Свет
Олаф Шолц нов канцелар на Германија
Лидерот на социјалдемократите, Олаф Шолц, објави дека постигнал договор за преземање на функцијата германски канцелар, пренесува АФП. Тој рече дека утре почнуваат преговорите со Партијата на зелените и либералите за формирање нова влада.
blockquote class=”twitter-tweet”>
“Wir freuen uns, dass nun Gespräche zu dritt beginnen.” – SPD-Kanzlerkandidat Olaf Scholz über den Start der Ampel-Sondierungen. pic.twitter.com/VGZfgEx2Hc
— Bericht aus Berlin (@ARD_BaB) October 6, 2021
СПД утре ќе почне разговори со зелените и со Партијата на слободата (ФДП), со кои може да формира мнозинска влада.
„Граѓаните ѝ дадоа наредба на СПД да формира влада, а наше е да го сфатиме тоа“, нагласи Шолц.
“Wir freuen uns, dass nun Gespräche zu dritt beginnen.” – SPD-Kanzlerkandidat Olaf Scholz über den Start der Ampel-Sondierungen. pic.twitter.com/VGZfgEx2Hc
— Bericht aus Berlin (@ARD_BaB) October 6, 2021
Тој посочи дека станува збор за напредок на Германија, дека новата влада мора да спроведе економска и индустриска модернизација и дека ја интензивира својата борба против климатските промени.
„За тоа ќе разговараме“, објави Шолц.
Разговорите ќе се одржат утре од 11 до 17 часот во „Сити тјуб“ на саемот во Берлин, објави СПД.
Доколку овие три страни постигнат договор, Германија, по 16 години владеење на Ангела Меркел, повторно ќе добие социјалдемократска влада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.
Свет
Трамп ги поништил сите уредби и документи потпишани од Бајден
Американскиот претседател Доналд Трамп соопшти дека ги поништил сите уредби и документи потпишани од неговиот претходник на функцијата, демократот Џозеф Бајден, бидејќи користел уред за автоматско потпишување.
Кои се правните последици од одлуката на Трамп засега не е јасно.
„Секој документ кој го потпишал Поспаниот Џо користејќи автоматско пенкало, што е околу 92 проценти од нив, со ова се поништува и повеќе нема никаква правна сила или ефект“, напиша републиканскиот претседател на својата платформа Трут Соушл.
Свет
Преговорите со САД за мировниот план за прекин на конфликтот со Русија ќе почнат наскоро, вели Зеленски
Украинскиот претседател Володимир Зеленски изјави дека на преговорите со Соединетите Американски Држави за мировниот план за прекин на конфликтот со Русија, кои, како што наведе, наскоро ќе започнат, земјата ќе ја претставуваат началникот на Генералштабот на вооружените сили на Украина, Андреј Гнатов и секретарот на Советот за национална безбедност и одбрана Рустем Умеров.
Во синоќешното видео обраќање, Зеленски рече дека претставници на Министерството за надворешни работи и украинската разузнавачка служба ќе бидат меѓу членовите на украинската делегација, пренесува „Униан“.
Тој додаде дека во моментов се во тек подготовки за состанок со американската страна.
„Преговорите наскоро ќе започнат, а наши претставници ќе бидат таму – началникот на Генералштабот, претставници на Министерството за надворешни работи, секретарот на Советот за национална безбедност и одбрана и нашата разузнавачка служба. Состаноци со американската страна ќе се одржат во блиска иднина“, нагласи Зеленски.
Украинската делегација досега ја предводеше Андриј Јермак, кој вчера поднесе оставка од функцијата шеф на претседателскиот кабинет.

