Европа
(Од минута во минута) Зеленски не е подготвен да даде дел од територијата за мир, Москва: Киев подготвува лажни обвинувања
Специјалната операција на руската армија во Украина денеска влезе во 47. ден
Клучни настани
Зеленски: Не сум подготвен да дадам ниту еден дел од територијата за мир
Кадиров им се заканува на Украинците: Ќе го окупираме Киев
Австрискиот канцелар се сретна со Путин
Сирените повторно се огласија во неколку украински градови
Виталиј Кличко: Повлекувањето на Русите не значи дека се откажале од Киев
Од минута во минута:
21:40 Француската полиција истражува воени злосторства во Украина
Француски полицајци пристигнаа во Лавов во западна Украина за да учествуваат со нивните украински колеги во истрагата за воени злосторства извршени во околината на Киев, изјави францускиот амбасадор во Украина.
Ова е првиот странски тим кој дава ваква помош, објави денеска на Твитер амбасадорот Етјен де Понсинс.
Fier d’accueillir à #Lviv le détachement des gendarmes techniques et scientifiques venu assister leurs camarades ?? dans les investigations des crimes de guerre commis autour de #Kiev. La ?? première à apporter une telle aide. Ils seront à pied d’œuvre dès demain. Solidarité ???? pic.twitter.com/3pX9LkPzeq
— Etienne de Poncins (@EdePoncins) April 11, 2022
21:32 Борел: Русија доживеа голем неуспех
Високиот претставник на ЕУ за надворешна политика и безбедност, Жозеп Борел, изјави дека војната во Украина е голем неуспех за Русија.
„Се обидоа да го заземат Киев, а сега го напуштија. Гледаат дека е невозможно да се заземе главниот град“, рече Борел на прес-конференција во Луксембург.
„Тие ги прегрупираат своите трупи на исток и Украинците се убедени дека ќе започнат голема офанзива во Донбас во близина на нивните логистички бази“, рече тој. Борел, исто така, ја карактеризира инвазијата како „хорор“.
21:20 Украина тврди дека Русите заробиле 1.700 лица, меѓу кои 500 се жени
Русија и проруските сепаратисти заробија 1.700 луѓе, изјави украинската вицепремиерка Ирина Верешчук.
Во интервју за „Ројтерс“, таа рече дека меѓу заробените има 500 жени. Вели дека се принудени да стојат, дека им се избричени главите и дека мораат да се соблекуваат секојдневно „поради преглед“.
20:50 Повеќе од 10.000 цивили се убиени во Мариупол, тврди градоначалникот
Повеќе од 10.000 цивили се убиени во руската опсада на Мариупол, изјави градоначалникот на тој пристанишен град.
Во телефонски разговор за Асошиетед прес, градоначалникот Вадим Бојченко рече дека телата се „теписи на улиците на градoт“ и дека бројот на загинати може да биде повеќе од 20.000.
20:15 Пентагон: Руските сили собираат засилување во близина на стратешки важен град
Руските сили добиваат засилување околу Донбас, особено во близина на стратешки важниот град Изиум, но сè уште не започнале офанзива за воспоставување целосна контрола врз регионот во источна Украина, изјави висок претставник на Пентагон.
19:39 Формула 1 го исфрли, а Италија му заплени имот вреден 105 милиони евра
Италија заплени имот во вредност од околу 105 милиони евра во сопственост на поранешниот руски Ф 1 возач Никита Дмитриевич Мазепин и неговиот татко олигарх. Заплената се однесува на вила, позната како Камениот Овен, која се наоѓа на северот на Сардинија.
Мазепин, кој беше отпуштен од американскиот Ф1 тим Хаас во март, се наоѓа на листата на санкции на ЕУ заедно со неговиот татко Дмитриј, опишан од Европската унија како член на потесното опкружување на рускиот претседател Владимир Путин.
19:00 Москва вели дека Киев подготвува лажни обвинувања
Москва објави дека Украина со помош на британската разузнавачка служба подготвува нови лажни обвинувања за наводно руско насилство врз цивили, пренесе Ројтерс.
