Регион
(Од минута на минута) Расте бројот на жртви во Атина – 74 загинати и 164 повредени
Според официјалните податоци на Пожарната служба, во пожарот во Атина загинале 74 лица, а 164 се повредени. Жртвите, меѓу кои има и деца, сè уште не се идентификувани.
Според тамошните медиуми, ваква огнена стихија не се памети изминативе десет години.
Шумските пожари избувнаа во западниот и источниот крај на Атина по високите температури, кои беа над 40 Целзиусови степени, и силниот ветер. Пожарникарите соопштија дека имало и над 150 повредени, некои од нив потешко и оти може бројот на жртвите да биде поголем. Грчкиот премиер, Алексис Ципрас, ја прекина посетата на Босна и Херцеговина и се врати во земјата, при што побара помош од Европската Унија и војската.
17.15 ч Грчкиот Црвен крст отвори сметка за поддршка на жртвите
Грчкиот Црвен крст отвори банкарска сметка на која луѓето и фирмите може да донираат средства за помош на лицата погодени од пожарот
17 ч Одморалиштето Мати, ден по срмтоносните пожари
16 ч – Застрашувачки видеа од пожарите во Атина снимени од авион
Колку е голем размерот и силата на смртоносните пожари што ја зафатија Атина и околината покажуваат видеата направени од авион и од хеликоптер кои се објавени на социјалните мрежи.
15.10 ч – Итна солидарна помош на град Скопје за Атина
Градоначалникот Шилегов денеска телефонски разговараше со градоначалникот на Атина, Јоргос Каминис, и му изрази длабоко сочувство за загинатите граѓани во стихијниот пожар што ја зафати околината на Атина.
Градот Скопје ќе ѝ испрати милион денари помош на Атина за настраданите во пожарите. Ова е прва итна мерка на Градот Скопје и тој останува отворен за каква било помош доколку дополнително се побара.
15:29 Помош и од Меркел
Германската канцеларка, Ангела Меркел, понуди денеска помош за Грција во борбата против пожарите што избувнаа во близина на Атина, јавија германските медиуми.
Во телеграмата со сочувство упатено до грчкиот премиер, Алексис Ципрас, Меркел наведе дека Германија цврсто стои покрај грчките пријатели.
13.49 ч – Путин понуди помош
Рускиот претседател, Владимир Путин, изрази сочувство до грчките власти во врска со смртоносните пожари во земјата и им понуди помош за санирање на последиците, соопшти Кремљ.
13.20 ч – Тридневна жалост во Грција
Грчкиот премиер, Алексис Ципрас, прогласи тридневна жалост во Грција.
13.00 ч – Грчки доктор тврди дека луѓето во Мати загинале за само еден час
„Сè се случило за само еден час, дури и помалку. Дувал силен ветер и луѓето не можеле да реагираат. Тие се обиделе да побегнат кон морето. Во текот на целата ноќ жителите се обидувале да се спасат, качувајќи се во чамци. Се плашам дека бројот на жртви може да биде двојно поголем. Сè уште се трага по исчезнатите“, вели лекарот.
12.30 ч – Војската ги зајакнува патролите
Грчкиот совет за одбрана испрати специјално обучени членови на вооружените сили и на Националната гарда во помош на патролите за цивилна заштита за спречување на пожарите, пишува грчкиот портал „Катимерини“.
Министерот за одбрана, Панос Каменос, свика седница на Советот, откако ја надлета и од воздух ја виде состојбата во областа зафатена од пожарите. Советот одлучил грчките и сојузните дронови и летала да ѝ помогнат на цивилната одбрана во собирање податоци за состојбата од различни делови на земјата коишто се под ризик од пожари или од намерно подметнување огнови. Мерките се воведуваат по шекулациите дека пожарите во источна Атика, како и неколку пожари во регионот на Коринт се подметнати.
12.15 Бројот на мртви над 60
Најмалку 60 лица загинаа во шумските пожари кои од вчера го зафатија регионот источно од Атина.
12.00 ч – Новинар стигна до местото каде што изгореа 26 луѓе
„Ова е најужасната сцена што некогаш сум ја видел“, сведочи грчкиот новинар Костас Коукумакас, кој е на местото на настанот во одморалиштето Мати, каде што во вила на 25 километри североисточно од главниот град беа пронајдени 26 запалени тела.
