Контакт

Свет

Објавен список од 7 европски земји во кои можат да патуваат Американците

Објавено пред

Седум европски земји се отворени за туристички посети на Американци, а меѓу нив е и Хрватска.

Грција, Исланд, Црна Гора, Србија, Кипар, Грузија и Хрватска се на списокот на земји за кои „Вашингтон пост“ вели дека американските граѓани можат да патуваат во моментот.

За да влезат во Хрватска, американските туристи мораат да покажат негативен тест за Ковид-19 не постар од 48 часа, доказ за завршена вакцинација или дека го прележале коронавирусот, како и доказ за платено сместување во хотел, стан или камп. Од американската амбасада велат дека резервацијата за сместување не е доволна и потребен е доказ за плаќање.

Посетителите можат да платат за тест и да го направат по пристигнувањето, но мора да бидат во самоизолација додека не пристигнат резултатите. Режимот е сличен и во другите шест земји отворени за странски туристи, пишува „Вашингтон пост“.

Исто така, се наведува дека поголемиот дел од Европа сè уште е затворен за американските туристи и дека планирањето се одвива отежнато, а Американците мора да покажат негативен резултат од ПЦР тест не постар од три дена пред да се качат во авион.

Регион

Швајцарски весник со истражување: Зошто Балканот е легло на антиваксери?

Објавено пред

Весникот Ноје Цирхер Цајтунг (НЗЗ), на почетокот на анализата од дописникот на Југоисточна Европа, Волкер Пабст, истакнува дека до неодамна, Србија важела за земја со најголема стапка на вакцинација против коронавирус во Европа (покрај Велика Британија).

Но, во меѓувреме, кампањата, како што се наведува во текстот, постепено забавува. Како главна причина се посочува недовербата на граѓаните кон вакцинацијата. Тоа е и една од причините за отворање на српската програма за вакцинација за граѓаните од соседните држави.

„Фактот што Србија ја отвори својата програма за вакцинација за странци во март, покрај ПР-ефектот, е поврзан и со вишокот на вакцини. Во тоа време, само една четвртина од возрасните српски граѓани се пријавиле за вакцинација“, пишува НЗЗ во своето понеделничко издание, а пренесува „Дојче веле“.

Исто така, се посочува дека кампањата станала толку тешка што претседателот на Србија, Александар Вучиќ, сега ги наградува сите оние што ќе решат да се вакцинираат со по 3.000 динари (околу 25 евра), што е околу една десетина од минималецот. НЗЗ наведува дека не е подобро ниту во соседството и посочува за тоа како властите во Република Српска во БиХ, телефонски ги повикуваат оние кои сè уште не се вакцинирани. Но, и тоа не е успешно.

„Една лекарка од Бања Лука сведочи дека од петмина повикани граѓани само еден одговорил на повикот за вакцинирање“, пишува НЗЗ. Слично е и во Косово и во Северна Македонија. Весникот се повикува и на анкета од агенцијата „Галуп“ која покажува дека, со исклучок на некои земји настанати од распадот на Советскиот Сојуз, ниту еден дел од светот не е толку скептичен за вакцинацијата против коронавирус како Источна и Југоисточна Европа.

„Во Босна и Херцеговина и Унгарија, само тројца од десет испитаници би примиле вакцина. На Косово 32 проценти, во Бугарија 33 проценти. И во Албанија, Црна Гора, Северна Македонија, Србија, Романија и Чешка помалку од 40 проценти од луѓето се подготвени да бидат вакцинирани“. НЗЗ наведува дека испитувањето било спроведено во 2020 година, кога многу малку се знаело за вакцините. Но, сепак во текстот додава: „Оттогаш, довербата порасна во многу делови на светот, но не и во Југоисточна Европа“.

Овој скептицизам кон државните кампањи за вакцинација, авторот го поврзува со недовербата кон државата што датира од социјалистичкиот период, со посебен акцент на маргинализираните групи на населението, како што се Ромите.

Но, уште поголема улога во создавањето недоверба, според НЗЗ, се припишува на посебната подготвеност на жителите од овој дел на Европа да ги прифатат различните теории на заговор поврзани со вакцинацијата. Според извештајот на групацијата The Balkans in Europe Policy Advisory Group (BiEPAG) во САД и Западна Европа е забележана подготвеност за прифаќање на теории на заговор во врска со вакцините кај максимум 25 проценти од населението. Во исто време, оваа вредност во земјите од Југоисточна Европа некаде е и двојно поголема. „Повеќе од 60 проценти од анкетираните веруваат дека фармацевтската индустрија придонела за ширење на вирусот, а скоро половина веруваат во вмешаноста на Бил Гејтс или американската воена индустрија“.

