Контакт

Европа

Норвешка не вакцинира со „астразенекa“, ќе им позајми 216.000 дози на Шведска и Исланд

Објавено пред

Норвешка, која привремено ја прекина употребата на вакцината на „Астразенекa“, ќе им позајми на Шведска и Исланд 216.000 дози на нивно барање, објави норвешкото Министерство за здравство во четвртокот.

„Задоволен сум што вакцината што ја имаме на залиха може да биде корисна иако вакцината на ‘Астразенекa’ во Норвешка е ставена во мирување“, рече во изјавата министерот за здравство Бент Хеј.

Тие 216.000 дози вакцини од англо-шведската лабораторија треба да се искористат до јуни, а некои до јули. 200 000 дози ќе бидат насочени кон Шведска, а 16 000 кон Исланд.

„Ако продолжиме да ја користиме ‘астразенекa’, тие ќе ги вратат позајмените дози кога ќе ги побараме“, прецизира Хеј.

Како и нејзиниот дански сосед, Норвешка престана да ја користи „астразенекa“ на 11 март за поблиску да ги проучува нејзините несакани ефекти, ретки, но потенцијално тешки.

Од 134.000 администрирани инјекции во Норвешка, пет случаи на тешка тромбоза, од кои три биле смртни, се пријавени кај релативно млади здрави лица. Друга вакцинирана жена починала од мозочно крвавење.

Европа

Париз: Водени топови за оние кои не ја почитуваат забраната за протести во знак на подршка на Палестинците

Објавено пред

Протести во знак за поддршка на Палестинците во Појасот Газа се одржуваат денеска во десетина француски градови, но фокусот е на Париз, објавуваат светските агенции.

Според нивните написи, таму е ангажирана полиција за спречување на немирите, бидејќи протестот беше забранет, но организаторите најавија дека нема да ја почитуваат таквата наредба.

Организаторите велат дека имаат намера да ја осудат последната израелска агресија и да го одбележат Денот на Накба (катастрофа), кој го одбележува споменот на 700.000 луѓе кои избегале или биле протерани од своите домови во денешен Израел за време на војната во 1948 година, после која е создадена оваа земја, анализираат медиумите.

Полицијата соопшти дека водени топови ќе се користат против оние кои и пркосат на забраната во Париз.

Протести беа дозволени во голем број други градови, вклучувајќи ги Лил на север и Марсеј на Медитеранот.

По ескалацијата на смртоносните ракетни напади меѓу Израел и палестинскиот Хамас во Газа, француските власти се во состојба на готовност, стравувајќи дека судирот може да се случи и во Франција, во вид на насилни протести, наведуваат агенциите.

Прикажи повеќе...

Европа

Руските и кинеските вакцини нема да важат за „зелените пасоши“ во Австрија

Објавено пред

Австриското министерство за здравство појасни дека лицата кои биле вакцинирани во странство со руска или кинеска вакцина против коронавирусот нема да бидат третирани како вакцинирани, односно нема да можат да користат угостителски услуги, хотели и фризери без негативен тест.

Вакцините кои не се одобрени од Европската агенција за лекови (ЕМА), како што е руската „Спутник в“ и кинеската „Синофарм“, нема да можат да бидат вклучени во „зелените пасоши“, што Австрија ги воведува како своевиден билет за угостителски објекти, базени и хотели.

Сите оние кои во странски земји се вакцинирале со овие вакцини, ќе треба да бидат тестирани пред да ги користат слободите што ќе се овозможат по олеснувањето на мерките на 19 мај, соопшти Министерството.

Исто така, Министерството не советува лицата вакцинирани со руски или кинески вакцини да бидат повторно вакцинирани во Австрија.

Инаку, во т.н. „зелен пасош“ ќе има доказ за вакцинација, негативен тест или доказ за прележан Ковид-19.

„Само оние вакцини одобрени од ЕМА ќе бидат валидни како доказ за вакцинација, а тоа се вакцините ‘Бионтек-Фајзер’, ‘Модерна’, ‘Астра зенека’ и ‘Џонсон и Џонсон’“, објави Министерството.

