Европа
(Видео) Одржан концерт на Бадник во „Нотр Дам“
Во париската катедрала „Нотр Дам“ се одржа хорски концерт за Бадник, кој традиционално се одржува секоја година во Франција. Тоа е прв концерт по пожарот во кој таа беше речиси уништена. Концертот беше снимен во катедралата порано во текот на месецот, а беше емитуван на француската телевизија синоќа нешто пред полноќ, пренесува „Ројтерс“.
Членовите на хорот носеа заштитни кациги и костими со оглед на фактот дека катедралата сè уште е во фаза на реконструкција, а немаше публика.
Rendez-vous Jeudi 24 au soir sur @France2tv pour le concert à @notredameparis présenté par @bernstephane avec @henrichalet @MusiqueSNDP et @juliefuchssop .@HeleneSegre @rebatirNDP pic.twitter.com/gontnVZNdI
— Gautier CAPUÇON (@GautierCapucon) December 22, 2020
Хорот изведуваше класични дела од Моцарт и Шуберт, како и нешто полесен репертоар, вклучително и „Џингл белс“.
„Беше многу трогателно, првпат бевме сите во ‘Нотр Дам’ од пожарот, па моментот беше многу емотивен“, изјави виолончелистот Готје Каписон во интервју за телевизијата „Франсинфо“.
Катедралата, изградена во 13 век во април 2019 година, беше зафатена со оган, кој ги уништи покривот и кулата.
Францускиот претседател, Емануел Макрон, вети дека катедралата ќе се реконструира во рок од пет години, но досега најголемиот дел од работата беше насочен кон подобрување на безбедноста во зградата, вклучително и расчистување на токсичното олово од покривот и кулата, кои се стопија во огнот.
Познатата туристичка атракција беше затворена за јавноста, а одржувањето миси беше откажано.
Во април годинава седум лица добија дозвола да присуствуваат на церемонијата што се одржа на Велипеток.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.