Свет
Објавен документ на американските служби: Русите ќе ја нападнат Украина со 175.000 војници?

Не стивнуваат тензиите меѓу Москва, Киев и Вашингтон поради шпекулациите дека рускиот претседател Владимир Путин подготвува инвазија на Украина. Сега и американското разузнавање ги објави своите наоди за плановите на Русија за офанзива што би била изведена на повеќе фронтови, а која според процените, би опфаќала 175.000 војници и би можела да се случи веќе в година.
Разузнувачкиот документ со мапа за можната инвазија, со наслов „Потенцијал за 175.000 руски сили во близина на Украина: докази за планирање и неодамнешно движење на артилерија, опрема и човечка сила“ е добиен и објавен од „Вашингтон пост“, а за него има потврда од американски официјални лица.
Веќе извесно време е познато дека Русија трупа сили по должината на границата со Украина – односно и покрај старата граница, по должината на источната украинска покраина Донбас, која седум години е под контрола на руските сепаратисти, и покрај новата, која настана со руската анексија на полуостровот Крим.
Путин рече дека има закани за Русија со вежби на американските нуклеарни бомбардери, кои летаат над Црното Море, како и со американските системи за ракетна одбрана во Полска и Романија.
„Потребни ни се прецизни правни гаранции бидејќи нашите западни колеги не ги почитуваа нивните усни обврски“, рече рускиот претседател додавајќи дека сите знаат oти се дадени усни гаранции за непроширување на НАТО на исток (по распадот на СССР), а во реалноста се прави токму спротивното.
Вашингтон, кој се закани со сериозни последици во случај на руска инвазија, се надева дека ќе ги смири тензиите и ќе постигне некаков договор со Москва на виртуелната средба меѓу Путин и американскиот претседател Џо Бајден закажана за вторник. Самиот Бајден веќе јавно го предупреди Путин да не интервенира воено во Украина и најави нови иницијативи за заштита на оваа источноевропска земја, а состанокот на министрите за надворешни работи на НАТО во Рига, Латвија, минатата недела беше очигледно една од тие иницијативи.
„Плановите на Русија предвидуваат воена офанзива врз Украина уште на почетокот од 2022 година, со сили двојно поголеми од она што го видовме минатата пролет за време на вонредните руски вежби во близина на границите на Украина. Плановите вклучуваат опсежно движење на 100 тактички баталјони со околу 175.000 луѓе заедно со оклопни возила, артилерија и опрема“, изјавил претставник од американската администрација за „Вашингтон пост“ барајќи да остане анонимен за да може да ги открие овие чувствителни информации.
“U.S. intelligence has found the Kremlin is planning a multi-front offensive as soon as early next year involving up to 175,000 troops”
“The plans involve extensive movement of 100 battalion tactical groups with an estimated 175,000 personnel”https://t.co/05B5kC3iLb pic.twitter.com/PD1XMyUYxj— Rob Lee (@RALee85) December 4, 2021
Некласифицираниот документ на американските разузнавачки служби објавен од овој американски весник, а кој вклучува и сателитски фотографии, покажува како руските сили се собираат на четири места. Во моментот на бојното поле се распоредени 50 тактички групи заедно со новопристигнатите тенкови и артилерија, се вели во документот.
Интересно е што во документот на американското разузнавање се наведува помал број руски војници од процената на нивните украински колеги.
Според американската процена, таа бројка во моментот е околу 70.000, но Американците истовремено предупредуваат на опсежното движење на баталјонските тактички групи кон и од границата со цел, како што се вели, да се прикријат намерите и да се создаде неизвесност.
If this assessment is true— and as someone who lived this at the pentagon in 2014- Javelins, drones, pictures of pallets of bullets delivered, saying the words “ironclad”, will not stop a force like this, if it moves. The choices are now go all in, or find the off-ramp. pic.twitter.com/EYn8tQD9qT
— Dara Massicot (@MassDara) November 21, 2021
Според украинската војска, бројот на руски војници распоредени по должината на украинската граница во моментот е околу 94.000 што, како што наведуваат украинските служби, веројатно не е доволно за успешна инвазија, но може да биде основа за подготовка за инвазија за многу кратко време.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Шефот на СЗО го повика Израел да покаже милост во Газа: Замислете како луѓето страдаат

