Контакт

Свет

Најмалку 18 лица загинаа при обид да фатат пакети со храна која беше фрлена со падобрани во Газа

Објавено пред

Осумнаесет Палестинци загинаа, од кои 12 се удавија, обидувајќи се да стигнат до пакетите со хуманитарна помош кои беа фрлени со падобран во Појасот Газа погоден од глад, објави денеска Хамас, повикувајќи на прекин на воздушните фрлања и отворање на копнени патишта.

dobivaj vesti na viber

Министерството за здравство на палестинската енклава извести за повеќе од 80 мртви во израелските воздушни напади во последните 24 часа, пренесува „France Presse“.

„Слушнавме огромна експлозија. Урнатините паднаа врз нас. Имаше 22 или 23 жртви“, објави Хусам Казат, бегалец во Рафах, град на самиот југ од Појасот.

Нов показател за очајната хуманитарна состојба во Газа, каде, според ОН, гладот ​​им се заканува на сите 2,4 милиони жители, е соопштението на Министерството за здравство на енклавата, дека има осумнаесет загинати, од кои дванаесет се удавиле во изминатите неколку часа додека се обидувала да пристапат до хуманитарната помош.

Набргу по таа објава, Хамас повика да се прекине испраќањето хуманитарна помош по воздушен пат и да се отворат копнени патишта. Израел одржува цврста контрола врз овие патишта, поради што другите земји, како Велика Британија, Франција и САД, одлучија да испратат помош од воздух, пишува „France Presse“.

Милитантната група рече дека „секогаш ги предупредувала земјите кои испраќаат помош од воздух“ за опасноста од такви операции, особено затоа што дел од помошта паѓа во морето.

Генералниот секретар на Обединетите нации, Антонио Гутереш предупреди дека би било „неоправдано“ да не се спроведе резолуцијата на Советот за безбедност.

Израел, од друга страна, бесен на САД, ја откажа планираната посета на својата делегација на Вашингтон, велејќи дека американската воздржаност ги „штети“ неговите воени напори и ослободувањето на заложниците, пренесува медиумот.

„Немаме морално право да ја запреме војната се додека има заложници во Газа“, изјави израелскиот министер за одбрана Јоав Галант.

Европа

15-годишна тинејџерка киднапирана и силувана во Германија

Објавено пред

Тинејџерка на возраст од 15 години, по потекло од БиХ, била киднапирана и силувана во Гелзенкирхен, Германија, пренесува Билд. Ја силувале двајца маскирани мажи.

dobivaj vesti na viber

Девојката во средата вечерта го пријавила киднапирањето и силувањето во полиција во Есен. После училиште, околу пладне, стоела на автобуската станица и ја чекала другарката, кога и пришло бело комбе. Од комбето излегле маскирани лица и ја одвлекле 15-годишната девојка во возилото, а потоа се оддалечиле во непознат правец.

Тинејџерката во пријавата навела дека мажите ја однеле во куќа на непозната локација и таму ја силувале.

По извесно време, тинејџерката била однесена во Есен и исфрлена на улица. Девојката вели дека киднаперите биле облечени во црно и со маски на главите. Забележала дека зборуваат германски, но со арапски акцент. Таа изјавила и дека возеле брзо и дека за малку ќе предизвикале судар неколку пати.

Нејзините тврдења ги потврди и полицискиот портпарол кој рече дека другите возачи на опишаната рута забележале бело комбе кое вози над сите ограничувања на брзината.

Полицијата трага по можни сведоци кои биле на автобуската станица Хорст и по лица кои го виделе белото комбе во Есен или во Гелзенкирхен, пишува Билд.

Прикажи повеќе...

Свет

Трамп предлага зелен картон за странците кои дипломираат во САД

Објавено пред

Републиканскиот претседателски кандидат Доналд Трамп вчера предложи луѓето кои дипломираат на универзитетите во САД автоматски да добијат зелен картон, или дозвола за работа и живот во САД, за да можат да останат во земјата.

dobivaj vesti na viber

„Кога ќе завршите факултет, мислам дека автоматски треба да добиете зелена карта како дел од вашата диплома за да можете да останете во оваа земја“, рече Трамп на All-In подкастот што го организираат технолошки инвеститори.

Зелената карта им овозможува на поединците да живеат и работат трајно во Соединетите Држави и е пат до државјанство.