„Киев подготвува нови лажни, исценирани провокации во регионот Суми, во кои вооружените сили на Руската Федерација би биле обвинети за наводно сурово постапување со украинскиот народ, сето тоа со помош на британските разузнавачки служби“, соопшти руското Министерство за одбрана.
18:33 Бајден разговараше со индискиот премиер, бара конкретна реакција против Москва
Американскиот претседател Џо Бајден и индискиот премиер Нарендра Моди виртуелно се сретнаа за да разговараат за војната во Украина.
Разговорите се водеа додека САД бараат дополнителна помош од Индија за примена на економски притисок врз Русија.
18:00 Сепаратисти: Окупиравме важно пристаниште во Мариупол
Лидерот на проруските сепаратисти во Доњецк изјави дека неговите сили целосно го окупирале пристаништето на стратешки важниот град Мариупол, во југоисточна Украина, кој е под опсада повеќе од еден месец.
„Што се однесува до пристаништето во Мариупол, тоа веќе е под наша контрола“, изјави Денис Пушилин.
17:00 „Разговорите беа многу директни и тешки“ – заврши средбата меѓу Путин и австрискиот канцелар
Австрискиот канцелар Карл Нехамер денеска ја посети Русија и се сретна со рускиот претседател, Владимир Путин.
По средбата, Нехамер рече дека разговорите со рускиот претседател биле многу директни, отворени и тешки.
16:28 САД: Русија продолжува со бруталните тактики, ќе биде полошо
Американскиот советник за национална безбедност Џејк Саливан рече дека назначувањето на руски генерал наречен сириски месар да води војна во Украина е во согласност со војната што ја води Путин.
16:20 Северна Кореја ги осуди САД поради исфрлањето на Русија од ОН
„Она што САД го сакаат е да ги изолираат независните земји и силите кои се борат на меѓународната арена, за да го задржат својот незаконски и нехуман хегемонистички поредок“, се вели во соопштението на владата објавено од државната новинска агенција КЦНА.
15:15 Захарова: Русија адекватно ќе одговори на хрватското протерување на дипломатите
Русија адекватно ќе одговори на хрватското протерување на 18 руски дипломати и шестмина вработени во амбасадата, изјави денеска за РИА Новости портпаролката на руското Министерство за надворешни работи, Марија Захаровa.
„ Русија ќе одговори соодветно“, рече таа.
14:59 Украински дезертери плаќаат по 15.000 долари за бегство од војната во Украина
Украинските дезертери плаќаат дури 15.000 долари за да избегаат преку граница. Тие масовно бегаат во Молдавија, една од најсиромашните европски земји.
Меѓу нив е и младиот моден фотограф од Киев, Вова Клевер, кој вели дека никогаш не се гледал себеси во оваа војна.
14:30 Убиен уште еден руски полковник, кој командувал со елитен полк
Според сѐ уште непотврдени информации, во Украина е убиен уште еден руски полковник. Доколку се потврди, тоа ќе биде деветтиот руски полковник убиен во војната што почна пред 46 дена.
Полковник Александар Беспалов беше командант на 59. тенковски полк на руската армија. Не е јасно каде и како е убиен, наведува Би-би-си.
The #Ukraine Armed Forces claim that they eliminated the next Russian top military officer – a commander of the elite Russian 59th tank regiment, Col. Alexandr Bespalov. pic.twitter.com/MuZp3F2Xwv
— Victor Kovalenko (@MrKovalenko) April 8, 2022
14:26 Зеленски: Не сум подготвен да дадам ниту еден дел од територијата во замена за мир
Украинскиот претседател Володимир Зеленски даде интервју за емисијата „60 минути“ на Си-Би-Ес, што се емитуваше синоќа.
Зеленски рече дека е подготвен да се сретне со рускиот претседател Владимир Путин во разговорите за ставање крај на војната, но на прашањето дали е подготвен да се откаже од кој било дел од Украина за мир, тој рече дека „не е подготвен да се откаже од својата земја“.
