар Маало
Општина Центар започна со имплементација на паметен систем за следење на бучавата, преку поставување на дигитални индикативни уреди на местата...
Осигурителни компании склучиле картел и се договориле да ја зголемат цената за автомобилското осигурување
Десет осигурителни компании се казнети со 17.266.930 денари затоа што се договориле да ја зголемат цената за автомобилската одговорност што секој...
„РКЕ да ја преземе во целост надлежноста во формирањето конечна цена на водата“, порака од тркалезната маса
РКЕ да ја преземе во целост надлежноста во формирањето конечна цена на водата – е пораката од тркалезната маса „Иницијатива...
Засилени контроли на градилиштата во општина Аеродром: изречена глоба од 1.300 евра за непочитување на законот
Општина Аеродром изрече парична глоба од 1 000 евра за правно лице и 300 евра за управителот на истата фирма...
(Видео) Турканици и викање: уапсени три лица во Трново, не им дозволиле на полицајците да влезат на имотот
Полицијата уапси три лица од кривопаланечко кои попречувале полициски службеници и вработени во Агенцијата за храна и ветеринарство при извршување...
Висок функционер на НАТО: Путин блефира, не верувам дека е подготвен за војна со Европа
Висок функционер на НАТО верува дека рускиот претседател Владимир Путин блефира за својата подготвеност за војна против Европа. Зборувајќи со...
ВМРО-ДПМНЕ: Колку криминални шеми имаат издејствувано Заев, Филипче и Николовски, Обвинителството да отвори постапка
„Заев му помогнал со отпишување на жито за 800.000 евра, Љупчо Николовски возвратил со грант за „Мамас“ од 1,4 милиони...
НАТО ја зголемува поддршката за Украина: пристигнува нова резерва оружје и муниција
Министрите за надворешни работи на НАТО ќе се состанат денес во Брисел за да разговараат за понатамошна поддршка за Украина,...
(Видео) Трамп заспа на состанок на кабинетот откога се пофали со својата острина
На почетокот на состанокот на кабинетот во вторник, американскиот претседател Доналд Трамп не ја пропушти можноста повторно да го спомене...
Трамп: САД ќе тргнат по погрешен пат ако продолжиме да примаме ѓубре во нашата земја
Американскиот претседател Доналд Трамп изјави дека не сака сомалиски имигранти во САД, велејќи им да „се вратат од каде што...
„Ербас“ ги проверува авионите „А320“ поради проблеми со металните панели
Авионскиот гигант Ербас најави инспекција на неодреден број свои авиони откако беше откриен „проблем со квалитетот на добавувачот“ кај металните...
Трамп: Документите, наредбите или договорите потпишани од Бајден со „автопен“ се ништовни
Американскиот претседател Доналд Трамп ги прогласи за ништовни сите документи потпишани од администрацијата на Џо Бајден со помош на автоматски...
Трамп ги паузира сите апликации за имиграција од 19 земји
Американскиот претседател Доналд Трамп даде низа исклучително остри коментари за Сомалија и сомалиските мигранти, откако неговата администрација објави дека ги...