Според весникот, геополитичка поларизација е видлива и во фактот што мнозинството жители на Република Српска ја претпочитаат руската вакцина „Спутник в“. На Косово, пак, владата категорично ги отфрла вакцините од Русија и Кина од политички причини затоа што Москва и Пекинг не ја признаваат независноста на поранешната српска покраина.

Медиумските кампањи што би помогнале да се спречи ширењето на теории на заговор се попречени, според НЗЗ.

„Скоро и да нема медиуми кои би се спротивставиле на социјалните мрежи преку кои се шират претежно лажни информации… Во авторитарните земји како што се Србија и Албанија, но и членки на Европската унија како Бугарија, преовладуваат сензационалистички, владини, масовни медиуми, кои често придонесуваат за ширење лажни информации“, се наведува во текстот.

Прикажи повеќе...

Свет

Ердоган: Ќе го мобилизираме целиот свет против Израел

Објавено пред

Турскиот претседател Реџеп Таип Ердоган, во одделни телефонски разговори со шефот на палестинската национална администрација Махмуд Абас и шефот на политичкото биро на движењето Хамас, Исмаил Ханије, најавил дека ќе стори сѐ што е во негова моќ да го мобилизира целиот свет, особено исламски, за да се запре како што рекол, теророт на Израел против Палестинците.

„Оценувајќи ги израелските напади во Ерусалим како терор, ја изразив (во разговорот со палестинските лидери) мојата остра осуда за овие подмолни напади што се навреда за совеста, не само на муслиманите, туку и на целото човештво. Нагласив дека ќе сториме сè за да го мобилизираме целиот свет, особено исламскиот, за да се стави крај на теророт и окупацијата“, напиша Ердоган на „Телеграм“.

Тој додаде дека Турција секогаш ќе биде на страната на палестинските интереси, ќе застане покрај своите палестински браќа и ќе ја заштити честа на Ерусалим.

Претходно, израелската армија донесе одлука за зголемување на присуството на границата со Појасот Газа, бидејќи во последно време продолжи ракетирањето од енклавата кон територијата на Израел.

Покрај тоа, конфликтите во источен Ерусалим траат веќе неколку дена.

Според податоците на Црвената полумесечина во Ерусалим, само минатата ноќ, 80 лица биле повредени во конфликтот меѓу Палестинците и израелската полиција.

Прикажи повеќе...

Европа

Џонсон даде зелено светло за внимателни прегратки

Објавено пред

Британскиот премиер Борис Џонсон денеска даде зелено светло за прегратки со претпазливост и послужување пиво во пабовите, по неколку месеци строги ограничувања.

Владата во февруари објави план во четири чекори за постепено ублажување на социјалните ограничувања, а следната фаза треба да стапи на сила идната недела.

Џонсон рече дека владата ќе им овозможи на семејствата и блиските пријатели сами да носат одлуки за социјалните контакти, но ги повика луѓето да не ја занемаруваат претпазливоста и рече дека одржувањето на растојание е задолжително на работните места, во продавниците и рестораните, пренесува „Ројтерс“.

„Ова отклучување е многу важен чекор на патот кон враќање во нормала и јас сум убеден дека ќе можеме да одиме понатаму“, рече Џонсон на прес-конференција.

Повторното отворање ќе се однесува само на Англија, а полуавтономните влади на Шкотска, Северна Ирска и Велс ќе воспостават свои правила.

Главните медицински лица во земјата исто така денеска го намалија нивото на предупредување за Ковид-19, што значи дека епидемијата циркулира, но пренесувањето не е веќе високо и не расте експоненцијално.

Прикажи повеќе...

Најново

Регион5 часа

Швајцарски весник со истражување: Зошто Балканот е легло на антиваксери?

Весникот Ноје Цирхер Цајтунг (НЗЗ), на почетокот на анализата од дописникот на Југоисточна Европа, Волкер Пабст, истакнува дека до неодамна,...

Свет8 часа

(Видео) Се огласија сирените за напад, истрелани ракети кон Ерусалим

Неколку минути откако стапи на сила ултиматумот на палестинската милитантна организација Хамас, кој беше испратен до израелската влада за да...

Македонија11 час

Потврдени 25 случаи на коронавирус во Македонија, 16 лица починаа

Во последните 24 часа во Македонија се потврдени 25 случаи на коронавирус, 16 лица починаа, а 408 пациенти оздравеа, соопшти...