11.10 ч – Јункер вети помош
Претседателот на Европската комисија, Жан Клод Јункер, разговараше со грчкиот премиер, Алексис Ципрас, и му ветил дека ЕК ќе ѝ помогне на Грција на секој можен начин. Јункер изрази и сочувство поради жртвите во пожарите во Грција.
11.04 ч – Снимка од авион
11 ч – Тешки времиња за Атика и Грција
Грчкиот премиер, Алексис Ципрас, кој ја прекина посетата на Босна и Херцеговина поради големите пожари во околината на Атина, изјави дека ова е тешко време за Атика и за Грција. Според последните податоци, во пожарите настрадаа 54 лица, додека околу 150 се повредени.
10.45 ч – Нема повредени македонски државјани
Министерството за надворешни работи досега нема добиено информаци за македонски државјани кои се обратиле за помош во дипломатско-конзуларните претставништва во Грција, како засегнати од пожарите што ја зафатија Атика. Тие додаваат дека во овој момент се комуницира и со институциите од регионот на Атина, но и со засегнатите служби.
10.26 – Шпанија испрати два авиона
Шпанската влада соопшти дека испратила два авиона во Грција за гаснење на пожарите со цел да им помогнат на грчките пожарникари. Шпанското Министерство за земјоделство соопшти дека секој од авионите може да носи по 5,5 тони вода.
9.45 ч – Пристигнува помош од Европа
Авиони за гаснење на пожарите во Грција пристигнуваат од Италија, Германија, Франција и Полска.
La Grecia brucia: https://t.co/yNXcc6UuJk
emergenza incendi vicino Atene, almeno 50 morti??#Grecia #incendi #greecefire ?
Foto: Forecast Weathere Greece pic.twitter.com/zZdMnDpcmR— 3B Meteo (@3BMeteo) July 24, 2018
9.27 ч – Пронајдени 26 изгорени тела
Во една вила во одморалиштето Мати, на 25 километри североисточно од главниот град, пронајдени се 26 запалени тела. Како што пренесува грчкиот Црвен крст, се претпоставува дека станува збор за членови на едно семејство, а повеќето од нив се пронајдени прегрнати.
9.09 ч – Прогласена вонредна состојба
Грките власти прогласија вонредна состојба во околината на Атина поради силните пожари што синоќа ја зафатија земјата.
9.01 ч – Спасени туристи од Данска
Спасителите пронашле група од десет туристи од Данска, кои минатата ноќ, бегајќи од огнот, со чамец отпловиле во непознат правец.
9 ч – Македонија ќе испрати два авиона за гаснење на пожарите во Грција
Првиот човек на Дирекцијата за заштита и спасување, Аднан Џаферовски, вели дека од синоќа се во постојан контакт со центрите во Грција, каде што околината на Атина ја има зафатено огнена стихија каква што не се памети изминативе десет години.
8.52 ч – Повеќе од 300 пожарникари се борат со огнената стихија
Досега се спасени 80-ина луѓе, а во акциите за гаснење на пожарите се ангажирани над 300 пожарникари, со повеќе од 60 возила. Пожарникарите се борат да ја заштитат зоната околу летувалиште што се наоѓа североисточно од Атина.
Според зборовите на портпаролот на грчката влада, Димитрис Ѕанакопулос, 15 пожари избиле во исто време на три локации околу Атина.
8.20 ч – Грција бара помош од ЕУ
Грција побара помош од ЕУ, а Шпанија и Кипар сами ѝ понудија помош за справување со пожарите во кои изгореа над 100 куќи и повеќе од 200 возила.
8.07 ч – Пронајдени двајца од исчезнатите туристи
Грките медиуми јавија дека десет лица, најверојатно, туристи од Данска, исчезнале кога бегајќи од огнот, влегле во чамец и се упатиле во непознат правец. Грчката крајбрежна стража почна акција за нивно пронаоѓање и спасување, при што двајца се пронајдени, а по другите се трага.
7.55 ч – Населбата Мати веќе не постои
„Мати повеќе не постои како населба. Видов тела, изгорени автомобили. Се чувствувам среќна што сум жива“, сведочат жителите на Грција за огнената стихија што ја зафати околината на грчкиот главен град Атина.
