Свет
Најстариот човек на светот почина на 112 години

Џон Алфред Тинсвуд, најстариот човек на светот, почина на 112-годишна возраст во Велика Британија, потврди неговото семејство.
Во моментот на неговата смрт, во понеделникот во домот за стари лица во Саутпорт, недалеку од Ливерпул, тој бил опкружен со музика и љубов, додале тие.
Роден е на 26 август 1912 година – годината кога потона Титаник – и стана најстариот човек на светот во април 2024 година, кога Хуан Висенте Перез Мора почина на 114-годишна возраст.
Потоа и официјално влезе во Гинисовата книга на рекорди.
Зад себе ги остави ќерката Сузан, внуците Анучка, Мариса, Тоби и Руперт и правнуците Табита, Калум и Нива.
„Беше интелигентен, решителен, храбар, смирен во секоја криза, талентиран за математика и одличен соговорник“, велат од неговото семејство.
Сето тоа го искористил за време на Втората светска војна, кога работел во британската армија за да најде изгубени војници и да организира резерви на храна.
Ја запознал сопругата Блодвен на танц и се венчале во 1942 година.
Тие беа заедно 44 години, таа починала во 1986 година.
Неговото семејство вели дека тој бил „активен пензионер“ и волонтирал во црквата.
За себе во интервју за Би-Би-Си изјави дека бил „прилично активен како млад“ и дека „шетал многу“, но дека не знае зошто живеел толку долго.
Тој инсистираше на тоа дека не се разликува од другите.
„Или живеете долго или живеете кратко – нема многу што можете да направите за тоа“.
Според неговите зборови, тој не држел никаква диета, освен што секој петок јадел риба и чипс.
Откако наполни еден век, секоја година добиваше роденденска честитка од кралицата Елизабета, а подоцна и нејзиниот син, кралот Чарлс.
„Би сакале да им се заблагодариме на сите во Обединетото Кралство и ширум светот кои испратија честитки и пораки со поддршка на Џон за неговите родендени, тој навистина ги ценеше.
Џон отсекогаш сакаше да се заблагодари, па затоа во негово име би сакале да им се заблагодариме на сите што се грижеа за него низ годините – негувателите во домот, неговите лекари, медицинските сестри и другиот персонал на NHS“, велат од семејството.
Тие побара сите донации во спомен на Џон да бидат испратени до „Ејџ УК“, организација која се занимава со правата на старите лица, или во добротворна организација по сопствен избор.
Најстариот човек во историјата бил Џиромон Кимура од Јапонија, кој во моментот на смртта во 2013 година имал 116 години и 54 дена.
Најстариот човек на светот моментално е Јапонецот Томико Итока, кој има 116 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Црна Гора планира да произведува дронови; САД: Покажуваат дека се сериозни

Црна Гора планира да започне со производство на беспилотни летала во соработка со американска компанија, а првата серија ќе биде донирана на Украина, објавија денес црногорските медиуми, повикувајќи се на „писмо за намери“ усвоено од владата во Подгорица кон крајот на мај.
Во тој документ, како што објави Радио Слободна Европа, црногорската влада наведува дека оваа иницијатива ќе ги подобри капацитетите на војската во однос на НАТО, ќе ги поддржи одбранбените потреби на Украина, како и позицијата на Црна Гора како сигурен снабдувач на најсовремена одбранбена опрема на глобалниот пазар.
Се нагласува дека договорот вреден 15 милиони долари ќе биде поддржан и од американската администрација предводена од претседателот Доналд Трамп. Писмото за намери усвоено од црногорската влада на 29 мај наскоро ќе го потпишат црногорскиот министер за економски развој Ник Ѓељошај и Роберт Џ. Донахју, директор на компанијата „Бај Лајт Профессионал ИТ Сервисиз ДОО“. Тоа ќе биде претходница на договорот што треба да се потпише во септември.
Договорот предвидува користење на компании од Црна Гора и регионот за тестирање на воздушни и подводни технологии на беспилотни системи. Исто така, се наведува дека владата на Црна Гора се согласува да ја донира првата серија беспилотни системи од рано производство и сродна одбранбена опрема на Украина.
Амбасадата на САД објави дека договорот, доколку биде одобрен, ќе промовира заедничка безбедност, стабилност и напредок и дека владата на САД ги охрабрува сите земји-партнери да инвестираат и да соработуваат со американските компании.
„Инвестирањето во одбранбени капацитети, како што се американските беспилотни воздушни системи, ја покажува сериозноста на Црна Гора во исполнувањето на своите обврски кон Алијансата во време кога бараме од Европа да преземе поголем товар за нејзината безбедност“, порачаа тие.
Европа
Естонија се повлекува од Конвенцијата за забрана на противпешадиски мини, стравува од Русија

Парламентот на Естонија денес гласаше за повлекување од Конвенцијата од Отава со која се забранува употребата на противпешадиски мини, поради загриженост за потенцијална воена закана од соседна Русија.
Осумдесет и еден од 101 пратеници го поддржаа предлогот, соопшти прес-службата.
Сите пет земји од Европската Унија и НАТО што граничат со Русија – Литванија, Латвија, Естонија, Полска и Финска – објавија планови за повлекување од меѓународниот договор поради воената закана што ја претставува нивниот многу поголем сосед.
Русија не е членка на Конвенцијата од Отава и користеше мини при инвазијата на Украина. Гласањето на Естонија следеше по гласањето на Латвија и Литванија, чии парламенти веќе го одобрија повлекувањето. Земјите ќе можат да складираат и распоредуваат мини шест месеци откако ќе ги известат другите членки на договорот и Обединетите нации за нивната одлука. Ниту една од петте земји сè уште не го сторила тоа.
Регион
Европската комисија не се откажува од рудникот за литиум во Србија, тој се појави на новата листа

Европската комисија денес објави список од 13 стратешки проекти во областа на критичните суровини во трети земји, вклучувајќи го и проектот Јадар во западна Србија, кој предизвика силни протести и спротивставување во таа земја.
Списокот на стратешки проекти во областа на критичните суровини во трети земји вклучува проекти во Канада, Гренланд, Казахстан, Норвешка, Србија, Украина, Замбија, Нова Каледонија, Мадагаскар, Малави, Јужна Африка и Обединетото Кралство.
Според проценката на Комисијата, избраните проекти, од кои повеќето се однесуваат на суровини неопходни за производство на електрични возила и батерии, како што се литиум, никел, кобалт, манган и графит, бараат вкупно 5,5 милијарди евра капитални инвестиции за да започнат со работа.
На листата е вклучен и проектот Јадар во долината на реката Јадар во западна Србија, кој предизвика широко распространето негодување и отпор поради страв од загрозување на здравјето на луѓето и животната средина.
На почетокот на 2022 година, српската влада го поништи усвоениот просторен план за рудникот во долината на реката Јадар и го запре проектот. Сепак, во јули минатата година, повторно донесе одлука со која му дозволи на британско-австралискиот рударски гигант „Рио Тинто“ да го рестартира својот проект за рударство на литиум.
Избраните стратешки проекти ќе добијат поддршка од Комисијата, земјите-членки и финансиските институции во форма на полесен пристап до финансирање. Комисијата, исто така, ќе ја зајакне соработката со трети земји за да се обезбеди развој на овие проекти, особено преку стратешки партнерства што веќе се воспоставени со некои од земјите.