Трамп, кој цврстиот став за имиграцијата го стави во центарот на неговата администрација и вети остри мерки доколку биде реизбран, ги осуди напорите на претседателот Џо Бајден да го спречи рекордниот број мигранти кои илегално преминуваат во САД.

„Секој што ќе заврши факултет, ќе помине две или четири години таму или ќе докторира, треба да може да остане во оваа земја“, рече Трамп.

Не е јасно дали Трамп мислеше на сите странци, вклучително и оние кои дојдоа во Соединетите држави илегално или им беа продолжени визите, или само луѓето со студентски визи.

Американските пратеници од двете партии во минатото предложија легислатива што ќе го олесни престојот на одредени дипломирани студенти во земјата.

Прикажи повеќе...

Свет

Северна Кореја гради ѕид на границата со Југот

Објавено пред

Северна Кореја гради ѕид на неколку локации во близина на границата со Јужна Кореја, откриваат сателитски снимки анализирани од Би-би-си. Дополнително, исчистено е земјиште во Демилитаризираната зона (ДМЗ), што според експертите може да биде прекршување на долгогодишното примирје со Јужна Кореја.

dobivaj vesti na viber

ДМЗ, инаку, е тампон зона широка четири километри меѓу двете Кореи, кои технички се уште се во војна бидејќи никогаш не потпишаа мировен договор. Зоната е поделена на два дела, а секоја земја ја контролира својата страна.

Експертите ја коментираат изградбата на ѕидот за Би-би-си како „невообичаена активност“ која доаѓа во време на зголемени тензии меѓу двете земји.

„Во овој момент, можеме само да шпекулираме дека Северна Кореја сака да го зајакне своето воено присуство и утврдувања долж границата“, вели Шрејас Реди, дописник на специјализираната страница НК Њуз со седиште во Сеул.

Би-би-си нарача сателитски снимки од граничниот дел од седум километри, како дел од проектот кој ги разгледува промените што Северна Кореја ги направи во областа.

Снимката покажува најмалку три дела каде што се поставени бариери во близина на демилитаризираната зона, покривајќи вкупно еден километар од источниот крај на границата. Можно е и понатамошна изградба на бариери. Меѓутоа, поради недостигот на претходни слики со висока резолуција од областа, не се знае точно кога започнала изградбата. Сепак, такви структури нема на снимките од ноември 2023 година.

„Моја проценка е дека ова е првпат да градат бариера во однос на одвојувањето на местата едни од други“, изјави за Би-би-си, Ук Јанг, воен и одбранбен аналитичар во Институтот за политички студии Асан во Сеул.

„Во 1990-тите, Северна Кореја подигна противтенковски ѕидови за да го одврати напредувањето на тенковите во случај на војна. Но, неодамна Северна Кореја подигнува ѕидови високи два до три метри“, рече Јанг.

„Обликот на ѕидовите сугерира дека тие не се само бариери за тенковите, туку се наменети да ја поделат областа“, додаде Јанг, кој ги прегледал сателитските снимки. Најновите сателитски снимки на источниот крај на границата покажуваат нешто што изгледа како новосоздаден пристапен пат.

Официјален началник на здружениот генералштаб на Јужна Кореја во неодамнешно интервју изјави дека војската идентификувала тековни активности поврзани со „зајакнување на тактичките патишта, поставување мини и расчистување на пустош“.

„Расчистувањето на копното може да биде наменето и за воени и за невоени аспекти“, рече Кил Џо Бан, професор по меѓународна безбедност на Универзитетот во Кореја.

Прикажи повеќе...

Најново

Свет41 минута

Трамп предлага зелен картон за странците кои дипломираат во САД

Републиканскиот претседателски кандидат Доналд Трамп вчера предложи луѓето кои дипломираат на универзитетите во САД автоматски да добијат зелен картон, или...

Свет2 часа

Северна Кореја гради ѕид на границата со Југот

Северна Кореја гради ѕид на неколку локации во близина на границата со Јужна Кореја, откриваат сателитски снимки анализирани од Би-би-си....

Свет2 часа

(Видео) Нетанјаху објави снимка во која ги критикува САД; Белата куќа: Длабоко сме разочарани

Белата Куќа изрази длабоко разочарување поради критиките на израелскиот премиер Бенјамин Нетанјаху кон САД, во услови на тензии меѓу двата...