Министерот за надворешни работи на Руската Федерација, Сергеј Лавров, денеска изјави дека специјалната операција на Русија во Украина била дизајнирана да стави крај на стремежот на САД да доминираат во светот, пренесува „РИА новости“
13:12 Москва: Руските специјалци го ликвидираа водачот на неонацистичката група „Десен сектор“
Рускиот министер за одбрана објави дека руски командоси во Украина го убиле командантот на неонацистичката група Сектор, Тарас Бобанич.
Официјална Москва го обвинува Бобанич за убиство на стотици цивили во источна Украина за време на конфликтот во регионот во 2014 година.
Taras Bobanich, a senior figure in the Right Sector group, was killed by Russian commandos, the Russian defense ministry saidhttps://t.co/Kd2r2e40Pm pic.twitter.com/97kbrbx8mP
— RT (@RT_com) April 11, 2022
13.05 Уништен е аеродромот во украинскиот град Днeпар
Уништен е аеродромот во градот Днепар, во централна Украина, соопшти регионалниот гувернер
13:03 Британците објавија нова мапа за војната во Украина
Британското Министерство за одбрана објави нова мапа на која се прикажани маневрите на руските сили на бојното поле во Украина.
Според британските разузнавачи, се очекува Русите да испратат дополнителни сили во источна Украина, каде што треба да влезат од Русија.
The illegal and unprovoked invasion of Ukraine is continuing.
The map below is the latest Defence Intelligence update on the situation in Ukraine – 11 April 2022
Find out more about the UK government’s response: https://t.co/nZAHBJopVq
?? #StandWithUkraine ?? pic.twitter.com/1fvMme61uN
— Ministry of Defence ?? (@DefenceHQ) April 11, 2022
12:50 Хрватска протера 18 руски дипломати
Хрватска протерува 18 руски дипломати и шестмина членови на административно-техничкиот персонал, соопшти денеска Министерството за надворешни и европски работи.
Хрватска денеска на рускиот амбасадор во Хрватска му врачи нота со која ја информира Русија за намалувањето на бројот на дипломатски и административно-технички персонал на руската амбасада во Загреб.
12.05 Зеленски: Десетици илјади луѓе беа убиени во Мариупол
Украинскиот претседател Володимир Зеленски продолжува да се обраќа пред парламентите ширум светот, а денеска на ред дојде јужнокорејскиот парламент
12:00 Грлиќ Радман: Воените злосторства во Украина треба да се истражат и одговорните да бидат казнети
Хрватскиот министер за надворешни работи Гордан Грлиќ Радман изјави во Луксембург дека е неопходно да се спроведат соодветни истраги за руските воени злосторства во Украина и да се осигура дека одговорните ќе ги сносат последиците.
„ Потребни се соодветни истраги за воени злосторства и одговорните мора да бидат повикани на одговорност“, рече Грлиќ Радман по пристигнувањето на состанокот на министрите за надворешни работи на ЕУ во Луксембург.
11.05 Русија загуби 19.500 војници, 154 авиони, 137 хеликоптери
Независниот весник Киев објави индикативни проценки за загубите на Русија од 11 април, според Вооружените сили на Украина
These are the indicative estimates of Russia’s combat losses as of April 11, according to the Armed Forces of Ukraine. pic.twitter.com/eXqEIvQrQl
— The Kyiv Independent (@KyivIndependent) April 11, 2022
10.55 Украински функционер предупредува: Русите акумулираат сили, големата офанзива веќе започна
Руската офанзива во Донбас веќе започна, изјави утрово висок украински функционер, додавајќи дека Русија продолжува да собира сили во источниот регион на Украина
10.50 Американски експерт: Следните три недели ќе го одредат исходот од војната во Украина
Мајкл Рајан, поранешен заменик помошник секретар за одбрана за Европа и НАТО, рече дека следните три недели ќе го одредат исходот од војната во Украина
Michael Ryan says we shouldn't believe that President Putin wants to deescalate the war in Ukraine as 'negotiations are now at a stage where neither side feels like they have a strong position'.https://t.co/S0TVvCbrqu