Граѓаните кои се вакцинирале со „Спутник“ или „Синофарм“, како што соопшти Министерството, нема да можат да ги внесат овие вакцини во „зелениот пасош“ и нема да се третираат како вакцинирани, т.е. нема да можат да ги уживаат правата на вакцинираните.

„Широка понуда на тестирање е исто така достапна за луѓето кои доброволно биле вакцинирани со вакцини што не се одобрени во ЕУ“, изјави министерот за здравство Волфганг Микштајн во изјава за агеницјата АПА.

Прикажи повеќе...

Европа

Ердоган: Вирусот на исламофобијата ја претвора Европа во затвор на отворено за муслиманите

Објавено пред

Светот воопшто и, пред се, Европа, страдаат од вирусот на исламофобија, посочи турскиот претседател Реџеп Таип Ердоган, пренесува „Спутник“.

„ Вирусот на исламофобија, кој е опасен како коронавирусот, се шири брзо, особено во европските земји“, рече Ердоган во говор неделава, а неговите изјави беа цитирани од локалните медиуми.

Ердоган додаде дека муслиманите, вклучително и милиони Турци, се во опасност од злосторства од омраза во актуелсните услови.

„ Европа, каде што денес живеат 35 милиони муслимани, вклучително и 6 милиони Турци, се повеќе се претвора во затвор на отворено за нашите браќа и сестри“, тврди Ердоган, без да разјасни што сакал да каже.

Тој посочи дека актуелната безбедносна состојба е многу мрачна за муслиманите и дека во Европа постои сериозна закана за нивната безбедност. Турскиот претседател продолжи да ги напаѓа западните влади за нивно наводно непочитување на верските вредности на муслиманите под превезот на слободата на изразување.

Ероган го истакна неодамнешниот притисок на Франција за нов закон за екстремизам насочен кон зајакнување на републичканските вредности како секуларизмот, слободата, еднаквоста и братството во земјата. Според новиот закон, заедниците ќе бидат обврзани да потпишат повелба според овие национални принципи и да се соочат со ограничувања во износот на пари што нивните организации можат да ги добијат од странство.

Минатата година Ердоган исто така предупреди дека Европа  си го подготвува сопствениот крај со своите напади против муслиманите, посочувајќи на полициска рација во џамија во Германија поради сомневање за финансирање тероризам. Турскиот претседател во тоа време предупреди дека ако Европа не се ослободи од исламофобијата, тоа ќе ја сруши цела Европа однатре.

Истражувањето на „Пју“ од 2016 година покажа дека 25,7 милиони муслимани ја нарекуваат Европа дом и процени дека муслиманите би претставувале до 14 отсто од населението на континентот до 2050 година ако продолжат сегашните трендови на прилив на мигранти и демографски промени.

Прикажи повеќе...

Најново

Македонија1 час

13 починати и 112 нови случаи на Ковид-19 од 4.196 тестови

Министерството за здравство информира дека во последните 24 часа се направени 4.196 тестирања, а регистрирани се 112 нови случаи на...

Свет2 часа

(Видео) Израел во Газа уништи зграда во која се канцелариите на „Ал-Џезира“ и светски агенции

Израел во воздушен напад уништи зграда во која се сместени канцелариите на катарската телевизија „Ал-Џезира“, како и на светските новински...

Македонија3 часа

Заев: Законот за дивоградбите ќе се врати во Собрание, мора да ги спасиме домовите на сиромашните

Премиерот Заев вели дека не се откажува од носењето на Законот за легализација на дивоградбите. Откако претседателот Стево Пендаровски не...

Македонија4 часа

Родителите против дигитализација: Преку референдум ќе ги спасиме нашите деца

Oдборот на граѓанската иницијатива „Учебници и настава мора да има“ денеска одржа протест пред Министерството за образование, противејќи се на...

