Свет
Објавени сателитски снимки од Бејрут пред и по експлозијата
Руската вселенска агенција „Роскосмос“ објави сателитски фотографии од пристаништето во Бејрут пред и по вчерашната експлозија. Покрај нив, фотографии објави и една израелска и една француска компанија.
Последствия взрыва в порту Бейрута 4 августа 2020 года. Фотография с российского спутника дистанционного зондирования Земли «Канопус-В» pic.twitter.com/JW5A6J4fy0
— РОСКОСМОС (@roscosmos) August 5, 2020
Првата фотографија е од 4 ноември 2019 година, на неа се гледаaт голем број магацини, хангари и други објекти во близина на водата. Другата фотографија е направена денеска и на неа видливи се само контурите на предметите во пристаништето.
Before/After satellite image over Beirut, #Lebanon ?? taken by Pléiades satellites?
Before: 25 Jan. 2020
After: 5 Aug. 2020
Copyright @Cnes/@AirbusSpace pic.twitter.com/YdgJ8UY2PF— Airbus Space (@AirbusSpace) August 5, 2020
Фотографиите ги направил рускиот сателит „Канопсус-В“, пренесе „Спутник“.
#Lebanon: #ISI #satellite image from #today reveals the severe damages caused by the explosion in #Beirut port.#BeirutExplosion #beirut_بيروت #beirutblasts pic.twitter.com/vLLGI8HAjI
— ImageSat Intl. (@ImageSatIntl) August 5, 2020
Фотографиите од вселената ги објави компанијата „Ербас спејс“, како и израелската компанија „Имиџ сат интернешнал“.
„Ербас“ објави фотографии од францускиот сателит „Плејада“. На нив се гледа дека сите магацини во пристаништето се уништени, а од станбените згради останале само урнатини.
#Líbano | El crucero Orient Queen, se hundió en el puerto de Beirut tras resultar dañado por las explosiones registradas allí este martes. Dos personas que se encontraban a bordo murieron y otras siete, integrantes de la tripulación, resultaron heridas. pic.twitter.com/qaNhSs70jn
— Óscar Peraza (@_OscarPeraza) August 5, 2020
Израелската компанија на своите објавени фотографии обележала размери на кратерот кој останал по експлозијата, како и површината зафатена од потресот. Исто така објавила и фотографија од крузерот „Ориент квин“, кој од силината на ударот се превртел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) „Немаме претензии кон Грција“ – Рама на собир со дијаспората во Атина откако доби дозвола од Мицотакис
Албанскиот премиер Еди Рама е во Грција, каде на собир одржан во Атина рече дека односите меѓу двете земји не можат „да се удават во лажица вода што ја носи секојдневната политика“, и дека Албанија нема претензии кон Грција.
Рама претходно доби дозвола од грчките власти за да одржи собир со албанските граѓани. Грчката опозиција се спротивстави на посетата на албанскиот премиер, но Рама на крајот доби дозвола од премиерот Киријакос Мицотакис кој искоментира дека посетата е непотребна, пишува „Еуроњуз“.
„Мислам дека темата доби малку повеќе публицитет отколку што навистина заслужува. Ако ме прашувате дали времето на оваа посета, неколку недели пред европските избори и со отворените прашања за грчкото национално малцинство во Албанија, е вистинскиот, ќе ви кажам дека не е баш најсоодветното време. Но, како и да е, да не му даваме и поголема важност“, рече Мицотакис.
Рама на средбата со Албанците во Атина истакна дека тие станале гордост на Албанија во тој дел од Европа.
„Вие сте најголемиот, најсилниот, најубавиот доказ за оваа поврзаност со милиони нераскинливи нишки на два народа“, рече Рама.
Тој изјави дека на грчките граѓани во Албанија не им е ускратено правото да гласаат поради нивното етничко потекло.
„Ниту еден ваш проблем не се разликува од било кој проблем на граѓаните на Албанија. Во ниту еден случај албанската држава на етничките Грци не им го ускрати правото на вера, јазик или имот. Никогаш не им беше ускратено правото на глас поради нивното потекло“, продолжи тој.
Рама истакна дека политиката мора да знае дека судбините на Албанија и Грција се неразделни. Тој ги повика Грците да дојдат во Албанија не само на одмор, туку и да инвестираат.
„Грците беа, се и ќе бидат добредојдени во Албанија не само да се одморат туку и да работат, да отвораат продавници, да основаат фирми, да отвораат инвестициски линии за да имаат корист од многу помал даночен режим отколку во Грција. Албанија е толку добредојдена за Грците што не им прави никакви проблеми“, рече Рама.
Тој додаде дека Албанија нема претензии кон Грција.
„Албанија нема претензии кон Грција, освен меѓусебно почитување, взаемна грижа за сонародниците кои живеат во нашите две земји, меѓусебни односи на пријателство и добрососедство. И не само тоа, Албанија ја гледа Грција како природен стратешки партнер, било за прашања кои треба да се решат меѓу нас или за големите предизвици на оваа нова ера, можности, но и закани за Балканот, Европа и демократскиот свет. Ги гледаме како причина да се зближиме и подобро да се запознаеме“, рече Рама и најави дека ќе се формира Албанско-грчка стопанска комора.
Свет
САД: Израел нема убедлив план за заштита на цивилите во Рафа
Американскиот државен секретар, Ентони Блинкен, денеска ја бранеше одлуката за одложување на испораката на 3.500 бомби на Израел поради загриженоста дека тие ќе бидат користени во напад врз градот Рафа во јужна Газа, велејќи дека Израел нема убедлив план за заштита на 1,4 милиони цивили кои се засолниле таму.
Зборувајќи за „Еј-би-си њуз“, Блинкен рече дека Џо Бајден останува посветен да му помогне на Израел да се одбрани и дека испораката на 3.500 бомби со тежина од 900 и 230 килограми е единствениот американски пакет со оружје што е задржан.
„Бајден јасно стави до знаење дека ако Израел „покрене голема операција во Рафа, тогаш постојат одредени системи што нема да ги поддржиме и да ги снабдуваме за таа операција“, рече Блинкен.
„Навистина сме загрижени за начинот на кој тие се користат“, продолжи тој. Израел мора да „има јасен, убедлив план за заштита на цивилите, што сè уште не сме го виделе“.
1,4 милиони Палестинци се засолниле во Рафа, од кои многумина беа раселени од другите делови на Газа каде што побегнаа од борбите и израелските бомбардирања, поради големиот недостиг на храна и вода.
Најмалку 35.000 Палестинци се убиени во израелската воена операција во Газа, според Министерството за здравство на енклавата.
Војната почна со напад на Хамас врз јужен Израел на 7 октомври, во кој според израелските податоци загинаа околу 1.200 луѓе, а 250 беа киднапирани. Израел тврди дека во борбите загинале 620 војници.
Свет
Захарова: Евровизија ја надмина секоја оргија, ритуал на вештерки или ритуална сакрилегија
Портпаролката на руското Министерство за надворешни работи, Марија Захарова, на својот Телеграм канал го коментираше овогодишното издание на Евровизија.
„Евровизија 2024 ја надмина секоја оргија, ритуал на вештерки или ритуална сакрилегија. Погребите во Западна Европа се одвиваат вообичаено. Без изненадувања“, напиша таа.