Свет
Нов Зеланд го отстрани споменикот на контроверзниот колонијалист
Новозеландскиот град Хамилтон денес го урна споменикот на колонијалниот командант по кого го именува градот придружувајќи им се на поголем број места во целиот свет кои на тој начин се справуваат со своето минато.
Кранот ја крена бронзената скулптура на капетанот Џон Фајн Чарлс Хамилтон од градскиот плоштад по барање на локалните Маври и заканите од демонстрантите против расизам дека ќе го урнат.
Градскиот совет на Хамилтон рече дека отстранувањето на споменикот е делумно резултат на притисокот за отстранување на монументалното наследство, кое претставува културна дисхармонија и угнетување.
„Знам многу луѓе – всушност, поголем број – кои споменикот го доживуваат и лично и културно навредливо“, рече градоначалничката Паула Саутгејт.
„Не можеме да го игнорираме она што се случува во целиот свет, ниту треба во време кога се обидуваме да градиме толеранција и разбирање… Мислам дека споменикот не помага да се премостат тие пукнатини“.
Хамилтон бил поморски командант кој се борел против домородните Маври, кои ја бранеле својата земја од британската колонијална експанзија во 19 век.
Тој бил убиен во битка во 1864 година кога група Маври во тврдината успешно се бранеле од британската армија и артилерија и покрај фактот дека биле многу помалобројни.
Споменикот му беше дониран на Советот во 2013 година и беше отстранет по официјалното барање од регионалното племе Ваикато-Таинуи.
Спомениците и имињата на места што величаат фигури, како што се робовладетели или колонијални воени фигури, беа ставени во прашање во целиот свет по масовните протести против расизмот предизвикани од полициското убиство на Афроамериканецот Џорџ Флојд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ОН ги повикаа САД да го подмират долгот од над четири милијарди долари
Претседателката на Генералното собрание на Обединетите нации, Аналена Бербок, ги повика САД целосно и навреме да ја подмират својата членарина кон светската организација, откако Вашингтон уплатил само дел од долгот.
Како што пренесе „Ројтерс“, САД уплатиле околу 160 милиони долари од вкупниот долг од повеќе од четири милијарди долари кон Обединети нации.
Генералниот секретар на ОН предупредил дека организацијата се соочува со „многу скор финансиски колапс“ поради неплатени членарини.
Баербок изјави дека „секојa земја членка мора да го плати својот придонес во целост и навреме“, додавајќи дека 160 милиони долари „очигледно не е целосниот износ“.
Минатата недела, американскиот претседател, Доналд Трамп, беше домаќин на состанок на својот „Одбор за мир“, иницијатива за која дел од експертите сметаат дека може да ги поткопа ОН. Баербок посочи дека за прашањата на мир и безбедност постои легитимно тело, односно Обединетите нации.
Регион
Вучиќ за обидот за атентат врз него и неговото семејство: „Тоа се луѓе кои би убивале деца“
Претседателот на Србија, Александар Вучиќ, се обрати на медиумите зборувајќи, меѓу другото, и за апсењата за обидот за убиство врз него.
Вучиќ изјави дека не знае кои се луѓето кои го планирале атентатот врз него и неговото семејство, но дека знае за нивната возраст, додавајќи дека од доказите видел дека станува збор за луѓе кои се спремни од тоа да го тепаат, па до тоа да го убијат неговото дете.
Вучиќ, одговарајќи на новинарско прашање за двајцата мажи кои беа уапсени во Краљево под сомнение дека планирале атентат врз него и неговото семејство, рече дека тоа е евидентирано како доказ.
„Она што го добив во материјалот, не знам точно за кои лица станува збор, знам од каде се, ги знам нивните години, па не навлегувам во сè друго. Единственото нешто што успеав да го видам е како треба да го тепаат моето дете до точка на врескање, до точка на колење“, рече Вучиќ.
„Гледам дека има околу 70 луѓе кои се залагаат тие да бидат ослободени. Зборуваме за луѓе кои би колеле нечии деца, тоа го имаме евидентирано како доказ“, рече Вучиќ.
Свет
Руското разузнавање: Велика Британија и Франција префрлаат нуклеарно оружје во Украина
Руските сенатори побараа меѓународна и национална истрага откако руската Служба за надворешно разузнавање (SVR) изнесе тврдења за плановите на Велика Британија и Франција за трансфер на нуклеарно оружје во Украина.
Во соопштението на Советот на Федерацијата, сенаторите изразија загриженост во врска со потенцијалното испраќање нуклеарни експлозивни направи во Киев, барајќи од британскиот и францускиот парламент да започнат истраги за овие планови, објави ТАСС.
Сенаторите ги повикаа ОН, Меѓународната агенција за атомска енергија (IAEA) и Конференцијата за преглед на Договорот за неширење на нуклеарно оружје (NPT) да ги истражат тврдењата на SVR.
Беше нагласено дека реализацијата на ваквите планови може да доведе до ескалација на конфликтот и да создаде сериозни закани за безбедноста на Русија и Европа.
Во соопштението се наведува дека, според Нуклеарната доктрина на Руската Федерација, поддршката на нуклеарна сила на Украина може да се сфати како заеднички напад.
Претходно, СВР објави дека Франција и Велика Британија активно работат на снабдување на Украина со нуклеарно оружје, наведувајќи ја како можност испораката на француската мала боева глава ТН75 од балистичката ракета М51.1, пренесува Танјуг.