Шефот на Светската здравствена организација (СЗО) го повика Израел да покаже милост во војната во Газа.
Во емотивно обраќање на годишното собрание на СЗО вчера, Тедрос Аданом Гебрејесус, рече дека војната му штети на Израел и нема да донесе трајно решение.
„Можете да замислите како страдаат луѓето. Навистина е погрешно да се користи храната како оружје. Многу е погрешно да се користат медицински материјали како оружје.“
Обединетите нации вчера почнаа со дистрибуција на помош, доставена со околу 90 камиони. Ова се првите испораки на помош за Газа откако Израел воведе целосна блокада на 2 март.
Тедрос рече дека само политичко решение може да донесе значаен мир.
„Повикот за мир е всушност во најдобар интерес на самиот Израел. Сметам дека војната е штетна за самиот Израел и нема да донесе трајно решение“, рече тој.
„Ве молам, можете ли да имате милост? Добро е за вас и добро е за Палестинците. Добро е за човештвото.“
Извршниот директор на Програмата за здравствени итни случаи на СЗО, Мајкл Рајан, изјави дека 2,1 милиони луѓе во Газа се „во непосредна опасност од смрт“.
„Мораме да го запреме гладот, мора да ги ослободиме сите заложници и мора да се снабдиме сами и да го вратиме здравствениот систем во функција“, рече тој.
„Како поранешен заложник, можам да кажам дека сите заложници треба да бидат ослободени. Нивните семејства страдаат“, додаде тој.
СЗО соопшти дека жителите на Газа страдаат од сериозен недостиг на храна, вода, медицински материјали, гориво и засолниште. Четири големи болници мораа да ги прекинат медицинските услуги минатата недела поради близина до конфликтни или евакуациски и нападни зони.
„Само 19 од 36 болници во Појасот Газа остануваат оперативни, а персоналот работи во невозможни услови“, се вели во соопштението на здравствената агенција на ОН. „Најмалку 94 проценти од сите болници во Појасот Газа се оштетени или уништени“, се вели во соопштението, додека северна Газа е „лишена од речиси секаква здравствена заштита“.
Се наведува дека на целата палестинска територија се достапни само 2.000 болнички кревети – бројка недоволна за задоволување на моменталните потреби.
Свет
Напаѓачот на Израелците во Вашингтон обвинет за убиство: „Може да добие смртна казна“

Маж роден во Чикаго е уапсен како единствен осомничен за пукањето во кое беа убиени двајца вработени во израелската амбасада пред Музејот на еврејското наследство во Вашингтон. Вчера тој беше обвинет во федералниот суд по две точки за убиство од прв степен.
Елијас Родригез, 31, е обвинет дека отворил оган врз група луѓе во средата навечер додека тие излегувале од настан за млади дипломати организиран од Американскиот еврејски комитет, група која го поддржува Израел и се бори против антисемитизмот. Официјалните лица изјавија дека откако бил уапсен, се слушнал како скандира „Слободна Палестина“.
Покрај убиство од прв степен, Родригез е обвинет за убиство на странски службени лица, предизвикување смрт со огнено оружје и пукање со огнено оружје во насилно кривично дело. Жртвите на Родригез беа идентификувани како 30-годишниот Јарон Лишински и 26-годишната Сара Лин Милгрим, млад пар кој требало да се сврши.
Пријателите и членовите на групите на кои им припаѓале рекле дека двојката била посветена на градење мостови меѓу Арапите и Евреите со надеж дека ќе го запре крвопролевањето на Блискиот Исток.
По пукањето, израелските амбасади низ целиот свет веднаш ги засилија безбедносните мерки. Вршителката на должноста државен обвинител на округот Вашингтон, Џанин Пиро, изјави дека пукањето се истражува како терористички чин и дека би можеле да следат дополнителни обвиненија.
Пиро рече дека е „прерано“ да се каже дали ќе бара смртна казна, но дека тоа е „случај за кој се бара смртна казна“.
Свет
Путин е уверен дека ја добива војната: протече дел од разговорот меѓу Трамп и рускиот лидер

Според „Волстрит журнал“, американскиот претседател Доналд Трамп во приватен телефонски разговор со европските лидери рекол дека рускиот претседател Владимир Путин не сака да ја заврши војната бидејќи верува дека победува. Оваа информација според медиумот ја потврдиле три лица запознаени со разговорот.
„Во понеделникот, за време на телефонски разговор со европските лидери, претседателот Трамп изјави дека рускиот претседател Владимир Путин не е подготвен да ја заврши војната во Украина бидејќи мисли дека победува“, напиша WSJ, повикувајќи се на свои извори.
Како што известуваат, тоа е потврда за она во што европските лидери се сомневаат долго време, но ова е прв пат да го слушнат директно од Трамп. Неговата изјава е во спротивност со неговите претходни јавни тврдења дека Путин искрено сака мир, според написите.
По разговорот со Путин, Трамп извести за своите разговори за време на телефонскиот разговор со францускиот претседател Емануел Макрон, италијанскиот премиер Џорџо Мелони, финскиот претседател Александар Стабс, германскиот канцелар Фридрих Мерц и украинскиот претседател Володимир Зеленски, објави украинскиот UNN.
Според информациите на Аксиос, некои европски лидери изгледале изненадени или дури и шокирани од изјавите на Трамп.
Белата куќа одби да го коментира извештајот, цитирајќи ја објавата на Трамп на социјалните мрежи во која тој рече: „Тонот и духот на разговорот беа одлични. Да не беше така, веднаш ќе го кажев тоа.“