? Sky 501, Virgin 602, Freeview 233 and YouTube pic.twitter.com/SoLyy2cv1o
— Sky News (@SkyNews) April 11, 2022
10.48 Зеленски: Светот ги игнорира чудовиштата
Украинскиот претседател Володимир Зеленски ги обвини руските сили за тортура и кукавичлук. Тој рече дека тамошната влада се плаши да ги признае грешките
10.45 Саливан: Путин планирал воени злосторства во Украина
Американскиот советник за национална безбедност Џејк Саливан синоќа изјави дека воените злосторства извршени од руските сили во Украина се дел од главниот план на рускиот претседател Владимир Путин
10.40 Присилна мобилизација во Луганск, армијата брка луѓе по улица
Видео кое почна да кружи на социјалните мрежи, наводно, го покажува бегството на граѓаните во Луганск, отцепениот регион на Украина, од присилната мобилизација
Forced mobilization continues in #Luhansk, people are grabbed right on the streets. The footage shows a man running away from the military of the so-called "Luhansk People's Republic". pic.twitter.com/hVoGw5qElz
— NEXTA (@nexta_tv) April 11, 2022
10.25 Борел: Воведувањето дополнителни санкции на ЕУ кон Русија е опција
Шефот на ЕУ за надворешни работи денеска изјави дека постои опција за воведување дополнителни санкции на Европската унија кон Русија.
10.15 Повеќе од 1.200 тела пронајдени во масовни гробници во близина на Киев
Украинските власти пронајдоа повеќе од 1.200 тела во масовни гробници во селата во регионот на Киев, додека во тек е воздушен напад во регионот на главниот град, како и во Лавов, Запорожје и Днепар, а жителите на истокот се предупредени да бегаат од нов Руска офанзива
10.05 Британското разузнавање предупредува: Русија може да употреби фосфорна муниција во Мариупол
Во своето најново ажурирање на разузнавањето за Украина, британското Министерство за одбрана предупредува дека претходната руска употреба на фосфорна муниција во Доњецк „ја подигна можноста за нивна идна употреба во Мариупол додека борбите за градот се интензивираат
Latest Defence Intelligence update on the situation in Ukraine – 11 April 2022
Find out more about the UK government's response: https://t.co/3RYc4QJBuG
?? #StandWithUkraine ?? pic.twitter.com/p6jpNvs1eU
— Ministry of Defence ?? (@DefenceHQ) April 11, 2022
09.55 Кулеба: Русија знае дека на Украина ѝ треба оружје и прави сѐ за да не го добиеме
Кулеба: Русија знае дека на Украина ѝ треба оружје и прави сѐ за да не го добиеме
Russia knows arms supplies are essential for Ukraine and mobilizes all efforts to undermine them. Moscow prepared a massive info campaign targeting foreign media and politicians. Their troll factory may spam emails and flood comments with disinfo on Ukraine. Don’t fall for it.
— Dmytro Kuleba (@DmytroKuleba) April 11, 2022
Украинскиот министер за надворешни работи Дмитро Кулеба и преговарач со Русија денеска се огласија на Твитер
09.25 Виталиј Кличко: Повлекувањето на Русите не значи дека се откажале од Киев
Градоначалникот на Киев, Виталиј Кличко, смета дека повлекувањето на руските сили од Киев не значи дека тие се откажале од желбата да го заземат главниот град
09.20 Сирените повторно се огласија во неколку украински градови
Воздухопловните сирени утрово повторно се огласија низ Украина
09.15 Русија продолжува да го гранатира Донбас
Руското гранатирање продолжува во областите на Доњецк и Луганск, а украинските сили одбиле неколку напади кои резултирале со уништување на руски тенкови, возила и артилериска опрема, соопшти денеска британското Министерство за одбрана
09.10 Австрискиот канцелар денеска ќе се сретне со Путин
Австрискиот канцелар Карл Нехамер денеска во Москва ќе се сретне со рускиот претседател Владимир Путин, а поводот е разговор
09.05 Верешчук: Во неделата беа евакуирани 2.824 цивили
Во неделата 2.824 цивили беа безбедно евакуирани од воените зони во Украина преку хуманитарни коридори, изјави вицепремиерот на Украина Ирина Верешчук.