Македонија3 часа

Зголемена фреквенција за излез од државата, се чека околу 45 минути

Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...

Свет13 часа

Руте е идниот шеф на НАТО – верен сојузник на Украина и жесток критичар на Путин

Холанѓанецот Марк Руте, кој ќе стане нов генерален секретар на НАТО, е жесток критичар на рускиот претседател Владимир Путин и...

Македонија14 часа

Сиљановска и американската амбасадорка разговараа за ЕУ: „Поцесот не смее да трпи притисоци од други земји-членки“

Претседателката Гордана Сиљановска Давкова денеска ја прими амбасадорката на Соединетите Американски Држави, Анџела Агелер. На средбата беше разговарано за можностите...

Регион19 часа

Бомбашки напад во Црна Гора, убиени двајца припадници на озлогласен мафијашки клан

Две лица загинаа, а три се повредени утринава на Цетиње во Црна Гора, кога била активирана експлозивна направа во близина...

Македонија20 часа

Мицотакис: Скопје да сфати дека не може да си игра со Атина за прашањето на името

Грчкиот премиер Кирјакос Мицотакис во интервју за радиото „Реал фм“ го коментира ставот на мандатарот за формирање влада, Христијан Мицкоски,...

Македонија21 час

Мицкоски: Поднесовме предлог-измени на Законот за енергетиката по скратена постапка, со кој нема да се зголеми цената на струјата на домаќинствата

Изминативе денови во јавноста една тема ги разбранува страстите и оправдано, тоа беше цената на електричната енергија, која практично ќе...

Спорт22 часа

ФФМ од Даку побара да ѝ се извини на македонската држава, а од УЕФА да го казни албанскиот репрезентативец

Фудбалската федерација на Македонија се огласи по повод навредите кои од теренот на стадионот во Хамбург, ги испрати албанскиот репрезентативец...

Македонија23 часа

Сè повеќе повици за присуство на змии во Македонија, ЦУК со апел за внимателно движење во природа

На секои неколку дена има пријава за змии и во населени места. Центарот за управување со кризи информира дека во...

Македонија1 ден

25-годишен војник почина на Криволак, му се слошило за време на марш

Дваесет и петгодишен професионален војник почина на полигонот Криволак за време на марш кога му се слошило. Се работи за...

Спорт1 ден

(Видео) Албанскиот репрезентативец Даку ги пцуеше Македонците по мечот со Хрватска

Албанија и Хрватска, вчера во Хамбург, одиграа одличен натпревар. Заврши 2:2, откако Хрватска направи пресврт по водството на Албанија, а...

Свет1 ден

Семејствата на жртвите бараат од „Боинг“ отштета од рекордни 25 милијарди долари

Семејствата на жртвите на двете несреќи на „боинг 737 макс“ побараа повторно судење и отштета од 24,8 милијарди долари за...

Македонија1 ден

Елфете Исмаили oд Алијансата е кандидат за заменик-министер за одбрана, а Флакрон Беџети за заменик-министер за земјоделство

Крилото на Арбен Таравари од Алијансата за Албанците одржа состанок, на кој се разговараше за изборот на кадрите за идната...

Македонија1 ден

Сончево и многу топло време со температура до 40 степени

Времето денес ќе биде претежно сончево и многу топло со слаб до умерен, а по должината на Повардарието повремено засилен...

Топ2 дена

Исчезнаа седум Непалци кои работеле во скопски фирми

Седум лица од Непал исчезнаа во текот на вчерашниот ден. Според информациите, тие работеле во две скопски фирми, а им...

Македонија2 дена

Вонреден наздор во битолската болница и детската клиника по смртта на бебето

Заменичката-министерка за здравство, Маја Манолева испратила наредба до Државниот санитарен и здравствен инспекторат (ДСЗИ) веднаш да спроведе вонреден инспекциски надзор...

Економија2 дена

Мицкоски: По формирање на владата ќе ја разгледаме можноста за враќање на цената на електричната енергија, дури и за намалување

Ние веднаш по формирањето на владата ќе седнеме ќе ги видиме законските можности кои ни стојат на располагање, ќе ги...

Економија2 дена

Бислимоски: Во однос на регионот, Македонија е една од земјите со највисоки загуби на вода

Претседателот на РКЕ, Марко Бислимоски кажа дека загубите на вода во Македонија се некаде околу 62 проценти на ниво на...