Македонија5 часа

Пристигнаа 100.000 кинески вакцини, на кутиите порака: „Пријателот во неволја е поблизок од брат“

Солидарноста и помошта тогаш кога е најпотребна, ја враќаат вербата во човештвото, напиша на социјалните мрежи министерот за здравство, Венко...

Македонија6 часа

МНР ги советува македонските граѓани да не патуваат во Израел

Министерството за надворешни работи, имајќи ја во предвид ескалацијата на безбедносната состојба во Израел, сугерира на македонските државјани да избегнуваат...

Македонија7 часа

Во болниците низ земјава има 536 ковид-пациенти, во Скопје за 24 часа хоспитализирани 22 лица

Вкупната бројка на пациенти позитивни и суспектни на коронавирусот кои се лекуваат на инфективните оддели во главниот град и во...

Свет8 часа

Најмалку 12 загинати во воздушнитe напади на Газа, срушена е и џамија

Палестинските власти потврдија дека најмалку 12 лица загинaле денеска во еден од неколкуте воздушни напади на северот на Појасот Газа,...

Македонија19 часа

Се исфрла мајонезот од исхраната во градинките, по труењето на децата во кумановската градинка

Министерството за труд и социјална политика соопшти дека ќе направи целосна ревизија на нормативите и стандардите за исхрана и оброци...

Македонија21 час

Починатата 33 – годишна пациентка имала четири операции, а не една како што било заведено во отпусното писмо

Семејството на 33-годишната пациентка, на која ѝ беше изваден миом од матката, го објави отпусното писмо и јавно бара одговорност...

Свет21 час

Русија официјално ги прогласи Чешка и САД за непријателски земји

Руската влада денеска официјално ги означи Чешка и САД како „непријателски земји“. Како што беше објавено на официјалниот портал за...

Свет23 часа

СЗО со порака до богатите земји: Наместо да ги вакцинирате децата, дајте ги вакцините на сиромашните

Светската здравствена организација денеска ги повика богатите земји да ги преиспитаат плановите за вакцинирање на деца против Ковид-19 и наместо...

Македонија1 ден

16 починати и 30 нови случаи на Ковид-19 од 1.658 тестирања

Министерството за здравство информира дека во последните 24 часа се направени 1.658 тестирања, а регистрирани се 30 нови случаи на...

Македонија1 ден

Грчките гранични служби го отворија преминот Евзони за македонските граѓани

Од 13 часот е почнато да се пропуштаат возила кон Грција на граничниот премин Евзони. По застојот што настана изутринава...

Македонија1 ден

Пендаровски не го потпиша указот за легализација на бесправно изградените објекти

Претседателот Стево Пендаровски го извести претседателот на Собранието на Република Северна Македонија, Талат Џафери, дека одлучи да не го потпише...

Македонија1 ден

Филипче: Помладите ќе почекаат за вакцинација

Пријавените за вакцина преку vakcinacija.mk најдоцна до понеделник ќе добијат термини за вакцинација, рече денес министерот за здравство, Венко Филипче....

Европа1 ден

Германски виролог предупредува на опасност од четврти бран на вирусот

Германскиот виролог Хендрик Штрек очекува дека ситуацијата во врска со коронавирусот сигурно ќе се влоши наесен и дека е можен...

Свет1 ден

Борел: Европската Унија не е способна да го запре Израел

Жосеп Борел, високиот комесар на ЕУ за надворешна и безбедносна политика, изјави дека Европската Унија не е во состојба да...

Свет1 ден

Во Индија повеќе од 24 милиони заразени од коронавирус, индискиот сој се шири во целиот свет

Бројот на пријавени случаи на Ковид-19 во Индија се искачи на повеќе од 24 милиони лица, а индискиот сој на...

Свет1 ден

Се разгорува воениот конфликт на Блискиот Исток, стотици мртви и ранети

Израелската армија ги засили нападите врз Газа, а од Газа веќе петти ден по ред и натаму се лансираат ракети...

Досие