Нашата намера е да и помогнеме на украинската армија да ја одбие бруталната руска инвазија бидејќи мирот во Европа е суштински за глобалната стабилност
NZ Hercules Aircraft with 50 Defence Force personnel to help transport and distribute donated military aid for Ukraine https://t.co/qDshS5msb4
— RNZ News (@rnz_news) April 11, 2022
08.30 Американски власти: Путин испраќа генерал познат по својата бруталност во Украина
Русија го назначи својот најискусен воен офицер, генералот Александар Дворников за командант во војната против Украина, изјави висок американски претставник
"I do have to wonder how the international community, including the US, decides what kind of wholesale killing necessitates direct military intervention and what kind doesn't" — Jake Tapper to National Security Adviser Jake Sullivan pic.twitter.com/JTyJ10WPws
— Aaron Rupar (@atrupar) April 10, 2022
08.00 Кадиров им се заканува на Украинците: Ќе го окупираме Киев, тоа ви го гарантирам
Чеченскиот лидер Рамзан Кадиров утринава изјави дека руската армија ќе нападне бројни украински градови, вклучувајќи ги Мариупол и Киев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Француските земјоделци го блокираат Париз со трактори
Француските земјоделци блокираа локации во Париз во знак на протест против сеопфатниот трговски договор што Европската Унија треба да го потпише со јужноамериканските земји и поради други локални прашања.
Земјоделците од синдикатот „Coordination Rurale“ ги нарекоа протестите во Париз лути поради договорот за слободна трговија меѓу Европската Унија и јужноамериканскиот блок Меркосур, за кој стравуваат дека би можел да ја преплави земјата со евтин увоз на храна, како и поради начинот на кој владата се справува со болеста на добитокот.
„Се наоѓаме помеѓу негодување и очај. Се чувствуваме напуштени, како и со Меркосур“, изјави за Ројтерс Стефан Пелетие, заменик-претседател на синдикатот во централна Франција.
🚨 EN DIRECT – De nouveaux agriculteurs arrivent au niveau de l’Arc de Triomphe. pic.twitter.com/SHu89ZzD8n
— Frontières (@Frontieresmedia) January 8, 2026
Протестот доаѓа неколку дена откако Европската комисија предложи да им се стават на располагање на земјоделците 45 милијарди евра од фондовите на ЕУ и се согласи да ги намали увозните давачки за некои ѓубрива во обид да ги придобие земјите кои се двоумат во нивната поддршка за Меркосур.
CRISE AGRICOLE : Des tracteurs de la Coordination rurale sont entrés dans Paris malgré les blocages de la police. Une quinzaine de tracteurs se trouvent devant la tour Eiffel, d'autres ont encerclé l'Arc de Triomphe. La porte d'Auteuil a été bloquée par des agriculteurs et l'A13… pic.twitter.com/LHT3iXt7Mr
— Infos Françaises (@InfosFrancaises) January 8, 2026
Договорот е поддржан од земји како Германија и Шпанија, а Комисијата се чини дека ја добила поддршката од Италија, што значи дека ќе ги има потребните гласови за да го одобри трговскиот договор со или без француска поддршка.
Европа
Зеленски предложи САД да го киднапираат Кадиров, стигна одговор од Чеченија
Украинскиот претседател Володимир Зеленски ги повика САД да го зголемат притисокот врз Русија со киднапирање на чеченскиот лидер Рамзан Кадиров, на ист начин како што направија со венецуелскиот претседател Николас Мадуро, верувајќи дека таквата операција би можела да влијае врз руското раководство.
„Еве еден пример со Мадуро. Да, тие спроведоа операција. Сите ги видоа резултатите, целиот свет. Го направија тоа брзо. Па, нека спроведат некаква операција врз овој, како се вика, Кадиров“, рече Зеленски, цитиран од РБК.
На 3 јануари, американската војска ги уапси Мадуро и неговата сопруга, Силија Флорес, во нивниот дом во Каракас и ги транспортираше во Њујорк, каде што соборениот лидер на републиката беше обвинет за „наркотероризам“. Самиот Мадуро изјави на суд дека останува претседател на Венецуела.
