Во светот во неделата беа откажани повеќе од 4.000 лета, од кои повеќе од половина во САД, поради неповолните временски услови, но пред сѐ поради зголемувањето на бројот на заразени со омикрон-сојот на коронавирусот.

Според податоците на глобалната страница за следење летови, синоќа, до 20 часот по Гринич, биле откажани повеќе од 2.400 лета од и кон САД, а повеќе од 11.200 лета се одложени до натамошно известување.

Меѓу авиокомпаниите што имаа најмногу откажани летови се „Скај вест“ – 510 и „Југозапад“ – 419, а само до пладне откажани се над 3.300 лета, од кои 1.900 во САД, објави веб-страницата „Флајт авер“, пренсуваат агенциите.

Божикните и новогодишните празници се периоди со најмногу патувања, но брзото ширење на високопреносливиот сој омикрон доведе до нагло зголемување на заразата принудувајќи ги авиокомпаниите да ги откажат летовите, пред сѐ, поради недостиг на екипаж бидејќи голем број пилоти и членови на екипажот беа во изолација.

Транспортните агенции во САД исто така го суспендираа или го намалија обемот на бизнисот поради недостиг на персонал бидејќи е потврдено дека голем број вработени се заразени од коронавирусот.

Во последните 24 часа надлежните американски служби регистрирале 346.869 новозаразени, а бројот на починати и заболени од Ковид-19 во истиот период изнесува 377 лица.