7.40 ч – Меѓу жртвите има и бебе
Извлечени се уште четири тела од водата, а меѓу жртвите има и шестмесечно бебе, кое, најверојатно, се задушило од чадот. Бројот на жртвите порасна на 24.
7.35 ч – Пожарот ги зафати регионите источно и западно од Атина
Пожари беснеат источно и западно од Атина поради што жителите мораа да ги напуштат своите домови.
Исто така, владата го затвори за сообраќај еден од главните автопатишта на релација Атина-Коринт, а ги запре и возовите што сообраќаат на тој дел од Атина. Еден од локалните градоначалници, Евангелос Бурнус, за „Катимерини“ сведочел дека видел како биле запалени повеќе од 100 дома и 100 автомобили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ: Нека утрешниот ден биде ден што нè обединува, а не ден што нè разделува уште повеќе
Српскиот претседател Александар Вучиќ се извини за изјавите што ги даде претходно за студентите и демонстрантите, како и за други луѓе со кои не се согласуваше.
По повод утрешната годишнина од уривањето на настрешницата на железничката станица во Нови Сад, во која загинаа 16 лица, Вучиќ изрази сочувство до семејствата на жртвите и рече дека земјата оттогаш е „во превирања“.
„Утре, 1 ноември, ќе одам во црква да се помолам на Бога и да запалам свеќа за секој од нив. Ги повикувам граѓаните да го сторат истото. Знам дека во тага некои луѓе бараат утеха на собирите – секој тагува на начин што го смета за најдобар. Доколку ова се прави во мир, целосно го поддржувам“, рече Вучиќ.
Тој додаде дека е свесен дека многумина се лути и се чувствуваат немоќни затоа што виновниците сè уште не се идентификувани, а камоли казнети.
„И мене ми е разочарувачки“, рече Вучиќ.
„Можам да го разберам гневот. Искрено се надевам дека овие прашања наскоро ќе бидат одговорени. За мене не е важно само да се открие што се случило, туку и како да се спречи повторно да се случи, или барем да се минимизираат ваквите ситуации“, рече српскиот претседател.
Тој додаде дека „една година по (уривањето на настрешницата), можам да заклучам дека многумина во нашето општество направиле сериозни и големи грешки, вклучувајќи ме и мене“.
„Многумина ги прекршија правилата, нанесоа насилство врз државата и туѓиот имот. Исто како што некои покажаа гнев, и мене ми е жал за некои од работите што ги кажав. Се извинувам за тоа“, рече Вучиќ.
„Постои само една вистина“
Тој повторно повика на социјален дијалог.
„Целата оваа омраза што врие во нашето општество не носи ништо добро – само води кон уште поголемо уништување. Мојата искрена желба е утрешниот ден да помине мирно, со почит, со повеќе тишина отколку со викање. Обвинувањето едни со други нема да нè однесе никаде. Вистинската правда мора да се спроведе, но не правдата измислена на улиците, туку онаа што се спроведува во институциите. Можеби некои од нас мислат дека не се способни, но овие се единствените што ги имаме и мора да ги поддржиме и да апелираме до нив да си ја работат својата работа“, заклучи Вучиќ.
Тој додаде дека ова е неопходно за институциите да работат попосветено и побрзо и за да се открие вистината.
„Не вистината на едната или другата страна, туку единствената вистина – онаа што е поткрепена со докази. Ова е вистината што сите страни од општеството треба да бидат подготвени да ја прифатат. Нека утрешниот ден биде ден што нè обединува, а не ден што нè разделува уште повеќе“, рече Вучиќ.
Тој исто така рече дека оние што сакаат да протестираат можат да продолжат да го прават тоа, „но со повеќе почит кон своите сонародници кои не се согласуваат со нив“.
„Самото протестирање не е замена за разговор. Добро е за извикување слогани, но не и за решавање проблеми. Уште еднаш, ги повикувам оние што протестираат да седнат на маса, да ги искажат своите желби и да учествуваат во разговор и дебата. Не преку ултиматуми, туку како дел од дијалог“, рече Вучиќ.
Тој додаде дека Србија ќе се соочи со огромни предизвици во следните неколку недели и месеци.