Одговор од Чеченија
Рамзан Кадиров одговори на предлогот преку својот Телеграм канал, тврдејќи дека Зеленски сака да ги постигне своите цели преку други. „Забележете дека тој дури и не се закани дека ќе го стори тоа самиот“, напиша чеченскиот лидер, истакнувајќи дека Зеленски претпочиташе да остане настрана „и да гледа од безбедно растојание“.
„Ме става на листата на барани лица и наметнува санкции. Сега бара помош од Американците, велејќи: „Ако не помогнаа со оружје, барем киднапирајте го Рамзан“, рече Кадиров.
„Зачувајте го вашиот образ и не се понижувајте. Да имавте трошка машкост во вас, ќе разберевте колку понижувачки звучат вашите зборови и барања“, додаде тој.
За налогот на Украинската безбедносна служба
Ова не е прв конфликт меѓу Кадиров и украинските власти. Безбедносната служба на Украина (СБУ) претходно го прогласи Кадиров за барано лице, обвинувајќи го за спроведување „агресивни воени дејствија“ и кршење на законите и обичаите на војување.
Од друга страна, Истражниот комитет на Русија го окарактеризира тој потег како „свесно доведување на невино лице пред кривична одговорност“.
Европа
Сикорски: Варшава е отворена за распоредување германски трупи во Полска
Варшава е отворена за евентуално распоредување на германски трупи во Полска во обид да се обезбеди прекин на огнот во Украина, според полскиот министер за надворешни работи Радослав Сикорски.
„Германските војници се стационирани во Полска со години како дел од разни мисии на НАТО“, рече Сикорски, заклучувајќи дека присуството на трупи на Бундесверот на полска територија нема да биде новост. Сикорски ја даде изјавата вчера по состанокот во Париз со неговите француски и германски колеги, Жан-Ноел Баро и Јохан Вадефул, одржан во рамките на форумот за дијалог на Вајмарскиот триаголник, регионален сојуз што ги поврзува Полска, Франција и Германија од 1991 година.
Според министерот, воената соработка меѓу Полска и Германија веќе е воспоставена. „За време на заедничка вежба пред неколку години, германски генерал командуваше со полска тенковска бригада, додека полски генерал водеше германска бригада“, рече Сикорски.
Министерот за надворешни работи, исто така, ѝ се заблагодари на Германија за минатогодишното распоредување на трупи што помогнаа во обезбедувањето на аеродромот во југоисточна Полска во близина на Жешов, клучен центар за воена и хуманитарна поддршка на Украина.
Завчера, германскиот канцелар Фридрих Мерц првпат ја спомена можноста Бундесверот да учествува во мировни операции, не во Украина, туку на територијата на НАТО во близина на границата. Сикорски објасни дека неколку земји, предводени од Франција, веќе презеле подготвителни чекори во Полска, во случај да се постигне прекин на огнот и да се воспостави мировна мисија во Украина.
Тој додаде дека деталното планирање на крајот ќе го води воениот штаб на вклучените земји. Германската влада соопшти дека разговорите во Париз се фокусирале на развивање силни безбедносни гаранции за Украина по прекинот на огнот и на придонесот на Европа кон долгорочната безбедност.
Во Охрид најкритично во Далјан, се излеа и Кочанска река – извештај за состојбата по обилните дождови
Обилните врнежи на дожд предизвикаа зголемен водостој на реките и локални излевања во повеќе делови од државата, информира Центарот за...
Евакуирани околу 110 лица по поплавите во Кичево, обезбедено привремено сместување и итна помош, отворена и сметка за донации
Поради обилните врнежи и зголемениот водостој на реките, во Кичево дојде до поплавување на населени места и земјоделски површини, при...
Мицкоски му одговори на Филипче: Имаме незрела, безидејна и неодговорна опозиција
Имаме неодговорна, неконструктивна, незрела и безидејна опозиција која се служи со вакви квалификации како што денеска ги слушнавме од господинот...
