Свет
Најмалку 45 мигранти се удавија кај Либија
Најмалку 45 мигранти и бегалци загинаа оваа недела кај Либија во најтешкиот бродолом годинава, соопштија Обединетите нации во Женева.
Агенцијата за бегалци – УНХЦР и Меѓународната организација за миграција во заедничко соопштение наведоа дека 37 лица, кои ги спасиле рибари, објасниле дека најмалку 45 луѓе загинале кога моторот на нивниот чамец експлодирал кај местото Звара во Либија.
Бродот на кој биле најмалку 82 мигранти потона во понеделникот по екплозија на моторот, соопштиле претставници на ОН.
Преживеаните главно се од Сенегал, Мали, Чад и од Гана.
УНХЦР и Меѓународната организација за миграција повикаа на засилување на операцијата за спасување и воспоставување специјален механизам за потрага бидејќи во спротивно ќе има уште жртви и исчезнати во Средоземното Море.
Над 7.000 мигранти досега оваа година пресретнала либиската крајбрежна стража и ги вратила назад во Либија, а најмалку 302 мигранти и бегалци го изгубиле животот од почетокот на 2020 година, според овие две агенции на ОН.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Објавена снимка од апсењето на напаѓачот на Трамп
Канцеларијата на шерифот на округот Мартин објави видео од апсењето на Рајан Весли Рут.
Напаѓачот бил во грмушките покрај теренот за голф, кога агентите на Тајната служба, кои го проверувале теренот пред Трамп, ја забележале цевката од пушката.
Агентите пукале кон него, а тој ја фрлил автоматска пушка слична на АК-47, два ранци и други предмети и побегнал со црн автомобил во сопственост на неговата ќерка. Полицијата го запрела на автопатот и го привела.
Европа
Будимпешта се подготвува за пристигнувањето на водениот бран
Во Будимпешта, властите ги зголемија прогнозите за нивото на водата и предвидоа дека Дунав ќе се искачи над 850 сантиметри во втората половина на оваа недела, приближувајќи се до рекордот од 2013 година од 891 сантиметар.
„Според прогнозите, една од најголемите поплави во последните години се приближува кон Будимпешта, но ние сме подготвени да се справиме со тоа“, најави градоначалникот на Будимпешта Гергели Карачони.
Европа
(Видео) Во Чешка предупредуваат на закана од заразна болест
Животите на жителите во подрачјата погодени од поплавите не се загрозени само од водата како таква, туку и од поврзаните проблеми.
Министерството за здравство на Чешка предупредува на појава на опасна болест. Во областите погодени од поплави, постои ризик од ширење на лептоспироза, која потенцијално води до откажување на црниот дроб и бубрезите и може да биде фатална.
Годишно во просек се евидентираат по неколку десетици случаи, годинава до крајот на август имало 15, покажуваат податоците на чешкиот државен институт за здравје.
Thousands evacuated in Czech Republic due to floods #CzechRepublic #weather #nature #naturaldisaster #Europe #climate #flooding #floodhttps://t.co/XiyzSW0v9P pic.twitter.com/puWBeUuByw
— Kazinform (@kazinform_eng) September 16, 2024
Размножувањето на бактериите наречени лептоспири, кои се шират во урината на заразените животни, може да се очекува особено откако ќе се повлече водата. „Лептоспирите можат да навлезат во човечкото тело преку гребаници, вдишување или голтање на контаминирани аеросоли или вода, а ретко и преку каснување од животни“, се вели во извештајот.
Во вода и почва контаминирана со урина на заразени животни, бактериите можат да преживеат неколку недели или месеци.
Ситуацијата во Чешка само постепено се подобрува. 82.000 домаќинства попладне останаа без струја поради неповолните временски услови.