Вакцината против коронавирус, што ја развива Универзитетот во Оксфорд во соработка со „АстраЗенека“, ќе чини меѓу три и четири долари, објави денес британски „Телеграф“. Тестирањето покажало дека вакцината ќе биде ефикасна до 90 проценти, во спречувањето на вирусот.

„ Оксфордската вакцина е вакцина за целиот свет. Додека „Фајзер“ и „Модерна“ објавија дека успешно го завршија тестирањето на вакцината во трите фази, британскиот тим првично истакна дека нивната цел е да го направат нивниот производ достапен за целата планета. Не се работи само за вакцина што ќе може да се транспортира и чува на нормални температури, туку и да биде достапна за секого “, се наведува во текстот на „Телеграф“.

Целта поставена од научници од Оксфорд и „АстраЗенека“ е вакцината да им биде достапна на посиромашните земји во светот, се додава во текстот.

„ Со цена од само три до четири долари по доза, вакцината на Оксфорд е само мал дел од цената на вакцината на „Фајзер“ и „Модерна“, што ќе се продава по цена од 20 до 32 долари, што е скапо за многу земји во развој“, наведува „Телеграф“.

Директорот на тимот што ја направи вакцината во Оксфорд, Ендру Полард, вели дека тие направиле „вакцина за светот“.

„ Нашата цел беше да ја направиме вакцината достапна насекаде. Мислам дека успеавме да го сториме тоа. Ова се многу возбудливи периоди за здравјето на луѓето”, рече Полард.

Поради штрајк на грчките цариници утре ќе биде затворен граничниот премин Евзони.

„ Денеска раководителот на смена на ПС за ГП и ГН Богородица е информиран од раководител на смена на ГП Евзони дека поради 24 часовен штрајк на грчките царински служби, ГП Евзони ќе биде затворен за секаков вид на сообраќај од 05,00 часот на 24.11.2020 до 05,00 часот на 25.11.2020 година“ соопшти МВР.

Ирачката служба за борба против тероризaм објави дека го уапсила координаторот на групата Исламска држава (ИСИС), Ирачанец познат под военото име Абу Наба. Како што се наведува, тој е уапсен откако излегол од авион во Багдад.

„ Тој беше уапсен во октомври додека „влегуваше во такси откако излезе од авион кој слета на аеродромот во Багдад“, изјави за Франс Прес, Сабах ал-Ноаман, портпарол на елитната единица за антитероризам.

Тој не сакал да го открие вистинскиот идентитет на Абу Наба.

Абу Наба беше „голема мета“, човек кој го започна своето џихадистичко патување со Ал Каеда во 2003 година, а подоцна се приклучи на различни групи. ИСИС некое време контролираше скоро една третина од Ирак, но беше потиснат кон крајот на 2017 година по крвави тригодишни борби“, додава ал-Ноаман.

„Тој беше во контакт со членовите на ИСИС во Ирак и ние долго време ја следевме нивната комуникација. Абу Наба се занимаваше со финансии, испраќаше пораки и организираше состаноци“ објасни тој.

Абу Наба бил главниот координатор на организацијата, која изумира денес, откако во 2019 година во Сирија го загуби самопрогласениот „калифат“.

Тој се наоѓа во притвор и му се заканува смртна казна само за членство во терористичка организација.