(Видео) Филипче: Средба со криминалци нема да има
Средба со криминалци нема да има. Нема средба за техничката влада, Мицкоски е во тесно, му се брза и бара...
(Фото) ДЗС: 30 полски кревети за евакуираните лица во Кичевско, во Ресенско со пумпи се вадеше навлезената вода од подруми и куќи
Подрачно одделение на Дирекцијата за заштита и спасување (ДЗС) Кичево, во овие два дена и сношти, учествуваше во теренските активности...
Нова состојба по обилните врнежи: Поплавени подруми и куќи во Охрид, Кичево, Битола, Тетово и Гостивар
Центарот за управување со кризи ја објави новата состојба до 13 часот по обилните врнежи од дожд во земјава. Во...
Лажен лекар измамил 77-годишна штипјанка за сума од 700.000 денари
Вчера во 16:30 часот во СВР Штип, 77-годишна жена од Штип пријавила дека била измамена од едно лице за сума...
Синдикат на култура: Преседан во културата, министерот Љутков повторно против колективните договори
Министерот за туризам, „културно“, но доста ехидно и веќе видено (за Велигден), сега им ја честиташе Новата година и божиќните...
Валбон Лимани претстави 3 проекти: 345 нови паркинг-места и трансформација на центарот и градскиот парк во Гостивар
Кандидатот за градоначалник на Гостивар од Националната алијанса за интеграција, Валбон Лимани, претстави три проекти: 345 нови паркинг-места и трансформација...
Трамп одобри нова казна за Путин? „Даде зелено светло“
Американскиот претседател Доналд Трамп даде зелено светло за законски предлог за нови санкции против Русија, изјави синоќа републиканскиот сенатор Линдзи...
Зеленски предложи САД да го киднапираат Кадиров, стигна одговор од Чеченија
Украинскиот претседател Володимир Зеленски ги повика САД да го зголемат притисокот врз Русија со киднапирање на чеченскиот лидер Рамзан Кадиров,...
(Видео) Топлотен бран ја погоди Австралија, властите предупредуваат на „катастрофален“ ризик од пожари
Делови од Австралија в петок го очекуваат катастрофални услови на избувнување пожари, бидејќи топлотен бран го погоди поголемиот дел од...
Сикорски: Варшава е отворена за распоредување германски трупи во Полска
Варшава е отворена за евентуално распоредување на германски трупи во Полска во обид да се обезбеди прекин на огнот во...
(Видео) Руски независни медиуми: Путин го прослави Божиќ во тајна воена база
Рускиот претседател Владимир Путин очигледно не го прославил овогодинешниот православен Божиќ во една од познатите московски катедрали, туку во црква...
Поради снег забранет сообраќај за камиони на патниот правец Струга – Граничен премин Ќафасан
Од 05.15 часот поради врнежи од снег се воведува забрана за сообраќај за тешки товарни возила на патниот правец Струга...
Трамп: Венецуела од профитот од нафтата ќе купува само американски производи
Претседателот на САД, Доналд Трамп извести дека Венецуела ќе ги користи своите приходи од нафта за купување исклучиво американски производи....
Одрони, излевања и поплави на повеќе локации – во Кичево евакуирани 60 луѓе во спортска сала поради поплавени домови
Директорот на Центар за управување со кризи, Мухамед Али, заедно со дежурните екипи на бројот за итни повици 112 и...
Поплавени улици во Битола, мобилизирани јавните претпријатија
По обилните врнежи од дожд што вечерва предизвикаа поплавување на улици низ Битола, екипи на ЈП „Нискоградба“ и други јавни...
Мицкоски најави лидерска средба на која би се зборувало за укинување на техничката влада
Премиерот Христијан Мицкоски во текот на утрешниот ден ќе упати покани до политичките партии за лидерска средба, на која би...
Мицкоски за бугарската формулација „достапен јазик“ наместо македонски: Не е во прашање само Уставот, туку редефинирање на македонскиот идентитет
Премиерот Христијан Мицкоски, одговарајќи на новинарско прашање, ја коментираше формулацијата „достапен јазик“, наместо македонски јазик, што ја употреби Министерството за...