„Тие немаат никаква врска со утрешниот ден. Немаат никаква врска со протестите. Работите што ги земавме здраво за готово се уриваат во денешниот свет. Структурите што функционирале со години исчезнуваат. Светот околу нас се менува со голема брзина. Се случуваат тектонски промени и ние мора да го дадеме најдобриот одговор на сето ова, заедно и обединети“, рече Вучиќ.
Фото: принтскрин
Регион
Почина поранешниот албански премиер Фатос Нано
Поранешниот албански премиер и лидер на албанската левица по падот на комунизмот, социјалистот Фатос Нано, почина денес во Тирана на 73-годишна возраст, објави сегашниот албански премиер Еди Рама.
Поранешниот албански премиер Фатос Нано почина на 73-годишна возраст по неколку неделно лекување во приватна болница во Тирана, каде што беше хоспитализиран во тешка состојба по срцев удар, според написите на медиумите во регионот.
Веста ја објави и „Euronews Albania“, наведувајќи дека Нано бил во тешка состојба со недели пред да им подлегне на компликациите.
Нано е една од клучните политички фигури на албанскиот транзициски период: основач и прв лидер на Социјалистичката партија и премиер во три мандати — кратко во 1991 година, потоа 1997–1998 и 2002–2005 — со улога во модернизацијата на левицата и европеизацијата на политичкиот систем во Албанија.
Регион
Србијавоз: Железничкиот сообраќај во Србија е прекинат поради дојава за бомба
Железничкиот сообраќај низ цела Србија е привремено суспендиран поради анонимна дојава за експлозивни направи, објави Србијавоз на својата официјална веб-страница.
„Србијавоз д.д. ги информира корисниците на услугите дека на 31 октомври 2025 година е примен повик со анонимна дојава дека на сите возови и пруги се поставени експлозивни направи“, се вели во соопштението.
Компанијата наведува дека „интензивно соработува со Министерството за внатрешни работи за решавање на ситуацијата“ и дека е „принудена привремено да го суспендира работењето на сите возови со цел да се заштитат животите на патниците и екипажите на возовите“. На патниците им се советува да добијат информации пред поаѓање преку официјалната веб-страница www.srbijavoz.rs или преку кол-центарот.
Според достапните информации, возовите биле запрени на неколку линии низ земјата. Возовите запреле во Инѓија во Војводина, а слична ситуација е забележана и во Смедеревска Паланка, каде што патниците биле евакуирани. Возот што сообраќал во близина на Ресник бил исто така запрен. Патниците наведуваат дека возот што се упатува кон Суботица застанува во Нови Сад, додека според апликацијата „Србија Воз“, сите возови на линијата Нови Београд – Петроварадин се откажани.
Претставничката на Партијата за слобода и правда, Јелена Милошевиќ, објави дека пристигнале пријави за бомби пред утрешните протести во Нови Сад, на годишнината од падот на настрешницата на железничката станица.
„Испробан и вистинит рецепт за големи собири – закани со бомби. Возот 2900 Ниш-Белград бил запрен во Смедеревска Паланка, патниците биле евакуирани, возот е запрен во близина на Ресник, а сите возови на северот од земјата се запрени. Властите ги малтретираат граѓаните затоа што се плашат од нив“, напиша Милошевиќ.
Вакви закани и прекини во сообраќајот се случиле и претходно – на пример, во пресрет на големиот протест во Белград на 15 март, кога железничкиот сообраќај беше прекинат поради наводни пријави за експлозивни направи.
фото:илустрација
67-годишен маж ја тепал сопругата, ја гушел и се обидувал со каиш да и ги врзе нозете: Семејно насилство во Петровец
Јавен обвинител од Основното јавно обвинителство Скопје поведе постапка против едно лице за нанесување тешка телесна повреда од член 131...
Скопјанец ја малтретирал поранешната девојка – ја влечел пред болница и ѝ се заканувал дека ќе го убие брат ѝ
Скопското Обвинителство поведе постапка против 33-годишен скопјанец осомничен за продолжено загрозување на сигурноста на својата поранешна девојка. Според обвинителството, мажот...
Условна казна за едниот од напаѓачите на градоначалничката Арсовска
Реџеп Нуредини доби условна казна од две години затвор, која нема да се изврши доколку во наредните пет години не...