Македонија12 часа

Филипче: Значајно се испразнети болниците, хируршките одделенија се вратени во функција

Eпидемиолошката крива е во опаѓање и бројот на хоспитализирани пациенти во континуитет се намалува во изминатите денови, изјави министерот за...

Македонија12 часа

Инспекторатот за животна средина: Рудникот „Казандол“ не претставува опасност

Рудникот „Казандол“ во моментот не претставува опасност за животната средина и локалното население, соопшти Државниот инспекторат за животна средина, кој...

Македонија14 часа

Средба Заев – Фон дер Лаен: Идентитетски прашања не смее да бидат на масата за разговори

Претседателот на Владата на Република Северна Македонија, Зоран Заев, во рамките на посетата на Брисел, оствари средба и со претседателката...

Македонија16 часа

Заев од Брисел: Идентитетот не може да биде причина за блокада на европските интеграции

Премиерот Зоран Заев, придружуван од заменик-претседателот во Владата за европски прашања, Никола Димитров, министерот за надворешни работи, Бујар Османи, и...

Македонија17 часа

Од 12 до 18 мај полициски час од 24 часот, дозволено да биде и организирање настани на затворено

Кризниот штаб предложи олеснување на рестриктивните мерки – полицискиот час да почнува од 24 часот, угостителските објекти да работат до...

Свет18 часа

(Видео) Застрашувачки снимки од Индија, пациенти оставени да умираат, лекарите се кријат

Во Индија се појавија застрашувачки снимки од пациенти заразени од коронавирус, кои, според тврдењата на нивните семејства, лекарите ги оставиле...

Свет19 часа

(Видео) Пет лица повредени при напад со нож на Нов Зеланд

Пет лица се повредени, а три се во критична состојба кога биле прободени со нож во супермаркет на Нов Зеланд,...

Свет19 часа

Состанок на министрите за надворешни работи на ЕУ, фокусот е Западен Балкан

Шефовите на дипломатиите на Европската Унија денеска во Брисел ќе одржат дискусија за посилен политички ангажман на ЕУ со партнерите...

Свет19 часа

(Видео) Седум лица убиени на роденденска забава во Колорадо

Седум лица, вклучително и напаѓачот, беа убиени синоќа во пукање на роденденска забава во Колорадо Спрингс во американската држава Колорадо,...

Македонија2 дена

Регистрирани нови 135 заболени и 14 починати од коронавирус во земјата

Во последните 24 часа се направени 1.993 тестирања, а регистрирани се 135 нови случаи на КОВИД-19 во: Скопје – 74,...

Свет2 дена

(Видео) Илон Маск призна дека има Аспергеров синдром на телевизиско шоу

Елон Маск откри дека има Аспергеров синдром, за време на неговото гостување во американското ТВ-шоу „Saturday Night Live“. Тој откри...

Регион2 дена

(Видео) Хрватскиот министер за здравство вакцинираше граѓани

Хрватскиот министер за здравство, Вили Берош заедно со лекарите на Хрватскиот институт за јавно здравје и Наставниот институт за јавно...

Топ2 дена

Се преврте автомобил кај клучката Коњари, загина 27 годишник

Во сообраќајна несреќа што се случи вчера попладне на автопатот Скопје-Штип, во близина на клучката Коњари, загина 27 годишно лице...

Македонија2 дена

Во болниците во земјата од коронавирус се лекуваат 760 пациенти

Вкупната бројка на пациенти позитивни и суспектни на корона вирусот кои се лекуваат на инфективните одделенија во главниот град и...

Македонија2 дена

(Видео) Колариќ: Шилегов делел субвенции за инвертер клими на партиски луѓе

Советничката на ВМРО-ДПМНЕ во Град Скопје, Светлана Колариќ на денешната прес-конференција обвини за измама и злоупотреба во врска со најавените...

Македонија2 дена

Во земјава досега втора доза вакцина против Ковид-19 примиле 22.900 граѓани

На вакциналните пунктови во државата заклучно со вчера вакцинирани се вкупно 107.978 граѓани, а ревакцинирани се 22.900 граѓани. Прва доза...

Свет2 дена

(Видео) Путин: Секогаш ќе се сеќаваме дека величествената победа над нацизмот ја постигна советскиот народ

Претседателот на Русија, Владимир Путин, на почетокот на традиционалната воена парада во Москва, им го честиташе на граѓаните Денот на...

Досие