Луксузен хотел во центарот на Скопје крадел струја: Електродистрибуцијата пронајде нелегални кабли
Откриена голема кражба на електрична енергија во центарот на Скопје. Хотел со четири ѕвезди на улицата Луј Пастер бил нелегално...
Закани за убиство кон градоначалникот на Неготино и обид да се изнудат пари: обвинение против едно лице
Основното јавно обвинителство Кавадарци обезбеди докази и поднесе обвинение против едно лице осомничено за кривични дела – Изнуда од член...
Тетовец се заканил со убиство на жена и функционери од политичка партија: Обвинителството поведе постапка
Основното јавно обвинителство Тетово, постапувајќи по кривична пријава од СВР Тетово, поведе постапка против 49-годишен тетовец за кого постои основано...
Уапсен возачот што удри 11-годишно девојче на улицата Перо Наков и избега
Вчера околу 19:30 часот, по преземени оперативни мерки, полициски службеници од Единицата за интервентна полиција при СВР Скопје го лишија...
Завршува кампањата за вториот круг од локалните избори, на полноќ почнува изборниот молк
На полноќ завршува кампањата за вториот круг од локалните избори што ќе се одржат во недела, 2 ноември. Со тоа...
Речиси 130 килограми марихуана откриени на Табановце, поведена истрага
Основното јавно обвинителство Куманово донесе Наредба за спроведување истражна постапка против српски државјанин осомничен за кривично дело – Неовластено производство...
Бројот на жртви од ураганот Мелиса расте: пристигнаа првите хуманитарни летови
Ураганот Мелиса повеќе не е закана за карипските земји, но разорната бура одзеде најмалку 50 животи и предизвика штета од...
Кина му се закани на Тајван; Лаи одговори, па го претстави првиот тенковски баталјон „Абрамс“
Тајван не ја сака кинеската – една земја, два система – и мора да ги задржи својата слобода и демократијата...
(Видео) Силно невреме го погоди Њујорк, двајца мртви
Обилни дождови го погодија Њујорк, при што загинаа две лица, изјави градоначалникот Ерик Адамс, додека бурите ги попречија летовите, а...
(Видео) Голем напад врз Русија: украинските дронови ја таргетираат енергетската инфраструктура
Во текот на ноќта напади со беспилотни летала беа регистрирани врз енергетската инфраструктура во неколку руски региони, вклучувајќи ги регионот...
На Скопје не му требаат експерименти и луѓе кои допрва ќе се учат што е локална самоуправа, порача Ѓорѓиевски од митингот во Скопје
Стоиме заедно во пресрет на конечната одлука, ова е одлука за судбината на нашиот град. Одлука за тоа во каков...
Мицкоски најави 70 проекти: Нашата цел не е само политичка победа, почнуваме со нови училишта, болници, мерки за чист воздух, инвестиции
Претседателот на ВМРО-ДПМНЕ, Христијан Мицкоски се обрати на народниот митинг на ВМРО-ДПМНЕ и коалицијата „Твоја Македонија’’ од пред платото на...
Ѓорѓиевски: Веќе имаше дебата со Мециновиќ, вечерва одбрав да бидам со мојот народ
Кандидатот за градоначалник на Град Скопје од ВМРО-ДПМНЕ, Орце Ѓорѓиевски, се огласи откако партијата Левица го прозва дека одбил учество...
Села до Меџити: Не сум дел од власта туку сум спроти неа, не рамо до рамо туку лице в лице
Лидерот на едното крило на Алијансата за Албанците, Зијадин Села, преку објава на „Фејсбук“ одговори на излегувањето на Изет Меџити,...
(Видео) Митева: Стевчо Јакимовски и неговите пајташи од градежната мафија сакаат бетонизација на Влае, присвоиле и улица за висококатница
Стевчо Јакимовски и неговата градежна дружина сакаат бетонизација на Влае, присвоиле и улица за висококатница. Да ја потсетиме јавноста што...
Александар Јовановски нов директор на „Комунална хигиена“ – Скопје
Александар Јовановски е нов директор на ЈП „Комунална хигиена“ – Скопје. Тој доаѓа од Град Скопје како инспектор во Секторот за...
(Видео) Масовен руски напад врз Украина, лансирани дронови и ракети: оштетени станбени згради
Повеќето украински региони останаа без електрична енергија по уште еден масовен руски напад со ракети и дронови врз цивилна и...
